JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Krime kontinua buras, Luis Roberto ezije Governu reativa GAM

Krime kontinua buras, Luis Roberto ezije Governu reativa GAM

Deputadu komisaun B ne’ebé trata asuntu defeza no seguransa, Luis Roberto, ezije VIII Governu ne’ebé lidera husi Primeiru Ministru (PM), Taur Matan Ruak, atu kumpri promesa, hodi reativa Grupu Arte Marsial (GAM) tolu ne’ebé Governu taka tiha ona iha tinan hirak liu ba hanesan, PSHT, KORK no Kera Sakti, tanba krime ne’ebé durante ne’e mosu, públiku  duun ba GAM mak provoka.

“Durante kampaña hotu-hotu kompromete atu reativa maibé, na realidade depois de eleitu tiha, grupu arte marsial balun abandona tiha, la rezolve. Tanba ne’e, problema afeita husi sosio ekonomia, ema duun fali husi arte marsial, tanba ne’e buat ki’ik bo’ot ne’e arte marsiais de’it, nasaun ida mak ko’alia bebeik mak arte marsiais, dignidade nasaun ne’e to’o iha ne’ebé, arte marsiais ne’e grupu oan ida, nia labele ukun fali nasaun ida, ka Estadu ida. AMP mós iha kompromísiu ida atu reativa arte marsial sira ne’e maibé, ami hanesan membru Parlamentu, ami so husu de’it ba Governu, tanba governu mak iha kompetensia aas liu, Governu mak tenke kria dekretu lei ruma para lori mai PN hodi haree, depois reativa ka la’e ne’e komptenesia Governu nian, ami so halo fiskalizasaun”, kestiona Luis Roberto, iha PN, Sesta(08/11/2019).

Reprezentante povu ne’e mós apela ba joven sira, atu kontribui paz no estabilidade iha rain rasik, hodi fó biban ba dezenvolvimentu atu la’o.

“PNTL tenke servisu ho professional, labele tau interese pessoal ka grupu nian mak aas liu fali interese Estadu nian, ida ne’e mak ladun di’ak. Tanba ne’e husu ba PNTL ho FFDTL tenke tau aas interese komum públiku, labele haree ba grupu, liu-liu labele inklui iha grupu ruma. Problema ne’ebé akontese entre instituisaun rua ne’e, fi’ar katak rezolve ona, importante mak ita hotu kontribui ba paz no estabilidade ne’e, liu-liu joven sira hotu, tanba kapaisdade KOMJER de’it labele atu domina hotu ema rihun ba rihun ne’e, kapasidade ne’e fila fali ba hotu-hotu, membru ida ba ida, ne’emak tau hamutuk hodi iha kapasidade ida bo’ot. Ema hotu presiza kontribui, la’os depende ba Komando Jerál de’it, ne’e para bele iha estabilidade”,dehan Roberto.

Lee hotu :   Labarik hetan VD ho abuju seksual hamutuk 38

Antes ne’e, Ministru Defeza no Interior interinu, Filomeno Paixão deklara, konflitu ne’ebé durante ne’e mosu bebeik, tanba iha krime organizadu.say

Add to Comments Here!!!!

error: Content is protected.
Secured By miniOrange
You might also like:
Lere: Ohin loron ema halo polítika tanba osan

Xefe Estadu Maior Jeneral F-FDTL, Major...

Fundu mina-rai sa´e ba billiaun USD 17.55

Vise Governadór Banco Central de Timor-Leste...

Laiha solusaun ba impase polítiku, Vise PPN: Ne’e tanba líder nasionál sira-nia interese

Segundu Vise Prezidenti Parlamentu Nasional (PN),...

Close