JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN husu governu tau prioridade uluk ba setór agrikultura

PN husu governu tau prioridade uluk ba setór agrikultura

Atu hadi’ak setór importante sira, hanesan saúde, edukasaun no ekonómia, reprezentante povu iha Parlamentu Nasionál (PN), sujere ba governu atu tau fó prioridade uluk ba dezenvolvimentu setór agrikultura, tanba maioria povu Timor-Leste moris ho vida agrikultura.

Tuir deputadu António Verdial husi bankada KHUNTO katak, setór agrikultura la dezenvolve sei implika mós setór sira seluk.

“Governu Timor-Leste (TL) tenki tetu no hatúr baze fundamental ida ne’ebé forte, hodi fó prioridade ba dezenvolvimentu setór agrikultura, tanba kauza barak ne’ebé mosu iha ita-nia rain,  liga ba saúde, ekonomia no edukasaun. Ne’e hatudu mai ita katak, dezenvolvimentu agrikultura sai hanesan fatór importante, tanba impaktu agrikultura mak kauza ba ekonomia, saúde no edukasaun, tanba ai-han no líkidu hotu ne’ebé ita konsumu lor-loron iha ita-nia moris, determina ita-nia aan ba moris ne’ebé saudável. Bainhira iha isin ida saudável, nia fíziku no nia kakutak, nune’e mós nia mentalidade sei fó kontribuisaun ba edukasaun ne’ebé di’ak, no susesu ba dezenvolvimentu ekonomia, ne’ebé independente no sei la dependente ba nasaun seluk”, afirma António Verdial liu husi plenária Tersa (01/10/2019).

Membru komisaun F, ne’ebé trata asuntu saúde iha PN ne’e mós konsidera, governu la tau importáncia ba dezenvovlimentu agrikultura iha TL, sei laiha produtividade hodi diversifika ai-han lokál sira.

Deputadu ne’e optimista katak, bainhira ezekutivu implementa no fó prioridade uluk ba setór importante ne’e, sei rezulta buat barak mak sai di’ak hanesan, konfrontasaun entre joven sira, hamenus númeru dezempregu, hamenus importasaun no promove ai-han lokál, inklui hasa’e rendimentu família nian no seluktan.

“Ita hotu hatene katak, ohin loron ema hotu husik hela sira-nia rain moris fatin, hodi hakat mai hela iha kapitál Díli, tanba sira senti laiha dezenvolvimentu ba sira nia ekonomia iha sira-nia rain ka Munisípiu rasik. Tanba ne’e, bainhira governu tau prioridade ba dezenvolvimentu indústria ba prosesamentu agríkola, katak, sei fó oportunidade servisu ba joven ne’ebé hakarak sai agrikultor iha área rural no remotas. Karik mehi ne’e mak realiza, sei rezulta buat barak ne’ebé di’ak”, garante reprezentante povu ne’e.

Hatán ba kestaun ne’e, Ministru Reforma Legislativa no Asuntu Parlamentares, Fidelis Magalhães konfirma, nia parte sei transforma asuntu refere ba parte relevante atu bele tau atensaun.say

Lee hotu :   Ramos Horta: Simples liu fó ba CNRT forma koligasaun foun

Add to Comments Here!!!!

error: Content is protected.
Secured By miniOrange
You might also like:
PN preokupa dezenvolvimentu RAEOA laiha kontinuasaun

Deputadu bankada Partidu Demokrátiku (PD), Mariano...

Dia 02/10/2019 || GMNTV LIVE STREAM || DADER KMANEK

Dia 01/10/2019 || GMNTV LIVE STREAM || JORNAL NASIONAL KALAN

Close