JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PUDD konsidera dezenvolmentu iha TL marka pasu

PUDD konsidera dezenvolmentu iha TL marka pasu

Xefe bankada PUDD, António de Sá Benevides, hateten, dezenvolvimentu iha Timor-Leste marka pasu hela iha fatin, tanba polítiku sira preokupa ba sira-nia-an.

“Ami polítiku ida-idak ami preokupa dada ahi ba ami nia ikan sardina, uluk funu unidus, maibé to’o ukun-an imi fahe malu, tanba poder, tanba poder ami hatudu ba povu inkonsisténsia iha ami nia desizaun, ohin ami hateten ida, aban ami hateten buat seluk, ohin halo ida, aban halo buat seluk. Ho situasaun mosu iha Timor-Leste moras COVID-19 iha mundu tomak halo ita polítiku sira hamosu polítika virtude teólogos hanesan fé, esperansa no karidade”, Xefe bankada PUDD ne’e liu husi ninia deklarasaun polítika iha Parlamentu Nasionál (PN), Tersa (15-09-2020).

Tuir António nia haree, dinámika polítika mosu iha rai-laran hahú tinan 2017 to’o 2020, mosu pergunta husi povu sira hodi husu Timor-Leste atu ba iha ne’ebé, maibé bazeia ba observasaun ema sira iha rai-liur no mós iha rai-laran katak dezenvolvimentu marka iha fatin de’it.

Xefe Bankada UDT, Francisco David Carlos, hateten, halo abertura ba terseira lejislatura la’ós tempu atu buka sala, hodi hatudu liman ba malu, maibé tempu hamutuk hodi buka sala no hadia iha futuru.

“Iha kasa makna ida ne’e ita harii ho ruin ne’ebé naklekar iha Timor laran tomak, ita tenke hatudu ita-nia atitude governasaun, líder ne’ebé di’ak hodi hakru’uk ba konstituisaun RDTL. Ha’u mai iha ne’e reprezenta povu tomak iha rai-laran, la haree ba kor, maibé espesiál ba inan-faluk no oan-kiak. Nune’e husu ba nai-ulun boot sira la’ós tempu atu buka sala ba malu, maibé tempu atu hamutuk hodi hadia sala hodi lori futuru Timor ne’e ba oin”, tenik Francisco.

Lee hotu :   OJE sumba la hamate funsionamentu PN

Tuir Xefe bankada KHUNTO, Olinda Guterres, hateten, KHUNTO nu’udár bankada Governu garante estabilidade governativa to’o nia mandatu remata.

“Ita presiza kria kultura atu respeita ba mandatu ne’ebé simu husi povu, tenke kumpri to’o rohan, la’ós tanba interese grupu ida nia halai sees, hodi soe povu nia fiar ba rai, hanesan OJE 2020 xumba iha PN husi bankada Governu rasik hahalok ne’e labele sai kultura iha rai Timor, tanba ne’e tenke kria kultura diálogu polítiku, hodi garante estabilidade dezenvolvimentu iha rai-laran“, tenik Olinda. ety

Add to Comments Here!!!!

error: Content is protected.
Secured By miniOrange
You might also like:
UDT/FM deside harii bankada ketak

Xefe bankada Frente Mudansa (FM), Isabél...

Diskonfia ema balun fasilita GAM hasa’e sintu, VMI husu PNTL buka tuir

Vise Ministru Interiór (VMI), António Armindo,...

PR Lú Olo fiar OJE 2020 sei pasa iha PN

Prezidente Repúblika (PR), Francisco Guterres Lú...

Close