JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN-PLP nota AMP foun ezije podér, Kalohan konsidera laloos

FRETILIN-PLP nota AMP foun ezije podér, Kalohan konsidera laloos

Deputadu sira bankada Fretilin no PLP iha Parlamentu Nasionál (PN) konsidera, koligasaun foun Aliansa Maioria Parlamentar (AMP) ne’ebé lidera husi CNRT ne’e ejize podér ba Prezidente Repúblika (PR) Francisco Guterres Lú Olo, tanba hakarak atu demite PM Taur Matan Ruak. Maibe portavoz AMP António da Conceição “Kalohan” rejeita katak, ne’e laloos. Tanba AMP kompostu husi partidu neen ne’ebé tuir dalan konstituisaun ninian.

Deklarasaun Fretilin ho PLP hato’o, relasiona ho konferensia imprensa ne’ebé koligasaun AMP foun hala’o iha Tersa-feira semana ne’e, hodi ejhize xefe estadu atu foti desizaun ba situasaun polítika atul.

“Deklarasaun ne’e, porta voz koligasaun foun hala’o iha sede nasional partidu CNRT nian iha Dili, iha oras ne’ebé tuir lolós sira nia deputadu sira mai iha parlamentu nasional hodi hola parte iha sesaun plenaria atu vota ba proposta de lei ida ne’ebé governu hatama mai parlamentu nasional atu halo Terceira Alteração ba Lei No. 13/2009, de 21 de Outubro, Sobre Orcamento e Gestão Financeira. Governu halo pedidu atu Parlamentu Nasional hala’o prosesu ida ne’e ho karakter urjénsia. En vez de mai iha parlamentu atu vota, sira ba halo fali halo konferensia imprensa ne’ebé ho intensaun atu hamonu governu.

Ida ne’e hatudu momós katak CNRT ninia hakarak mak atu hadau deit poder husi Governu ida ne’ebé sei halo hela esforsu no presiza apoiu tomak husi Parlamentu Nasional atu bele kombate hasoru virus Corona ne’ebé oras ne’e kria pandemia mundial, no ameasa hela povu Timor-Leste no Timor oan rihun ba rihun ne’ebé sofre konsekuensia husi inundasaun semana balu liu ba iha Dili.”deklara vise xefe bankada PLP, deputadu Francisco de Vasconçelhos ba jornalista sira, liuhosi konferensia imprensa iha PN, Kuarta (25/03/2020).

Lee hotu :   PM la konsege halo referendun programa Governu

Tuir nia, CNRT hakarak atu obriga Prezidente Repúblika  demite lalais tiha VIII Governu Konstitusional maske sira hatene hela katak Prezidente da Repúblika halo hela esforsu, hamutuk ho VIII Governu, atu buka dalan ne’ebé adekuadu liu ba asegura povu no rai husi ameasa virus Corona nian.

Tuir Francisco de Vasconçelhos, CNRT fila kotuk ba pedidu Governu atu altera Lei sobre Orsamentu no Jestaun Finanseira ho argumentu katak ida ne’e la urjente no hanesan fo’o ‘Cheque em Branco’ ba Governu. Enkuantu uluk sira mak halo alterasaun ho urjente ba Lei Atividades Petrolífera no Lei Fundu Petroliferu atu fo Cheque em Branco ba kompaña Timor Gap hodi asesu ba Fundu Petroliferu livremente.

“Ami husu atu povu tomak matan moris neon nain, atu labele husik aliansa foun ida ne’e aproveita fali situasaun iha ne’ebé ita nia nasaun hasoru hela ameasa boot husi virus Corona.” Akresenta vise Prezidente Partidu Libertasaun Popular ne’e.

Alende ne’e, portavoz koligasaun AMP foun, deputadu António da Conceição hateten, ne’e la loos koligasaun mak ejize podér, maibe tempu no situasaun mak ejize ona atu xefe estadu deside ona desizaun ruma hodi hakotu impasse polítiku ne’e.

“Ne’e direitu ba bankada rua nian opiniaun, pronunsia ka reajen ba saida mak ami deklara. Maibe hanoin dalan ne’ebé ami halo ne’e legal, maibe ami hanoin dehan atu kumpri konstituisaun ne’e, liu tiha ona loron 60 ne’e ita presiza halo buat ruma, duke ita nonook de’it. PM rasik hatama tiha ona nia pedidu demisaun, tanba saida mak  nonook, laiha sala ida kuandu ita ko’alia buat ruma, tanba intensaun ne’e mós atu kontribui atu hetan solusaun ida, laiha intensaun ida mak trava buat ida. Presiza mak tenta nafatin atu fó solusaun ba saida mak ita hasoru ona, nune’e reasaun saida de’it mak mai husi bankada rua ne’e konforme sira, maibe koligasaun ne’ebé estabelese tiha ona, hamriik ba oin, laiha ona dalan ami prontu para, maibe la signifika tenke nonook hodi hein, atu hein to’o bainhira, PM nia peiddu demisaun to’o fulan tan ona.”hatán xefe bankada PD ne’e.

Lee hotu :   ASDT husu PN altera lei eleitorál

Iha Tersa-Feira semana ne’e, koligasaun AMP foun ne’ebé lidera husi CNRT, realiza konferensia imprensa ida, hodi hato’o husu xefe estadu atu foti ona desizaun ba situasaun polítika atual, hodi dekreta ona pedidu demisaun ne’ebé xefe governu aprezenta tiha ona iha inisiu loron 25 fulan Febreiru tinan ne’e.Say

Add to Comments Here!!!!

error: Content is protected.
Secured By miniOrange
You might also like:
PN aprova unanimidade karákter urjénsia ba pedidu levantamentu FP

Parlamentu Nasionál (PN) kinta lejislatura vota...

MS preokupa fronteira terrestre kontinua loke

Diretóra Jerál Prestasaun Saúde, Ministériu Saúde...

Governu garante importasaun esensial durante Estadu Emerjénsia

Governu liu husi Konsellu Ministru (KM),...

Close