JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sosiedade sivíl preokupa VIII Governu monta asesór barak laiha kapasidade

Sosiedade sivíl preokupa VIII Governu monta asesór barak laiha kapasidade

Sosiedade sivíl, Padre Julio Crispim Ximenes Belo, kestiona,  VIII Governu rekruta asesór barak, maibé balun laiha kapasidade, tanba koloka la tuir méritu no la tuir regra sira, hodi estraga de’it osan Estadu nian.

“Asesór ita presiza, maibé asesór ida ne’ebé ho kualidade, ho esperiensia akadémika no esperiensia servisu, hanesan ema ne’ebé eis ministru ka akadémiku sira ne’e, la’os ita ba foti fali foin hasai lisensiatura sira ne’e, tanba de’it nia partisipa iha kampaña, haruka ba asesór, ida ne’e la’os ita atu selu malu, tanba ema ne’ebé mak uluk fó aan luta to’o 24 anos ne’e de’it la hadau aan atu sai asesór ona, maibé ida foin ba partisipa de’it kampaña ne’e mak tenke sai asesór, ne’e injustisa bo’ot ida. Maibé prontu, polítika mak haruka, maibé tenke servisu ho loloos, tanba orsamentu ne’ebé ho montante bo’ot mai iha PN ne’e, governu sente ladi’ak, maske asesór barak, maibé halo buta ne’e laloos”,kestiona sosiedade sivíl ne’e, hafoin abertura kolokiu kona-bá fundu petrolíferu, iha FONGTIL, Kaikoli Díli, Sesta (07/12/2019).

Padre Julio Crispim mós sujere ba Governu, atu hadia lei kona-bá saláriu assessor sira nian, nune’e asesór sira-nia saláriu labele bo’ot liu ministru sira ne’ebé foti desizaun, selae ema kompetente sira prefere sai hotu asesór, piór liu foti asesór ne’ebé lahatene halo servisu.

“Asesór ne’e tenke hili ema ne’ebé mak serve duni, la’os hili ema narnaran de’it, ema ne’ebé la serve atu sai asesór mós ba hotu tau naran asesór, balun tau tan naran asesór, para hodi aumenta de’it númeru asesór nian, se loloos ne’e, asesór prinsipal ona ne’e, la presiza iha tan asesór la prinsipal, ne’e la presiza iha. Asesór ne’ebé tenke ema ne’ebé iha koñesimentu klean, iha esperiensia maka’as ba área ne’ebé fó asesória ba, hanesan jurídiku, tenke iha esperiensia tinan barak, hanorin tinan barak, ne’e mak ita foin foti, inklui ba ekonómia mós, tenke iha esperiensia tinan barak, iha koñesimentu klean, ne’e kritéria ne’ebé mak iha, tanba sira-nia saláriu ne’e bo’ot liu fali órgaun soberanu sira, duke ema ne’ebé mak foti desizaun, osan ki’ik liu fali. Tanba ne’e husu ba órgaun kompetente tenke hadi’a lei ne’e, nune’e haree saláriu asesór sira nian, tanba ema balu  lakohi ba ministru, maibé hakarak de’it ba asesór, tanba de’it saláriu asesór ne’e bo’ot liu, duke ministru. Ministru manan de’it USD 3 mil, maibé asesór manan to’o USD 7 mil no USD 8 mil, ema kompetente sira ne’ebé atu foti desizaun ba fó fali hanoin de’it, tanba osan bo’ot liu”, tenik Crispim.

Lee hotu :   MOP kontinua halo normalizasaun ba mota iha kapital Díli

Atual Prezidente Konsellu Konsultivu Fundu Petrolíferu ne’e mós, rekomenda ba Governu, atu halo ajustamentu no kolokasaun estrutura orsamental ho loloos, nune’e labele utiliza sala orsamentu ne’ebé foti liu husi Rendimentu Sustentável Estimativa (RSE).

“Ami sujere Governu halo ajustamentu ida, tuir mós ezijensia lei FP nian, la’os de’it lei sira seluk, ne’ebé ultrapassa 3% ne’e, aplika duni ba investimentu longu prazu ne’ebé lei haruka. tanba ba ida ne’e, ita iha ona asesór jurídiku, kontabilístika barak tebes iha ita-nia Governu ne’e, kuaze ministériu hotu iha, maibé sira ladun haree ba estrutura orsamentu ne’ebé iha, no lei haruka, alende estrutura ne’e laloos ona, ita-nia Estadu mós selu sira ho osan barak. Iha fatin Governu retira, tanba sira halo eirru bo’ot, eirru estrutural no mós legal. Ezemplu RSE ne’ebé ultrapassa 3% ne’e loloos ba investimentu longu prazu, maibé tau fali ba despeza sira ne’ebé mak hodi funsiona de’it Governu”, subliña Belo.

Antes ne’e, VIII Governu Konstitusional deside retira hikas proposta Orsamentu Jerál Estadu 2020  iha Parlamentu Nasionál, iha faze jeneralidade, tanba relatório final komisaun C ne’ebé trata asuntu finansa públika, hatudu indisíus artigu balun inkonstitusional ba orsamentu jerál Estadu ba tinan 2020 ne’ebé Governu aprezenta ho montante billiaun USD 1.950.say

Add to Comments Here!!!!

error: Content is protected.
Secured By miniOrange
You might also like:
PNTL sei hasai vendedór okupa Trotoar iha Colmera

Segundu Komandante Polísia Nasionál Timor-Leste (PNTL)...

PN seidauk aprova LAK, Luis Sampaio: Sei la implika CAC nia servisu

Adjuntu Komisáriu Comissão Anti-Corrupção (CAC), Luis...

OJE 2020 sei redus tuir ezekusaun kada ministériu

Primeiru Ministru (PM), Taur Matan Ruak,...

Close