JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu husu tan millaun USD 150, AMP konsidera seidauk prioridade

Governu husu tan millaun USD 150, AMP konsidera seidauk prioridade

Deputadu komisaun C ne’ebé trata asuntu finansa públika, António da Conceição Kalohan, informa, iha Segunda (31-03), komisaun C simu tan pedidu ida husi governu, kona-bá levantamentu millaun USD 150, hodi responde ba dezastre naturál ne’ebé akontese iha Timor-Leste, no halo prevensaun ba COVID-19. Maibe portavoz Aliansa Maioria Parlamentar foun husi partidu neen, deputadu António da Conceição Kalohan, konsidera seidauk iha prioridade.

“Ligadu ba situasaun ne’ebé mak ita hasoru agora dadauk ne’e, koligasaun foun mós tau importansia tebes ba situasaun ne’e, tanba ne’e mak foin dadauk ne’e ami fó votus  unanimidade, hodi reforsa situasaun ida ne’ebé mak ita hotu tenke hakmatek ninian, ne’e pasu ida ne’ebé mak koligasaun hakarak atu kontribui nafatin ba interese nasionál, ida seluk mak koligasaun hamutuk nafatin ho PN, tau hela prioridade nasionál ba orsamentu transferénsia estraordinária ida ne’ebé mak governu haruka, maibé demora ne’ebé mak tuir loloos  Segunda ne’e bele halo tiha ona plenária, para diskusaun ne’e bele la’o, maibé buat ne’ebé mak ami sente hanesan falta tebes mak, aktu koordenasaun ne’ebé mak mai husi governu rasik, to’o agora informasaun ne’ebé ami iha ne’ebé pratikamente iha semana kotuk ami ko’alia kona-bá pedidu USD 250 milloens, ne’ebé aprezenta iha proposta lei ida ne’ebé mak iha dekretu governu ninian, maibé ohin iha tan informasaun foun ne’ebé mós mak halo ami mós komplikadu hela, agora dadaun komisaun C sei halo hela apresiasaun ba pedidu ne’ebé mak haruka husi governu rasik, ne’ebé mak mistura buat rua, corona ho inundasaun”, relata membru komisaun C ne’e ba jornalista sira iha PN, Tersa (31/03/2020) ne’e.

Maske nune’e, atual xefe bankada PD ne’e konsidera, proposta ka pedidu segundu ne’e, halo komplikadu de’it no demora servisu PN nian, tanba ne’e, nia parte prefere avansa de’it ho proposta ne’ebé aprezenta uluk no halo ona audiénsia ho governu rasik.

Lee hotu :   PNTL Lautem hapara Naimori, Hornay: La´os orientasaun husi Alkatiri-Somotxo

“Atendimentu ne’e lolos ne’e bele haketak, maibé governu mai lori tan pedidu USD 150 milloens, ne’ebé ligadu ba corona ho inundasaun, ne’ebé mak halo atraza fila-fali tan servisu iha PN nian, maibé hotu sente dehan katak, interese nasionál hodi prevene situasuan sira ne’ebé mak afeita maka’as ita-nia populasaun sira, ami avansa debate ho pedidu ida ne’ebé mak halo ona audiénsia ho governu iha Sesta semana kotuk, enkuantu pedidu sira seluk ami seidauk diskute. Proposta ida ne’ebé la tama iha planu governu nia pedidu ida levantamentu extraordináriu ne’e, ida ne’e foin tama horiseik (horibainrua) ne’e, ne’ebé ami laiha tan tempu ba halo audiénsia tan ho ministra finansas, hodi husu klarifikasaun, ne’e tanba inkapasidade governu nian rasik atu halo planeamentu, tanba ne’e mak ami avansa de’it ho saída mak sira governu haruka mai uluk, ida ne’ebé mak sira dehan Emerjénsia, Emerjénsia ba iha tempu ninian, ami sei husik, ami tau lai ida ne’ebé mak governu haruka ofisialmente liu husi PPN ninian, sira ne’ebé jalan kompas  nian ne’e ami sei tau ba kotuk”, tenik Kalohan.

