JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ezisténsia COVID-19 iha TL, Impede PN diskute LAK

Ezisténsia COVID-19 iha TL, Impede PN diskute LAK

Vise Prezidente komisaun A iha Parlamentu Nasionál (PN), ne’ebé trata asuntu konstitusionál no justisa, Francisco de Vasconcelhos, hateten, loloos ne’e PN realiza ona diskusaun ba Lei Anti Korupsaun (LAK), maibé tanba propagasaun Corona Virus Disease 2019 (COVID-19) iha Timor-Leste (TL), PN ladauk bele halo diskusaun ba lei refere.

“PN seidauk diskute LAK, tanba iha situasaun emerjénsia nia laran, sé lae diskusaun la’o tiha ona, segundu ita iha planu sei estende tan Estadu Emerjénsia (EE), tanba surtu COVID-19 ita la hatene bainhira mak atu hotu”, Vise Prezidente komisaun A ne’e ba jornalista sira iha PN, Kuarta (22-04-2020).

Francisco subliña katak, opiniaun públiku dehan PN budu de’it LAK ne’e laloos no komprimísu PN V lejislatura sei finaliza lei refere, tanba dokumentu hotu preparadu tiha ona, nune’e hein de’it halo diskusaun.

“Foin la-lais atu diskute iha fulan Abril, ita sei avansa uluk LAK ho lei poder lokál tenke aselera, tanba ne’e, to’o ohin loron seidauk bele tau iha ajenda bainhira mak ita atu halo diskusaun, sé ita haree EE hotu PN sei halo diskusaun ba lei poder lokál ho LAK”, tenik Vise Prezidente komisaun A ne’e.

Nia husu mós ba públiku atu pasensia, tanba la’ós PN mak hakarak halo inpedimentu ba LAK, maibé haree ba situasaun COVID-19 ne’ebé sai problema mundiál.

Antes ne’e mós, Komisáriu Adjuntu Comissão Anti-Corrupção (CAC) ba prevensaun no sensibilizasaun, Luis de Oliveira Sampaio, informa, LAK ne’e importante tebes ba CAC atu halo servisu, hodi kombate korupsaun iha TL. ety

Lee hotu :   FRETILIN: AMP ukun buka oportunidade la’os responsabilidade

Add to Comments Here!!!!

error: Content is protected.
Secured By miniOrange
You might also like:
Durante Estadu Emerjénsia, Governu preokupa komunidade nia moris

Estadu Timor-Leste implementa Estadu Emerjensia (EE),...

PR Lú Olo haruka ona karta estensaun Estadu Emerjénsia ba PN

Hafoin reuniaun Konsellu Estadu (KE) no...

Governu sei kria dekretu lei kombate informasaun falsu iha medsos

Governu sei kria dekretu  lei ida...

Close