JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Evita orsamentu duodésimu, FRETILIN ezije Governu lori hikas OJE 2020 tuir promesa

Evita orsamentu duodésimu, FRETILIN ezije Governu lori hikas OJE 2020 tuir promesa

Xefe bankada FRETILIN, Aniceto Guterres Lopez, ezije VIII Governu konstitusional atu lori hikas proposta lei Orsamentu Jerál Estadu (OJE) tinan 2020 nian, ba Parlamentu Nasionál (PN), tuir tempu ne’ebé determinadu atu nune’e labele hamosu tan orsamentu duodésimu iha fulan Janeiru.

“Ita tenke iha prazu, tanba agora ita tama ona iha Dezembru, sei to’o 1 de Janeiru mak seidauk iha orsamentu, ita tenke iha serteza mós, nune’e labele tama fali iha esperiensia ida orsamentu laiha ne’e, ita la’o ho duodésimu, tenke iha serteza. Esperiensia sira uluk ne’e, kuandu orsamentu laiha, nia konsekuensia sira ba ekonómia ho buat sira ne’e, ita lakohi ida ne’e repete tan, sei seidauk akomodasaun, bele tama iha duadésimu, maibé duadésimu labele buras liu. Iha situasaun normal, duadésimu ne’e, másimu liu fulan rua ou tolu de’it, maibé ida tinan tomak ne’e laiha ona, ne’e ba situasaun extraordináriu, maibé ne’e ita liu tiha ona, tanba ne’e ita tenke iha serteza, bainhira los mak ita atu iha fali debate hanesan ne’e, para Estadu iha orsamentu”,relata Xefe bankada FRETILIN ne’e, iha uma fukun PN, semana ne’e.

Alende ne’e, deputadu bankada Partidu Demokrátiku, Adriano do Nascimento mós rekomenda ba deputadu sira no kuadrus polítikus koligasaun AMP nian, ne’ebé kompostu husi partidu CNRT, PLP no Khunto, atu bele diskute orsamentu ne’e internu AMP nian, nune’e labele iha fallansu tan no iha ona koordenasaun ba malu, duke to’o ona uma fukun mak foin lufu lafu.

“Ha’u husu ba bankada tolu ne’ebé forma Governu ne’e, toma responsabilidade polítika, hodi bele diskute didi’ak, interna bankada koligasaun nian, tanba ami PD mós iha esperiensia koligasaun, maibé ami diskute tasak ka diskute didi’ak tiha mak lori mai aprezenta ne’e los ona, la’os lori mai to’o iha Parlamentu mak tau malu fali ne’e la’e”, tenik Adriano.

Lee hotu :   PN husu MTK regula presu billete aviaun

Nune’e deputadu bankada CNRT, Adérito Hugo hateten, sei iha posibilidade ba tempu, tanba ferias ba loron natal ne’e sei hahú iha loron 23 fulan Dezembru ne’e. Tanba ne’e sei iha tempu bainhira Governu haruka hikas OJE 2020 ba PN iha loron 13 fulan Dezembru ne’e, tuir promesa ne’ebé iha.

Entertantu, Primeiru Ministru,  Taur Matan Ruak, kompromete ba deputadu sira kinta lejislatura,  hafoin deside retira proposta orsamentu refere no hatete, VIII Governu konstitusional sei aprezenta hikas proposta OJE 2020 ne’e ba PN, iha loron 13 fulan Dezembru ne’e, antes tama ba natal no tinan foun, hafoin halo revizaun no ajusta rekomendasoens ne’ebé reprezentante povu sira fó iha Parlamentu Nasionál.say

Add to Comments Here!!!!

error: Content is protected.
Secured By miniOrange
You might also like:
Atu hadook-an husi moras hada’et, Sara Xavier : Komunidade sira tenke garante hijiene

Xefi Gabineti Kontrolu Kualidade Hospital Nacional...

Kontra nafatin konstituisaun, Bankada Governu promete sei la defende OJE 2020

Bankada governu iha Parlamentu Nasionál (PN)...

Aurélio Guterres: Baze ekonomia TL la’os mina-rai

Koordenadór Jerál Institutu Estadu Diplomata, Aurélio...

Close