JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PD-KHUNTO deside hili CNRT forma IX Governu

PD-KHUNTO deside hili CNRT forma IX Governu

Partidu Demokrátiku (PD) ho Partidu Kmanek Haburas Unidade Nasional Timor Oan (KHUNTO) hili ba hamutuk ho Partidu Kongresu Nasionál Rekonstrusaun Timorense (CNRT_sigla portugés), forma governasaun foun (IX Governu) hodi hakotu impase  polítiku iha rai-laran ne’ebé  la’o durante tempu naruk.

Sekretáriu Jerál Partidu Demokrátiku, António da Conceição alias Kalohan, hateten, maioria kuadru no estrutura PD mak deside ona atu la’o hamutuk ho CNRT, hodi hakat ba governasaun foun, nune’e bele rekopera konfiansa povu.

Tanba PD konsidera, bainhira hakat to’o eleisaun antesipada, aumenta de’it povu nia sofrimentu.

“Husi rezultadu konferénsia extraordinária PD nian, maioria Munisípiu 10 mak deside unanimamente hakarak atu ba ho CNRT, no iha Munisípiu rua mak la deside, maibé entrega konfiansa tomak ba partidu mak atu deside, husi maioria ne’ebé mak deside katak, tenke ba hamutuk ho CNRT, tanba ne’e partidu nia pozisaun mak ne’e ona, fila fali hodi fó apoiu ba koligasaun ne’ebé mak lidera husi CNRT, ida ne’e ami formaliza ona, fó ona ami-nia karta ba hodi entrega ba CNRT, hodi bele komprova katak, ami iha ona desizaun ida ne’ebé CNRT mak sei lidera koligasaun”, afirma Kalohan ba jornalista sira iha nia rezidensia Villa-Verde, Sesta (21/02/2020) ne’e.

Tuir PD, ho formasaun governu foun, bele hakotu ona impase  polítiku ne’e, tanba estratéjia no polítika hanesan.

“Situasaun ne’e muda husi VIII Governu ba IX Governu nian, oitavu governu iha Primeiru Ministru (PM) seluk no agora iha IX Governu mós iha Primeiru Ministru seluk. Ne’eduni estratéjia husi PM ida ba PM seluk ne’e sertamente lahanesan, nune’e mós natureza governu seila hanesan. Koligasaun ida ne’ebé halo ne’e, ho intensaun ida oinsa atu haketak ka hases tiha eleisaun antesipada. Maibé kuandu laiha intendimentu no mosu impedimentu mak lori ba EA, maibé la’os koligasaun ne’e mak atu lori fali provoka EA. KHUNTO hanesan aliadu nanis ona ho CNRT, sertamente sira iha intendimentu rasik ona entre sira, tanba ne’e PD ne’e ba hanesan partidu ida ne’ebé mak sira presiza apoia, tanba nasaun bolu, PD tenke fó resposta ida ba, tanba PD sente nia responsabilidade no obrigasaun, atu ba hamutuk ho CNRT hodi hola desizaun ba situasaun ne’ebé sira hasoru hela”, dehan eis ministru edukusaun ne’e.

Atual xefe bankada PD ne’e akresenta, PD sei la ka’er ba esperiensia moruk husi passeu nian, hodi satan interesse nasaun no povu nian iha oin, tanba situasaun atual presiza responsabilidade partidu polítiku hotu ne’ebé hetan asentu iha Parlamentu Nasionál.

