JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN husu Governu partisipa iha diskusaun proposta OJE 2020

PN husu Governu partisipa iha diskusaun proposta OJE 2020

Deputadu bankada Conselho Congresso Nacional Reconstrução Timor-Leste  (CNRT) ho Partidu Unidade Dezenvolvimentu Demokrátiku (PUDD) husu membru VIII Governu Konstitusionál atu paritisipa másimu hodi konsentra ba diskusaun bainhira audiénsia públika ho komisaun espesializada permanente ba proposta Orsamentu Jerál Estadu (OJE) tinan 2020.

“Tanba pedidu ida ne’e mai husi Governu, husu para atu diskute ho karáter urjénsia, hakarak husu klarifikasaun de’it husi parte Governu prontu atu marka prezensa ka lae? tanba ami iha esperíensia tinan kotuk liu bá, husu tiha ho karáter urjénsia, depois kuandu iha audiénsia ministru balun la mosu. Tanba ne’e husu hotu-hotu tenke marka prezensa, sé la mai karik tenke haruka karta antes, para ami hatene,” Xefe bankada PUDD, António de Sá Benevides  iha plenária estraordinária semana kotuk.

Iha biban hanesan, deputada komisaun C, Maria Fernanda Lay, mós reforsa katak, prezensa governante importante iha audiénsia públika ne’e, atu bele justifika nia proposta orsamentu ne’e.

“Dalaruma la akompaña kalendáriu iha momentu debate, la’os katak dehan la presiza mai, depois de elabora tiha kalendáriu, reprezentante Governu ne’ebé hola parte foti mós férias ne’e mak konfuzaun. PN servisu Governu foti férias, balun ba halo tratamentu, enkuantu komisaun C tenke tuba hodi hein, ha’u ko’alia, tanba iha momentu ne’ebá ha’u mak prezidente komisaun C”, tenik nia.

Tanba ne’e mak deputada CNRT bolu atensaun ba Governu katak, pedidu urjensia ne’e tenke urjente duni, labele soe hela PN mak servisu, maibé membru Governu sai ba liur, depois la fó hatene ida ne’e mak komplikadu.

Hatán ba kestaun hirak ne’e, reprezentante VIII Governu, Ministru Asuntu Parlamentár no Komunikasaun Sosiál (MAPKOMS), Francisco Jerónimo kompromete, Governante hotu prontu marka prezensa iha prosesu diskusaun no audiénsia ba proposta OJE tinan 2020 ne’ebé PN aprova ona pedidu urjénsia.

“Governu prontu atu mai iha komisaun sira, hodi responde no halo audiénsia ho komisaun sira, ami prontu atu mai”, afirma Francisco.

Audiénsia públika entre komisaun espesailizada permanente ho Governu ne’e, sei hahú iha loron 23 to’o loron 26 no diskusaun jeneralidade sei hahú iha loron 30, fulan Setembru ne’e, to’o finál globál iha loron 8, fulan Outubru, tinan ne’e.

Proposta Orsamentu Jerál Estadu (OJE) ba tinan 2020 ne’e, Governu aprezenta iha loron 15, fulan Setembru ne’e, ho montante billaun USD 1.4. say

Lee hotu :   Xanana la uza asuntu FM ba hetan votus "Alkatiri lakon kontaktu ho Xanana"

Add to Comments Here!!!!

error: Content is protected.
Secured By miniOrange
You might also like:
Marí Alkatiri: Ukun tinan 12 povu kontinua moris susar

Sekretáriu Jerál (SekJer) partidu FRETILIN, Mari...

SEKOMS lansa kampaña nasionál kombate hoax

Sekretáriu Estadu Komunikasaun Sosiál (SEKOMS), lansa...

Governu kumpre kalendáriu diskusaun OJE 2020 iha PN

Ministru Prezidénsia Konsellu Ministru (MPKM), Fidelis...

Close