JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Jurista: PM Taur retira OJE 2020 iha PN la viola lei

Jurista: PM Taur retira OJE 2020 iha PN la viola lei

Jurista Avelino Coelho, hateten, Oitavu Governu konstitusional ne’ebé lidera husi Primeiru Ministru (PM), Taur Matan Ruak foti desizaun retira proposta Orsamentu Jeral Estadu (OJE) tinan 2020 iha Parlamentu Nasional (PN), ne’e la viola lei, tanba tuir prosesu normal.

VIII governu esforsu maka’as aprezenta no debate proposta OJE 2020 iha PN, iha loron 2, fulan ne’e, maibé iha debate faze jeneralidade deputadu bankada opozisaun no bankada apoia governu obriga governu dada hikas proposta OJE ne’e, tanba konsidera la tuir estrutura legal no inkonstitusional. Bankada governu rasik la defende OJE 2020 iha PN, hodi hamosu opiniaun ne’ebé diferente husi deputadu sira, maibé proposta OJE ne’e la viola lei. Deputadu sira aprezenta proposta ka rekomendasaun ruma, ha’u hanoin bainhira governu deside dada proposta OJE ne’e prosesu normal, governu hadi’a fali, hafoin lori fali ba PN, hodi halo debate tuir giaun PN”, Jurista Timor-Oan ne’e ba GMN iha sede PST, Balide, Díli, Kinta (05-12-2019).

Nia esplika, maski iha prosesu diskusaun OJE 2020, bankada governu mós la defende OJE, nune’e ida ne’e mak hanran ezersísiu demokrátiku.

“Haree husi prespektiva deputadu ou reprezentante povu nia oponiaun diferente ho governu nia proposta OJE, foti kestaun diskordansia iha asuntu balun ne’e normal, ho nune’e, atu enrikeze di’ak liu prosesu demokrátiku no enrikeze di’ak liu prosesu elaborasaun Estadu ne’e deputadu sira ida idak iha nia direitu. Ha’u haree di’ak tebes, tanba ezersísiu demokrátiku hatudu katak, deputadu sira exerse sira-nia funsaun nu’udar reprezentante povu, la’os reprezentante partidu“, tenik Avelino.

Antes ne’e, Prezidenti PN, Arão Noe, hateten, governu retira proposta OJE 2020, ne’e la viola konstitusaun ka rejimentu ruma, tanba tuir rejimentu PN artigu 95 hateten, kompeténsia atu retira hikas proposta mak governu, bainhira proposta ne’e tama iha PN iha indikasaun ka rekomendasaun ruma atu halo ajustamentu.

Lee hotu :   Parlamentu Australia hahú prosesa doméstiku tratadu FM

Proposta OJE 2020 ho montante billaun USD 1.950 ne’e PN halo debate iha jeneralidade durante loron rua, hahú husi loron 2 to’o loron 3, fulan ne’e. Maibé ikus mai governu retira, tanba relatóriu pareser komisaun C iha indísiu no artigu balun inkonstitusional.

Entretantu tuir planu, proposta refere governu sei submete fali ba PN, iha loron 13, fulan ne’e. ety

Add to Comments Here!!!!

error: Content is protected.
Secured By miniOrange
You might also like:
Governu rekoñese fraku ezekuta OJE 2019 iha kapital dezenvolvimentu

Ministra Finansa Interina, Sara Lobo Brites,...

PM Taur fó fiar ba Agio lidera ajustamentu OJE 2020

Ekipa Ajustamentu Orsamentu Jerál Estadu (OJE)...

Kazu sosa kareta Prado ba deputadu, Xanana Gusmão presta deklarasaun iha TDD

Líder karismátiku Kay Rala Xanana Gusmão,...

Close