JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Prevene konfrontu, PN husu Governu rejista GAM

Prevene konfrontu, PN husu Governu rejista GAM

Parlamentu Nasionál (PN), liu husi komisaun B ne’ebé trata asuntu defeza no seguransa, deputadu David Diaz Ximenes “Mandati”, husu ba Governu atu halo resensiamentu ba Grupu Arte Marsial (GAM) sira iha Timor-Leste, nune’e bele iha responsabilidade, bainhira mosu tan dezorden públiku.

Tanba atu prevene aktu inresponsabilidade husi grupu deskoñesidu ne’ebé tenta hamosu konflitu, hodi implika ba sosiedade, Governu tenke halo identifikasaun ba lokal atividade GAM hotu, nune’e ba futuru kada grupu tenke responsabiliza nia aktu rasik.

“Governu tenke halo resenseamentu ba arte marsial sira iha Timor laran, depois ida ne’e mak ita tenke tenta para identifika lokais ka fatin ne’ebé sira treinu ba, entaun balun dehan katak sira nia cabang ka sukursais ne’e ba treinu ne’e tenke identifikadu, ne’e para kuandu to’o pontu ida sai hanesan ne’e halo fali hanesan ne’e, bele identifika ona grupu ne’ebé halo dezorden públiku ne’e”, deklara deputadu Mandati, ba jornalista sira iha PN, Sesta (14/08/2020).

Deputadu ne’e hateten, loloos Polísia tenke halo patrullamentu bei-beik, liu-liu iha zona ne’ebé identifikadu hanesan zona verde, zona vermella no zona kinur, zona verde dehan katak bairu ka parte ne’e aman ka livre husi konflitu, zona kinur aman tapi bahaya uitoan, maibe zona vermella ne’e zona ida ne’ebé la di’ak liu.

“Atu nune’e karik akontesimentu ruma, ita hatene ona katak aumenta ka diminui, hodi halo operasaun iha baze. Polísia Nasionál Timor-Leste tenke tau sinal ba kada zona ka bairu tuir ambiente ne’ebé iha, nune’e fasil atu halo operasaun”, afirma nia.

Membru Parlamentu husi bankada Fretilin ne’e mós sujere ba Governu atu kria kondisaun ba joven sira, tanba konflitu ne’ebé mosu repete bei-beik ne’e implika mós husi menus kampu traballu.

Lee hotu :   FRETILIN-PLP nota AMP foun ezije podér, Kalohan konsidera laloos

“Governu labele mós kastigu de’it, tenke haree mós nia kauza efeitu, buat sira ne’e nia implikasaun ne’e barak, maibe labele mós tanba de’it nia implikasaun barak, ita husik  intensifika ita nia dearmonizasaun”, esplika deputadu Mandati.

Iha okaziaun ne’e, nia parte husu ba Ministeriu Interior atu ba halo peskiza iha fatin akontesimentu, liu husi polísia investigasaun nasionál, para bele identifika, tanba saída mosu akontesimentu refere para bele buka solusaun ba kestaun ne’e.

Iha semana ne’e, mosu konfrontu iha postu administrativu Laga, munisípíu Baucau, hodi rezulta komunidade nia uma 16 hetan sunu no sasán balun la konsege salva.

Akontesimentu ne’e deskonfia komete husi  GAM  hanesan PSHT ho Kera Sakti. Say

Add to Comments Here!!!!

error: Content is protected.
Secured By miniOrange
You might also like:
OJE 2021, Governu fó prioriedade ba área haat

Primeiru Ministru (PM), Taur Matan Ruak,...

Governu “difisil” hetan figura foun troka Xanana

Primeiru Ministru (PM), Taur Matan Ruak,...

Sidadaun Nova-Zelandia ida tama ilegalmente mai Atauro

Sidadaun estránjeiru Nova-Zelandia ida husi Liran-Indonézia...

Close