Alende ne’e, Vise xefe bankada FRETILIN, Francisco Miranda Branco deklara, bankada FRETILIN sei apoiu inisiativa governu nian, tanba governu presiza duni iha osan hodi atende situasaun atual ne’ebé akontese liu-liu ba COVID-19, ne’ebé sai preokupasaun mundial.

“Ho situasaun ida ita-nia kapasidade hanesan ne’e, governu tenke iha duni osan, maibé governu mós presiza tan medida ida, hodi responde ba projesaun atu atualiza projesaun flusu kaixa Estadu nian, entaun husu tan USD 150 milloens ne’e. Husi USD 150 milloens ne’e, USD 63.500 ba medidas prevensaun husi COVID-19, ne’ebé ita estabelese tiha ona ekipa komponentes hotu-hotu, servisu saúde, komisaun ne’ebé governu harí tiha ona, atu bele responde no prevensaun ba povu tomak husi virus ida ne’e, no USD 36.500 ba protesaun sosial, apoiu servisu relasiona ho inundasaun ka dezastre naturais ne’ebé povu iha sidade Díli enfrenta no mós Munisípiu, no 50 milloens ba rekoperasaun ekonomia rai laran, tanba ita hotu hatene katak, situasaun ida ne’e, halo ita nia fatór sira ne’ebé servisu iha setór ekonomia sofre boot tebes, entaun governu prevê USD 50 milloens ba atende situasaun ne’e, para sira bele rekopera ekonomia, tanba ne’e mak governu husu tan USD 150 milloens ba pedidu levantamentu ne’e, hodi aprezenta espesifikasaun ne’e”, afirma Branco.

Lee hotu :   KHUNTO la ses-an husi AMP, CNRT sei keisa deputada Olinda ■Olinda husu deskulpa tanba naran koalia de’it

Membru Parlamentu ne’e sujere, atu deputadu hotu kontribui no labele halimar ho situasaun ne’ebé amesa sidadaun hotu.

“Iha situasaun ida ne’e, ita lalika halimar tan ho situasaun ne’ebé bele afeita bo’ot, karik akontese ita-nia Estadu labele halo buat ida, tanba ne’e ami-nia parte hanoin ida ne’e importante, nune’e Governu tenke iha osan hodi responde ba situasaun sira ne’e, hodi apoiu ba Emerjénsia dezastre naturais no prevensaun kontra cornavirus mundial ne’e”, subliña deputadu FRETILIN.

Iha Segunda semana ne’e, Parlamentu Nasionál simu tan pedidu ida husi governu, atu bele aumenta tan iha pedidu levantamentu millaun USD 250, ne’ebé Parlamentu konsege aprova ona ho karakter urjensia iha semana kotuk.

Iha pedidu daruak ne’e, governu husu atu halo levantamentu tan millaun USD 150 husi fundu petrolíferu, hodi responde ba prevensaun COVID-19 hamutuk montante millaun 63.500, no millaun 36.500 atu responde ba dezestre natural ka inundasaun, no millaun 50 ba rekoperasaun ekonomia rai-laran.

Maske nune’e, iha Tersa lorokraik ne’e, deputadu sira iha Parlamentu Nasionál hahú diskute ona iha jeneralidade, ba proposta levantamentu osan husi fundu petrolíferu ho montante USD 250 ne’ebé governu aprezensta dahuluk, no PN konsege aprova ona unanimidade ba karakter urjénsia ne’e.say

Add to Comments Here!!!!

error: Content is protected.
Secured By miniOrange
You might also like:
SAMES: Fasilidade ho medikamentu TL la sufisiente kombate COVID-19

Diretór Ezekutivu Servisu Autónomu Medikamentu no...

Fó subsídiu ba komunidade durante EE, PD: Ne’e hanesan projesaun polítika

Xefe bankada Partido Democrático (PD), António...

Deskonfia Timor-oan balu hetan sintoma COVID-19 transfere ona ba HNGV

Diretora Jerál Prestasaun Saúde, Odete Viegas,...

Close