JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN entrega ona karta reklamasaun profesór kontratadu ba MEJD

PN entrega ona karta reklamasaun profesór kontratadu ba MEJD

Prezidente Komisaun G iha Parlamentu Nasionál (PN), António Verdial, informa, PN entrega ona karta no dokumentu ofisiál ba Ministru Edukasaun Juventude no Desportu (MEJD) kona-bá problema profesór na’in 15 ne’ebé la simu salariu durante tinan hotu (7), husi Eskola Sekundáriu Jerál Dom Carlos Filipe Ximenes Belo.

“Ha’u promete iha tempu badak komisaun G sei kanaliza, ohin ha’u entrega dokumentu referida ho karta ofisiál ba MEJD, tau-an hanesan deputadu atu tau matan imediatu no laiha razaun atu la tau matan, tanba sira hala’o kna’ar iha eskola refere, hala’o knaar ho tempu kleur tebes, tinan hitu (7) la’ós halimar”, Prezidente Komisaun G iha PN ne’e ba jornalista sira hafoin hala’o audénsia ho MEJD, Kinta (24-09-2020).

António subliña, tenke agradese ba porfesór kontratadu sira ne’e nia espíritu servisu no tenke tau atensaun iha tempu badak, tanba laiha razaun atu Governu la atende.

Ministru Edukasaun Juventude no Desportu, Armindo Maia, hateten, kona-bá problema ne’e nia parte simu ona reklamasaun, maibé sei halo análiza klean, tanba mandatu Governu anteriór liu ona.

“Ita tenke haree fali buat ne’e di-di’ak, tanba iha baze ida ne’ebé ministériu hala’o nia kna’ar, ita tenke análiza di-di’ak, labele iha implikasaun, ita atu rezolve problema ida atu labele hamosu problema seluk. Ohin Prezidente Komisaun G entrega karta ida, tama ona tuir loloos iha loron 23, fulan ne’e, atu halo audénsia ho komisaun G, maibé tanba partisipa iha komisaun revizaun orsamentál la konsege mai”, tenik Governante ne’e.

Antes ne’e, iha loron 9, fulan Setembru ne’e, profesór 15 husi Eskola Sekundáriu Jerál Dom Carlos Filipe Ximenes Belo ne’e halo ona reuniaun ho Prezidente PN no Prezidente komisaun G, hodi hato’o kona-ba sira nia preokupasaun.

Entretantu totál profesór kontratadu iha Timor-Leste hamutuk 40.28, husi númeru refere 400 resin mak asina ona kontratu ho ME. ety

Lee hotu :   OJE sumba iha PN, FRETILIN : Polítiku sira hasa’i desizaun ho arogante

Add to Comments Here!!!!

error: Content is protected.
Secured By miniOrange
You might also like:
MAP promete sei redúz importasaun foos

Ministru Agrikultura no Peskas (MAP), Pedro Reis, hato’o komprimisu sei servisu hamutuk ho parseiru dezenvolvimentu sira, hodi redúz ai-han importasaun ne’ebé...

ADTL: Konstrusaun edifísiu iha TL kontinua esklui ema ho defisiénsia

Diretór Asosiasaun Defisiente Timor-Leste (ADTL), Cesário...

PR promulga ona dekretu lei ANE, IP

Prezidente Repúblika (PR), Francisco Guterres Lú...

Close