JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur husu MPM tenke kontinua servisu ne’ebé Xanana hala’o ona

PM Taur husu MPM tenke kontinua servisu ne’ebé Xanana hala’o ona

Primeiru Ministru (PM), Taur Matan Ruak, husu ba Ministériu Petroleu no Minerais (MPM), atu kontinua nafatin servisu ne’ebé mak durante ne’e Governu fó ba Maun Bo’ot Kay Rala Xanana Gusmão hala’o ona. 

“Agora dadaun ne’e ami foka hela ba OJE 2020, tanba ne’e PM, husu atu kontinua nafatin servisu ne’ebé mak iha ona, inklui Maun Bo’ot Xanana Gusmão nia kompetensia ne’ebé uluk governu fó mantein ho ida ne’e laiha alterasaun”,dehan, Ministru Petroleu Minerais, Victor da Conceição Soares, iha Palásiu Governu, Kuarta (01/07/2020).

Tuir Governante ne’e nia mai simu orientasaun husi PM, kona-ba liña polítika ne’ebé mak VIII Governu Konstitusional iha atu  implementa.

“Agora ha’u sei konsolida hela Ministériu, ha’u halo ona kontaktu no reuniaun ho ezekutivu sira, ne’ebé mak iha Ministériu no mos iha nivel instituisaun auto mos, atu nune’e bele intende didiak oinsa funsionamentu instituisaun durante períodu naruk la la’o”, afirma, Ministru MPM ne’e.

Governante ne’e subliña liu tan, PM Taur mos fó orientasaun barak ne’ebé espesial, ida kona-ba kódigu Mineirus ne’ebé dadaun ne’e iha PN, oinsa mak bele dudu hodi hetan aprovasaun, tanba ema hotu koalia, Timor ne’e riku maibé riku ne’e iha hela rai okos, bainhira Timor-oan la bo’ok oinsa mak bele hatene, tanba povu mos sei kiak.

Tanba ne’e, presiza aselera lalais atu nune’e, atrai investidór internasional sira, bele mai investe.

Victor esplika liu tan, durante ne’e lei orgánika desorganizadu, tamba ne’e, agora presiza organiza, no sei hetan apoiu maka’as husi asesor jurídiku legal sira husi gabineti PM, atu nune’e bele aselera lalais orgánika Ministériu Petroleu no Minerais ninian.

Lee hotu :   KFP seidauk simu relatoriu FP partisipa kampaña EA

“Kona-ba projetu tasi mane agora ita hatene katak OJE 2020 enkursu, polítika ida ne’e sai referensia nafatin ba Planu Estratéjiku Dezenvolvimentu Nasionál, enkuantu Planu Dezenvolvimentu Estratejiku Nasionál laiha revizaun ita la diskuti, maibé iha nesesidade atu halo revizaun, tanba planu dezenvolvimentu estratéjiku nasionál ne’e la’o dezde 2000 to’o 2011 foin estabelese”,afirma, Ministru Victor.

Antes ne’e, Xanana nia servisu ba povu tomak mak kadoras husi Greater Sunrise tenke dada mai Timor-Leste hodi fó servisu ba nia sidadaun sira la’os dada ba Austrália, tanba fronteira marítima Timor-Leste manan ona iha ne’ebé lidera husi líder karismátiku, Kay Rala Xanana Gusmão. Cin

Add to Comments Here!!!!

error: Content is protected.
Secured By miniOrange
You might also like:
Deskonfia funsionáriu Estadu balun hetan prejuízu USD40,197.50

Tribunál Distritál Díli (TDD), iha Segunda,...

Assanami husu MTK kontrola kabu sub-marinu

Deputadu bankada PD, Mariano Assanami Sabino,...

MEJD sei hadia aula 1500 iha teritóriu TL

Ministru Edukasaun Juventude no Desportu (MEJD),...

Close