JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Solusiona impase polítiku, FRETILIN-CNRT responde ona PD nia karta ofisiál

Solusiona impase polítiku, FRETILIN-CNRT responde ona PD nia karta ofisiál

Partidu FRETILIN ho CNRT fó ona resposta pozitivu ba PD nia karta ofisiál, ho nune’e partidu tolu ne’e sei hasoru malu hodi ko’alia kona-bá solusaun ba impasse polítiku.

Maske PD nu’udar partidu ki’ik no hetan de’it kadeira 5 iha Parlamentu Nasionál (PN), maibé haree ba impasse polítiku ne’ebé la’o kuaze tinan tolu, partidu foinsa’e ho lema “Ba O Timor Maubere Oan Prontu Serbi” ne’e hola inisiativa diálogu ho partidu boot rua ne’e, hodi buka solusaun ba inserteza polítika ne’e.

“Inisiativa PD ne’e bazeia ba desizaun Prezidente Repúblika (PR) ne’ebé husu Partidu Polítiku (ParPol) sira ne’ebé hetan asentu iha PN atu halo movimentu, hodi ko’alia ba malu no halo asaun ruma ba impasse polítiku ne’e. Ha’u hanoin desizaun PR ne’e bijak, ne’e mak dehan Eleisaun Antesipada (EA) ne’e opsaun iha ita-nia oin hotu, maske la’ós primeiru ita atu hola kedas, sé ita la intendimentu eleisaun forma ida atu konsulta fali povu, ho konfiansa povu laiha intendimentu no laiha kapasidade atu jere saída mak povu fó tiha ona. Ho desizaun ne’e husu ParPol sira atu halo movimentu polítiku atu ko’alia ba malu no depende ba kapasidade partidu atu interpreta, hodi bele halo asaun ruma. ParPol hotu la’ós de’it konkista podér, maibé sente mós iha dever, presiza konkretiza, maske nune’e PD kontinua espresa nafatin, Eleisaun Antesipada (EA) hanesan últimu, ohin loron andamentu polítiku sei la’o hela atu ko’alia ba malu”, Xefe bankada PD, António da Conceição “Kalohan” ba jornalista sira iha PN, Segunda (17-02-2020).

Kalohan hateten, sira kontinua promove intendimentu iha interese nasionál, ho nune’e bele solusiona impasse polítiku ne’ebé Timor-Leste enfrenta hela.

Lee hotu :   PM Taur Matan Ruak: Ha’u la fiar agrikultura mak finansia atividade Estadu

“Ami kontinua promeve buat ida intendimentu ne’e ita hanoin la hanesan ba povu, ita tenke lian ida, hanesan tenke iha intendimentu ba kestaun interese nasionál estabilidade no konfiansa ba povu ida ne’e prespektiva husi PD, maibé presiza atu rona partidu sira hanesan CNRT ho FRETILIN. Ita tenke iha optimizmu moris, ne’e dehan katak iha esperansa nafatin, ha’u hanoin bele ne’e, bele, maibé kestaun tempu mak deside”, tenik Xefe bankada PD ne’e.

Enkuantu Xefe Bankada CNRT, Duarte Nunes, hateten, CNRT mantein pozisaun sei la halo movimentu ho ParPol sira seluk, atu ko’alia kona-bá impasse polítiku iha rai-laran.

“Ami la halo esforsu, bankada  ha’u  hateten ona  ema la simu ami, karik partidu mak halo servisu, ne’e ha’u la hatene, ha’u hatene de’it iha bankada movimentu iha partidu nia-laran, maibé movimentu bankada ni’an ha’u la hatene no laiha movimentu, sé partidu ita boot sira husu ba Sekretáriu Jerál partidu sira mak bele fó informasaun ba ha’u. Maske to’o  agora  partidu  sira mós seidauk konvense ho partidu CNRT, ami ba halo saída sira mós la mai, ami mós la ba, ida ne’e ko’alia bankada, maibé labele dehan partidu, ha’u simu ordem de’it, to’o ohin loron ha’u seidauk halo movimentu. Seidauk iha buat ruma, seidauk fó orientasaun mai ha’u, hein de’it ami la buka ema, ami hein desizaun PR, tanba ordem PR hanesan mandatu ida, hotu-hotu tenke kumpre, buat seluk ami hein de’it ordem husi partidu ami seidauk hetan, husi PR maka ita hotu, tanba ne’e PR ko’alia ona ho partidu, sosiedade sivíl no líder nasionál sira“, klarifika Duarte.

Lee hotu :   Xanana ‘auzensia’ iha loron nasional veteranus, Alkatiri: Nia esperitu hamutuk ho povu

Husi sorin seluk, deputadu bankada UDT/FM, Francisco Cárlos, hateten, to’o ohin loron UDT/FM seidauk simu informasaun formál ruma husi partidu sira kona-bá atu forma governu foun.

“Agora dau-daun ha’u labele adianta buat ruma, maibé ko’alia informasaun nu’udár kolega hodi ko’alia husi partidu hotu kona-bá atu hodi Timor ba ne’ebé ho situasaun polítiku atu harmoniza situasuan polítika iha rai-laran tuur hamutuk hodi buka solusaun di’ak. Atu hakotu  impasse polítiku Xefe Estadu bolu ona ParPol sira hodi halo diálogu hamutuk”, tenik deputadu bankada UDT/FM ne’e.

Antes ne’e, PR, Francisco Guterres “Lú Olo” liu husi ronda diálogu ho líder ParPol sira, Xefe Estadu enkoraja ParPol sira ne’ebé hetan asentu iha PN atu iha vontade, hodi halo komunikasaun, nune’e bele ultrapasa impasse polítiku ne’ebé la’o iha rai-laran. Tanba Taur Matan Ruak kontinua sai Primeiru Ministru to’o hetan solusaun ba impasse ne’e. ety

Add to Comments Here!!!!

error: Content is protected.
Secured By miniOrange
You might also like:
Naimori Bucar sei organiza eventu futeból iha Ainaro

Naimori Bucar, Ainaro-oan, sei realiza jogu...

TR redus kazu krime pendente husi 300 ba 54

Prezidente Tribunal Rekursu (PTR), Deolindo dos...

Espesialista Obstetrísia no Jinekolojia Amita Pradhan hakotu iss tanba sofre moras pulmaun

Espesialista Obstetrísia no Jinekolojia, Amita Thapa...

Close