Lee hotu :   Uza kareta Estadu ba festa, PN husu Governu halo investigasaun

“ Ami la ka’er ba esperiensia sira ne’ebé mak iha, tanba esperiensia ho CNRT mós iha, esperiensia ho FRETILIN mós iha. Esperiensia ho CNRT ne’e loos duni, iha kintu no sestu governu iha remodelasaun, iha remodelasaun ne’e, CNRT nu’udar ida ne’ebé mak lidera bloku rasik tenke halo estratéjia ida ne’e, tanba Froteira Marítima, ne’eduni tenke halo re-estruturasaun no remodelasaun ba governu, hodi bele inklui fila-fali husi FRETILIN ninian ate to’o PM rasik husik nia kargu hodi bele deside fila fali PM ida husi FRETILIN, ne’e situasaun ida ne’ebé CNRT hela, tanba ne’e mak iha momentu ne’eba ami PD mós sofre husi redusaun membru governu, ne’ebé implika mós ba ami nia Prezidente partidu rasik, Mariano Assanami Sabino ne’ebé altura ne’ebá assume hela kargu hanesan ministru agrikultura husik nia kargu, inklui Primeiru Ministru rasik mós husik nia kargu, maibé intensaun prinsipal mak, tenke iha kompromisu ida hamutuk ba fronteira marítima, nune’e bele hetan votus ida de’it iha Parlamentu Nasionál, ida ne’e ami nia esperiensia ho CNRT ne’ebé dala barak ema dehan ladi’ak, maibé ami la konsidera ida ne’e hanesan hasees PD, tanba ami mós intende saida mak interese nasionál, tanba fronteira marítima. Ami mós iha esperiensia ho FRETILIN, husi primeiru governu to’o terseiru governu. Iha governasaun ne’e PD rasik mós sofre buat barak, iha Suai iha espulsu ka hasai funsionariu públiku husi PD lubuk ida,  kuaze 200 tal mak lakon total nia servisu, tanba de’it ba asiste atividade PD nian, hodi simu prezidente PD Fernando Lasama, iha nia vizita ne’e lori istória moruk ba ema barak iha Suai, tanba ema sira ne’e tenke lakon servisu, ida seluk mós iha governasaun FRETILIN nian, PD mós hetan konsekuensia boot, tanba Prezidente PD Lasama tenke halo investigasaun iha PGR, tanba de’it dehan halo alegasaun hasoru Primeiru Ministru, kona-bá dehan subornu ba ConocoPhillips, maibé ami simu buat sira ne’e, husik liu, maske moruk maibé iha 2017 ami tane nafatin FRETILIN, tanba ne’e ba ami, esperiensia ne’ebé ho CNRT, la vale buat ida, nune’e ami sei nafatin hamutuk ho CNRT ba interesse nasaun nian”, tenik Conceição.

Lee hotu :   FIDELIS MAGALHÃES: LAIHA RAZAUN SUBTITUI MEMBRU GOVERNU PENDENTE

Maske nune’e, Sekretáriu Jerál ne’e fó sai katak, PD iha proposta tolu ne’ebé deside atu hakat ba governasaun foun hamutuk ho CNRT, nune’e bele devolve  konfiansa ba povu.

“Ami nia proposta ne’ebé mak ami hanoin mak, primeiru atu devolve konfiansa ba povu, no segundu ami agradese ba maun boot Xanana, tanba nia iha disponibilidade hamriik iha oin, atu bele lidera fila fali koligasaun ne’e, maske iha intervista GMN nian, nia rasik husu ona atu ba EA, maibé nia husik buat ne’ebé mak nia dehan, hodi rona hanoin husi ami hotu, hodi forma koligasaun foun. Ne’e kerelaan, nia rela tan de’it ba nasaun, tanba ne’e, ba ami ne’e ami konsidera hahalok fuan bo’ot nian, tanba ne’e ami laiha dúvidas atu hamriik, no ida seluk ami mós hato’o iha karta ami nian ba CNRT katak, ita tenke devolve fila fali mós konfiansa setór privadu nasionál hanesan parseiru ida ba dezenvolvimentu nasionál,  Ita labele hamate sira (setór privadu) sira nia atividade, tanba ne’e ita tenke suporta fila fali, nune’e sira (setór privadu) bele kria fali kondisoens ba ita nia Timor-aon sira seluk hodi lori nasaun ne’e ba oin, ida ne’e mak ami nia prinsípiu tolu hodi halo ami nia desizaun atu ba hamutuk ho CNRT”,subliña Kalohan.

Kona-bá se mak atu ba Primeiru Ministru iha governasaun foun, líder Partidu Demokrátiku ne’e hateten, depende ba CNRT ne’ebé kadeira maioria no lidera koligasaun ne’e.

Maske nune’e, PD mós prontu, bainhira CNRT deside PD mak lídera governu da-sai ne’e.

Iha sorin seluk, Konselleiru Máximu Partidu Kmanek Haburas Unidade Nasionál Timor Oan (KHUNTO), José dos Santos Naimori Bucar deklara, KHUNTO deside ba hamutuk ho Partidu CNRT, nu’udar partidu ida ne’ebé dere uluk odamatan KHUNTO nian, hodi forma governu foun, tanba KHUNTO rasik laiha kontaktu ho FRETILIN no PLP.

