JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Subsídiu 60 % ba traballadór, Sei hein aprovasaun orsamentu fundu COVID-19

Subsídiu 60 % ba traballadór, Sei hein aprovasaun orsamentu fundu COVID-19

Prezidente Institútu Nasional Seguransa Sosiál (INSS), Longuinhos Armando,  haktuir,  antes ne’e INSS rejistu ona ba traballadór kompañia privadu no motorista transporte públiku sira atu nune’e bele hetan subsídiu 60% husi Governu. Maibé sei hein aprovasaun husi komisaun fundu COVID-19.

 “Primeiru seguransa sosial iha ona prosesu, ita halo hela prosesu to’o agora, agora ita halo rejistu hela prosesu ita la’o nafatin agora ita hein aprovasaun, ita hein aprovasaun tanba fundu ne’e mai husi fundu COVID-19 nian, entaun sei aprova ona, osan iha ona mak foin ita halo pagamentu,” Longuinhos Armando  hato’o lia hirak ne’e ba JN-Díario iha Caicoli, Kinta (28/05/20).

Longuinhos hatutan, tanba to’o oras ne’e dadaun prosesu simu sira nia dokumentus, rejistu la’o nafatin hodi hein aprovasaun husi komisaun fundu COVID-19 nian, tamba orsamentu ne’e mai husi fundu COVID-19.

Longuinhos akresenta liutan INSS labele husu tuir kona-ba bainhira mak iha aprovasaun, tamba komforme husi nai ulun sira,  liu-liu husi fundu COVID-19 nian, tamba  hanesan tékniku wa’inhira orientasaun tun maka bele halo pagamentu.

“Maibé to’o ohin loron ami sei halo hela prosesu simu sira nia dokumentus, depois ami sei sortir balun, keta dokumentus balun lá kompletu ami tenki haree fila-fali buat sira ne’e hotu, depois hotu tiha ami sei relata fila-fali katak prosesu dokumentus ami hotu ona hein bainhira ita hein komunikasaun husi komisaun fundu COVID-19 nian”.tenik, Longuinhos.

Longuinhos aprofunda liutan antes ne’e Ministru Koordenadór ba Asuntu Ekonómiku Fidelis Magalhães  fó sai ona katak motorista tranporte públiku sira mós bele halo rejistu hodi hetan subsídiu ne’e.

“Kuaze ida ne’e, durante depois ita nian Ministru hato’o dehan katak,  taxista sira bele mai rejistu kuaze taxista ho sira ne’ebé lori transporte públiku sira ne’e, kuaze mai rejistu hotu ona mais hau seida’uk hatene total hira tamba agora mós ami sei fó hela atendimentu. Kuandu atendimentu ha’u taka ona mak ha’u foin bele hatene katak total hira maka mai registu mais tuir dadus ne’ebé ita iha Timor laran tomak kuaze rihun 6.000 liu ne’ebé ke iha karta kondusaun para lori kareta, mais agora ami tenke haree buat sira ne’e hotu para prosesu ami halo nafatin hodi hein komunikasaun ka  orientasaun husi leten mai”tenik, Longhuinos.

Lee hotu :   PM Taur lamenta PR Lú Olo veta OJE 2019 ■Uza orsamentu duodésimu prejudika atividade tomak

Longhuinos dehn iha orientasaun husi INNS katak, kareta na’in husi tranporte públiku sira maka bele halo rejistu, maibé iha realidade motorista sira maka deside hodi halo rejistu rasik.

“Tuir lolos ne’e orientasaun katak, patraun maka tenki mai registu mais na realidade agora patraun mak lakohi mai rejistu, tuir lolos ne’e patraun maka mai rejistu para ita hatene lolos ne’e kareta ne’e ita bo’ot nian ka lae, ema ida ne’e ita bo’ot fó serbisu ka lae..?  ema ida ne’e maka lori duni kareta ne’e ka lae..? Kareta ne’e agora ne’e sei movimentu ka lae?  selae ita lahatene,dalaruma kareta balun iha hela bengkel, ita simu sira ne’ebé maka iha karta kondusaun,”Nia haktuir.

Oras ne’e dadaun husi INNS hein hela aprovasaun husi komisaun fundu COVID-19 , maibé,  Longuinhos rekoñese hanesan Tékniku nia parte labele  promete ba data atu halo pagamentu maibé wa’inhira subsídiu iha ona aprovasaun, INNS bele halo ona prosesu pagamentu.

Maibé tuir informasaun husi Diretur Jerál Planeamentu no orsamentu, iha Ministériu Finansas Januário da Gama hateten, orsamentu subsídiu 60% ba kompañia privadu to’o oras ne’e seidauk iha.Luc

Add to Comments Here!!!!

error: Content is protected.
Secured By miniOrange
You might also like:
TL tama lista IV iha sudeste aziátiku kona-ba númeru mate COVID-19 zero

Timor-Leste (TL) tama lista dahaat (IV)...

CNRT konsidera PD–KHUNTO trai koligasaun foun

Bankada CNRT iha uma fukun Parlamentu...

Rui rejeita fó komentáriu konfrontu ho SekJer FRETILIN

Eis Primeiru Ministru (PM), Rui Maria...

Close