JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

José Reis: Iha ona lei hapara komunidade halo uma arbiru

José Reis: Iha ona lei hapara komunidade halo uma arbiru

Vise Primeiru Ministru no Ministru Ordenamentu Territoriu (VPM-MOT), José Reis, hateten, ministériu iha ona lei komplementar tolu (3), atu hapara komunidade sira halo uma arbiru no bainhira halo uma tenke husu lisensa, maibe lei refere seidauk lori ba Konselhu Ministru (KM) atu halo aprovasaun.

“Hafoin asume kargu nu’udar Ministru Ordenamentu Territoriu, ha’u simu kedas lei lejislasaun rejime komplementar tolu, ne’ebé importante husi Ministériu Obras Públikas (MOP), hanesan klasifikasaun no solo, rejime espasu no lei rejime komplementar ba dezenvolvimentu urbana no konstrusaun edifisiu”, afirma, José Reis, ba JN-Diário Tersa (22/07/2020) iha Fatuhada, Díli.

Atual Ministru ne’e afirma, lei klasifikasaun no solo koalia kona-ba, oinsa atu utiliza rai, lei rejime espasu, koalia kona-ba oinsa define espasu no lei rejime komplementar ba dezenvolvimentu urbana no konstrusaun edifisiu, koalia kona-ba bainhira ema atu halo uma tenke iha lisensa.

“Husi ne’e ita bele hapara ona se mak atu halo tan uma iha fatin sira hanesan foho leten, mota ninin no bee dalan, tanba bainhira atu halo iha fatin sira mensiona tenke husu lisensa. Lei ne’e oras ne’e ami prepara hela no ha’u fó ona ba tekniku sira hare’e hela, maibé tanba sei iha problema uitoan iha audítoria ba lei ne’e, ami tenta atu rezolve molok lori ba Konsellu Ministru,” haklean José Reis.

Governante ne’e hatutan, alende atu aprova lei 3 tolu refere, ministériu presiza halo mós sosializasaun ba komunidade hotu atu bele hatene, tanba dalaruma ita iha ona lei, maibé povu  la hatene lei iha ka laiha no ida ne’ebé mak proibidu no ida ne’ebé mak la proibidu, entaun difikulta tebes bainhira implementa lei ne’e.

Lee hotu :   Tama illegal, SIJK prepara ona fatin kuarentena iha Mota-ain Batugade

“Tanba ne’e kuandu lei ne’e aprova importante tebes atu sosializasaun ba povu, tanba ema ba halo uma iha mota laran no bainhira mota mai uma hetan estragus husu Governu atu fó kompensasaun, entaun bainhira lei ne’e aprova mak tenke iha duni sosializasaun atu komunidade hatene oinsa halo uma”, haktuir nia.

Nia realsa, problema sira ne’e hotu tanba seidauk iha planu polítika ordenamentu territoriu prinsipalmente koalia konaba planu urbanizasaun iha Díli laiha maske iha ona esbosu maibé nunka tau iha prátika.

“Governu ne’e Governu kontinuidade, tanba ne’e ho Oitavu Governu ida agora, ami tenta haree ho kapasidade ne’ebé iha no koordenasaun ho ministériu sira seluk bele hadia saida mak naksalak ba oin,” tenik José Reis. Fel

Add to Comments Here!!!!

error: Content is protected.
Secured By miniOrange
You might also like:
Governu promove transparánsia iha alokasaun rekursu tuir prioridade nasionál

Ministru Prezidensia Konsellu Ministru (MPKM), Fidelis...

CNRT la haruka ema ruma harii partidu foun

Comissão Política Nacional partidu (CPN-CNRT) husu...

Kondisaun Portu la permite importa foos tonelada rihun 30 mai TL

Foos tonelada rihun tolu nulu (30)...

Close