JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN rejeita Lú Olo mak hún ba impase polítiku

FRETILIN rejeita Lú Olo mak hún ba impase polítiku

Vise Xefe bankada FRETILIN, Francisco Miranda Branco, rejeita deklarasaun eis Prezidente Repúblika, José Ramos Horta, ne’ebé hatete, impase polítiku ne’ebé dura to’o agora hodi fó mós impaktu ba dezenvolvimentu ekonomia rai laran, nia hún mai husi Prezidente Repúblika, Francisco Guterres Lú Olo, ne’ebé lakohi fó pose ba kandidatu membru VIII Governu na’in 9.

Deputadu opozisaun ne’e haktuir, impase polítiku ne’e dura to’o agora, la’os Kulpa Xefe estadu nian de’it, maibé kulpa líderansa nasionál hotu inklui líder partidu polítiku sira ne’ebé hetan  asentu iha Parlamentu Nasionál, ba kinta lejislatura, tanba arogansia polítika, ne’ebé hodi ida-idak defende aan hodi fó kotuk ba malu.

“Parte hotu-hotu iha responsabilidade ba ida ne’e, tanba problema nia hun ne’e iha hotu-hotu nia liman, hotu-hotu se hakarak rezolve, rezolve ba, responsável hotu-hotu nian, tanba arogansia ka ego polítiku sira nian, ne’e mak tau aas liu fali interesse Estadu, povu no dezenvolvimentu nasaun nian, ha’u ladun konkorda ho deklarasaun ne’e, tanba la’os kulpa Prezidente Repúblika nian de’it. Ita labele halo fali PR sai fali kambing hitam iha situasaun ida ne’e, hotu-hotu tenke responsabiliza”, afirma deputadu FRETILIN ba GMN, iha Parlamentu Nasionál, Kinta(09/01/2020).

Deputadu opozisaun ne’e mós sujere, bainhita atu solusiona impasse polítika ne’e, líder nasionál sira tenke promove diálogu ho sériu, hodi diskute asuntu polítika ne’ebé interesse ba povu no Estadu ne’e nian, duke interesse pessoal, no hadook arogansia polítika ne’ebé mak iha.

“Tenke iha ajenda ida, husi Prezidente Repúblika rasik, hodi halo diálogu nasionál entre líder sira, ajenda ne’ebé klaru ba polítika nasionál sira, maibé ajenda ba tu’ur hamutuk hako’ak malu de’it la rezolve, ajenda tenke klaru ba polítika nasionál no Estadu nian, hodi rezolve ita-nia impasse ne’e, hodi rezolve mós povu no Estadu nia moris, tanba povu ho Estadu labele sai fali metin fali ba polítiku sira nia arogansia no ego, hodi nune’e konsekuensia ba dezenvolvimentu la la’o, tanba de’it polítiku sira-nia arogansia atu impoin saída mak sira hakarak”,katak Branco.

Lee hotu :   Hakotu impase, CNRT apoia PM diálogu ho PR ■ Jurista Avelino: Presiza reforma kuadru legál

Alende ne’e, Vise Xefe bankada CNRT, deputadu Duarte Nunes ho hamnasa husu ba Prezidente Repúblika, tanba sa mak impasse polítika ne’e kontinua eziste to’o agora.

“Ita mai husi ai laran tiha, depois halo impasse ne’e, ita la sente dehan halo traisaun ka”, tenik Nunes.

Antes ne’e, liu husi programa grande entrevista iha studiu 2 GMNTV Bebora, eis Prezidente Repúblika, José Ramos Horta deklara, impasse polítika ne’ebé afeita ba estabilidade ekonomia, nia hun loloos mai husi Palásiu Prezidensia ne’ebé Xefe Estadu lakohi fó posse ba kandidatu membru governu na’in 9 ne’e.

Kandidatu membru VIII Governu na’in  9 ne’e mak hanesan, Helder Lopes, Amandio Benevides, Sergio Lobo, Jacinto Rigoberto, Virgilho Smith, Tomas Cabral,  José Turquel, inklui Francisco Kalbuadi Lay ho António Verdial ne’ebé rejigna an husi lista pendente refere.

Nune’e Alfredo Pires ho Kay Rala Xanana Gusmão ne’ebé deside lakoi simu posse, tanba fó solidariedade ba nia maluk sira seluk.say

Add to Comments Here!!!!

error: Content is protected.
Secured By miniOrange
You might also like:
PN konsidera polítika Governu impede kualidade iha UNTL

Deputadu Komisaun G, ne’ebé trata asuntu...

CAC la tauk investiga líder nasionál ne’ebé komete korrupsaun

Komisáriu Comissão Anti Corrupção (CAC), Sergio...

PM orienta ekipa interministerial uza Fundu Kontijensia apoia vítima dezastre naturál

Primeiru Ministru (PM), Taur Matan Ruak,...

Close