JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Impase polítiku seidauk rezolve, PN sei la autoriza PR ba rai liur

Impase polítiku seidauk rezolve,  PN sei la autoriza PR ba rai liur

Parlamentu Nasionál (PN), kontinua kansela  viajen Prezidente Repúblika (PR), Francisco Guterres Lú Olo nian ba Repúblika Indonézia (RI) ho Japaun, votus kontra husi maioria deputadu sira iha PN ba pedidu viajen Xefe Estadu.

Deputadu bankada opozisaun FRETILIN, Antoninho Bianco konsidera, polítika deputadu AMP nakonu ho odiu no vingansa, hodi kansela bebeik deslokasaun Xefe Estadu nian ba rai liur.

Deputadu opozisaun ne’e mós konsidera, problema internu ne’e ladun grave, tanba ne’e lamentável bainhira impede ajenda Xefe Estadu nian.

“ Asuntu rai laran ne’e la grave liu, asuntu internu ita sira ne’e hatene liu fali Prezidente?, se tuir nia (PR) kestaun rai laran di’ak hela, imi haree Prezidente Repúblika ne’e hanesan imi nia inimigu fali durante ne’e, Xefe Estadu ezerse nia dever, hodi kumpri katak, pedidu mai husi rai seluk ne’e, atu ba ka la ba, tenki haruka mai iha PN, ne’e tanba K-RDTL mak haruka, Prezidente la’os tur-tur mak hakarak ba ne’e la’os, ne’e regras konstituisaun nian, relasaun entre instituisaun soberanu ne’e mak ne’e”, deklara deputadu FRETILIN ne’e, iha plenária Segunda (30/09/2019).

Antoninho Bianco mós kestiona Parlamentu Nasionál impede pedidu viajen PR nian dala barak ona, ne’ebé sei fó impaktu mós ba imajen nasaun nian.

“Maluk sira bai-bain ko’alia lori kandidatu membru governu na’in 9 ne’e, embaixador, ne’e hanesan odiu vingansa, sentimentu odiu permanente, ne’e labele iha rai ne’e, se ida ne’e kontinua, AMP atu fó imajen ba rai liur oinsa?, no fó imajen ba povu ne’e halo nusa?. Ita tenki hatene katak, nasaun ne’e, nia imajen la’os iha AMP ne’e maibé, nia imajen ne’e ba povu tomak”, tenik Bianco.

Lee hotu :   PN kontinua kestiona negósiu ki’ik okupa husi estranjeiru

Iha fatin hanesan, deputadu bankada PLP, Francisco de Vasconçelhos argumenta katak, impase polítika iha rai laran seidauk rezolve, AMP sei la husik  Xefe Estadu atu halo viajen ba rai liur.

tuir deputadu bankada PLP ne’e, bainhira atu ba asiste posse iha nasaun seluk, Xefe Estadu presiza fó posse uluk ba membru VIII Governu pendente sira.

“Dala hira ona, PN la husik PR halo viajen, tanba problema ne’e ida de’it katak, depois de eleisaun antesipada to’o mai agora, preokupasaun públiku, katak, ita tenki rezolve interesse internal, dalaruma mosu ideia oi-oin katak, ita labele lakon diplomasia polítika internasionál nian, tanba ne’e mak ita atu partisipa iha polítika internasionál nian mak ativu liu, duke ita-nia interna rasik”, dehan deputadu Vasconçelhos.

Deputadu AMP ne’e mós afirma tan, bazei aba referensia ne’ebé mak iha, Xefe Estadu husi nasaun lubuk ida mak rezeita ka kansela tuir assembleia jerál ONU nian ba tinan 2019 ne’e, tanba tau interesse nasionál ka internu mak aas liu.

“Foin lalais iha assembleia jerál ONU nian ba dala 74 ne’e, Xefe Estadu ho Xefe governu husi nasaun lubuk ida mak la partisipa iha enkontru refere, hanesan Israel, tanba foin mak eleisaun hotu, no membru governu seidauk kompletu, inklui mós Xina rasik, la partisipa tanba iha dezintendementu kona-bá merkadu ho Amérika, nune’e mós Rusia la partisipa tanba problema internal, alende ne’e, Prezidente RI Jokowi rasik la partisipa tanba problema internal. Liga ba kazu sira henesan ne’e, iha âmbitu TL nian, PR toma responsabilidade bo’ot, ba preokupasaun sira ne’ebé ohin loron pendente hela. Viajen ida agora ne’e kona-bá tomada de posse, ita-nia membru governu ho embaixador sira ne’e PR la fó posse”, realsa polítiku husi bankada PLP ne’e.

Lee hotu :   Francisco Branco: Montante OJE boot, povu nia moris marka pasu

Parlamentu Nasionál kansela ona pedidu viajen Xefe Estadu Francisco Guterres Lú Olo nian ba rai liur dala barak ona mak hanesan, Ba Vatikanu, Portugál, Nova Iorque dala rua, Indonézia nian dala rua, inklui Japaun nian.say

Add to Comments Here!!!!

error: Content is protected.
Secured By miniOrange
You might also like:
Dia 30/09/2019 || GMNTV LIVE STREAM || JORNAL AS 12

Dia 29/09/2019 || GMNTV LIVE STREAM || JORNAL NASIONAL KALAN

Dia 29/09/2019 || GMNTV LIVE STREAM || JORNAL AS 12

Close