JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT-PD: Governu presiza esplika prosesu dada kadoras mai TL

CNRT-PD: Governu presiza esplika prosesu dada kadoras mai TL

Reprezentante povu iha uma fukun Parlamentu Nasionál (PN), husi bankada CNRT no PD husu esplikasaun husi Governu kona-bá prosesu Greater Sunrise, ne’ebé dehan presiza tan estudu atu dada kadoras mai Timor-Leste (TL).

“Prosesu Greater Sunrise la’o to’o iha ne’ebé koordenasaun ita boot nian ho Timor Gap ne’e oinsa, ami hatene katak prosesu sei la’o hela no la husik hela, ita bo’ot sira fiar ka la’e atu dada kadoras mai Timor-Leste, ka ho maun boot nia rezignasaun ita mós la fiar-an ona karik”, Deputada bankada CNRT, Virginia Ana Belo, iha PN bainhira komisaun C ho D halo audénsia konjunta ho Mínistériu Petróleu no Minerais, Sesta (25-09-2020).

Deputada CNRT ne’e akresenta, ho rezignasaun eis xefe negosiadór prinsipál Delimitasaun Fronteira Marítima (FM), Kay Rala Xanana Gusmão, Autoridade Nasionál Petróleu no Minerais (ANPM) ho Timor GAP fiar-an atu dada kadoras mai TL ka ba Austrália.

Husi sorin seluk, deputadu PD, António da Conceição “Kalohan”, husu Ministru Petróleu no Minerais atu halo esplikasaun kona-bá razaun saída mak presiza atu halo tan estudu kona-bá prosesu dada kadoras mai TL.

“Informasaun ne’ebé mak dekore iha públiku presiza tan halo novos estudo atu dada kadoras mai TL, ami laiha razaun atu halo debate ho ita boot sira, ami presiza iha esplikasaun polítika, nune’e ami bele fó ami nia apoiu polítiku planu ne’ebe mak mai. Klarifikasuan ne’ebé serteza loos ka la’e planu atu halo estudu no tipu estudu saída mak atu halo, tanba konkore tan estudu iha investimentu ne’ebé mak maka’as liu tan antes ne’e ita tau ona osan barak ne’ebé mak atu halo, ita sei kontinua estudu, ka iha buat seluk ne’ebé mak ita presiza halo”, dehan Kalohan.

Ho nune’e, Prezidente ANPM, Florentino Mateus, klarifika, prosesu negosiasaun Greater Sunrise sai hanesan papél importante no tenke kontinua prosesu ne’e, maibé presiza hatur regulamentu no diploma komplementár sira atu asegura operasaun Greater Sunrise iha futuru bele la’o ho di’ak.

“Ami hahú fali ona diskusaun téknika liga ba enkuadramentu legais fiskais, liu-liu ba tributais ni’an ho governu Austrália, atu nune’e ita bele asegura no ita atinji duni saída mak ita hatur ona iha tratadu delimitasaun FM. Ekipa ne’ebé anterior envolve nafatin, só prezidente sesante mak la eziste. Ha’u rasik ekipa anterior ne’ebé mak hatur dispozisaun tranzitóriu JPDE, ami laiha dúvida atu pipe line mai TL”, dehan Florentino.

Entretantu Governu TL ho governu Austrália, asina ona akordu delimitasaun FM iha Nova Iorke, iha loron 6, fulan Marsu, tinan 2018, asina husi eis Ministra Negósiu Estranjeiru Austrália, Julie Bishop no eis Ministru Adjuntu Primeiru Ministru ba delimitasaun FM, Hermenegildo Pereira ho sasin husi Sekretáriu Jerál Organizasaun Nasaun Unidas (ONU), António Guterres no Prezidente Konsiliasaun. ety

Lee hotu :   Debate OR, AMP mantein pozisaun kontra

Add to Comments Here!!!!

error: Content is protected.
Secured By miniOrange
You might also like:
PN entrega ona karta reklamasaun profesór kontratadu ba MEJD

Prezidente Komisaun G iha Parlamentu Nasionál...

MAP promete sei redúz importasaun foos

Ministru Agrikultura no Peskas (MAP), Pedro Reis, hato’o komprimisu sei servisu hamutuk ho parseiru dezenvolvimentu sira, hodi redúz ai-han importasaun ne’ebé...

ADTL: Konstrusaun edifísiu iha TL kontinua esklui ema ho defisiénsia

Diretór Asosiasaun Defisiente Timor-Leste (ADTL), Cesário...

Close