JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Reprezentante Atoni Oe-Cusse husu PM ezonera LuGu

Reprezentante Atoni Oe-Cusse husu PM ezonera LuGu

Liu husi komunikadu imprensa ne’ebé hala’o iha Segunda, loron 1, fulan Juñu ne’e, reprezentante povu Atoni Ambenu Oe-Cusse, husu ba Primeiru Ministru (PM), Taur Matan Ruak, atu demite ou ezonera atuál Prezidente Autoridade Rejiaun Administrativa Espessiál Oe-Cusse Ambeno (RAEOA) no Zona Espesiál Ekonómia Sosiál Merkadu (ZEESM), José Luis Guterres (LuGu), tanba laiha kapasidade atu jere dezenvolvimentu iha Oe-Cusse.

“Ho pontus ne’ebé ami mensiona iha leten katak, Prezidente Autoridade LuGu ne’e ema baruk teen ida no laiha kapasidade atu administra ka jere RAEOA no ZEESM, nune’e husu ba exelénsia Primeiru Ministru (PM), Taur Matan Ruak atu nomeia Prezidente Autoridade foun iha tempu badak atu hahú servisu tuir regra”, Porta-Voz, José Tefa iha komunikadu imprensa ne’ebé hala’o iha Praia dos Coqueiros, Segunda (01-06-2020).

Ho nune’e reprezentante komunidade Oe-Cusse ne’e husu mós ba Xefe Governu atu nomeia fali Prezidente Autoridade foun, ne’ebé ho kapasidade administrativu natón hodi lori dezenvolvimentu ne’ebé sustentavel ba povu iha RAEOA.

Entretantu José mós kestiona, tanba durante LuGu nia mandatu dezenvolvimentu iha RAEOA la la’o no abandona tiha RAEOA no hela permanente iha kapitál Díli no kada semana ida foin fila ba Oe-Cusse, hodi haree nia servisu.

“Durante sai Prezidente Autoridade LuGu rejeita hela iha uma Estadu no deside ba aluga fali uma privadu no durante fulan hitu (7) simu mandatu nu’udar Prezidente Autoridade, José Luis Guterres, falla no laiha eskritóriu permanente atu servisu no eskritóriu Prezidente Autoridade ni’an iha kampaun Autoridade RAEOA, Oebau abandonadu no nunka uza, maibé uza fali sala enkontru hodi asina dokumentu no halo enkontru”, kestiona reprezentante povu Oe-Cusse.

Lee hotu :   Ramos Horta: Retira proposta OJE hanesan derrota ida ba AMP ■OJE 2020 la’o rungu-ranga

Entretantu José husu mós ba Xefe Governu atu hapara mós kontratu ba asesór ne’ebé asina ona kontratu, maibé la hala’o sira-nia kna’ar ho di’ak no sujere mós atu disponibiliza ekipa integradu ida no independente hodi halo auditóriu ba servisu hotu ne’ebé durante Prezidente Autoridade halo, liu-liu ba ezekusaun orsamentu duodésimal.

Entretantu durante plenária iha uma fukun Parlamentu Nasionál (PN) deputadu husi bankada FRETILIN, Favião de Oliveira, konsidera Prezidente RAEOA no ZEESM, José Luis Guterres abandona servisu durante fulan hitu (7) no hanesan Prezidente serimoniál de’it, tanba seidauk halo servisu ruma no to’o agora seidauk iha planu ida feitu atu halo kontinuasaun ba programa RAEOA-ZEESM, maibé LuGu ba atu kestiona de’it mão de obra ne’ebé prezidente RAEOA sesante halo.

To’o notísia ne’e fó sai, GMN seidauk hetan konfirmasaun husi parte Autoridade ZEESM-RAEOA nian. san

Add to Comments Here!!!!

error: Content is protected.
Secured By miniOrange
You might also like:
Transfere osan ba estudante sira tenke liu husi embaixada Indonézia

Atu halo poupansa ba osan ne’ebé...

FCYPA apoiu ekipamentu prevensaun COVID-19 ba SIJK

Federation of Chinese Youth Professional Association...

Odete promete hadi’a salariu funsionáriu MS

Ministra Saúde (MS), Odete Maria Freitas...

Close