“KHUNTO prontu atu asegura kualker governu ida, hodi nune’e impase  polítiku ne’e bele hotu ona. KHUNTO prontu atu asegura maun sira ne’ebé mak bolu ita, tanba ita partidu kiik, kadeira lima de’it laiha direitu atu bolu partidu seluk, so maun sira mak bele organiza, maibé KHUNTO mós oras ne’e haree, se CNRT presiza ita forma governu, entaun haree. Ami preparadu, ami halo enkontru ho estrutura nasionál no Munisípiu, nune’e para ami prepara ba parte ne’ebé mak presiza fó apoiu. Ida ne’ebé mak bolu uluk, maibé hotu-hotu seidauk bolu, ne’e ita atu oinsa, ita atu husik hela mós labele, tanba agora CNRT mak mai kombina bolu ami, se ami husik hela mós ladun di’ak, tanba hein to’o agora FRETILIN nunka mai, husi PLP mós seidauk mai, entaun ida ne’ebé mak bolu uluk ita tenke kontribui ba, tanba CNRT mak bolu uluk”, realsa Naimori.

Lee hotu :   ÚLTIMA HORA: FRETILIN VAI CONVIDAR PLP E KHUNTO PARA FORMAR PLATAFORMA DE GOVERNAÇÃO EM TIMOR-LESTE (ATUALIZADA)

Líder másimu partidu KHUNTO ne’e mós salienta, situasaun atual tenke hakotu ona, tanba situasaun refere afeita tebes ba povu nia moris.

“Ita hotu-hotu haree ba situasaun ida ne’e  oinsa para bele hakotu tiha impase  polítiku ida agora ne’e, tanba ne’e fó impaktu ekonomia ba ita-nia povu Timor-Leste rasik, entaun ita hotu presiza haree situasaun hanesan ne’e, ho ida ne’e mak ami mós ba ko’alia ona ho maun Xanana no lideransa husi partidu sira seluk, para hodi hanoin di’ak ba rai ida ne’e. Maibé durante ne’e husi FRETILIN seidauk mai, husi PLP ha’u rasik mak ba ko’alia ho ita-nia maun Taur Matan Ruak, nia ema ne’ebé hanoin boot tebes ba rai ida ne’e, no pasiensia no interesse vontade atu kontribui duni ba nasaun ida ne’e, nia (TMR) mós fó hanoin katak, oinsa ita atu hakotu impase ida ne’e, ida ne’e mós hanoin di’ak ba partidu hotu-hotu, fó direitu no livre, sira la obriga ema ida tenke tuir ema ida, ne’e laiha. Relasaun di’ak ho partidu hotu-hotu, tanba ida ne’ebé mak manan ne’e, hatudu katak, ita hotu manan, tanba intensaun hotu-hotu atu kontribui ba paz no dame, ba dezenvolvimentu no ba povu nia moris di’ak, maske polítika no ideolojia ida-idak nian. Partidu hotu-hotu di’ak, polítika ne’e instrumentu no patrimóniu nasaun nian, maibé ita hotu tenke koopera di’ak ho partidu mak iha nasaun ne’e, no ita mós tenke hatudu atitude polítika ne’ebé mak di’ak, para bele jere nasaun ne’e ho di’ak”,katak Bucar.

Antes ne’e, Partidu Demokrátiku mós hasoru malu ona ho PLP, FRETILIN, CNRT no KHUNTO rasik, hodi diskute no buka dalan oinsa atu hakotu impase  polítiku ne’e, no lori serteza ba povu.Say

Add to Comments Here!!!!

error: Content is protected.
Secured By miniOrange
You might also like:
Odete Viegas: Komunidade labele diskrimina estudante na’in 17

Diretora Jeral Prestasaun Servisu Menistériu Saúde,...

PTR laiha kompetensia hapara konstrusaun edifísiu foun TDD

Prezidente Tribunál Rekursu (PTR), Deolindo dos...

Xanana: Estudante sira so’e tempu barak liu ba halimar telefone

Eis Primeriu Ministru,  Kay Rala Gusmão,...

Close