JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

RNDJK: PR Lú Olo laiha responsabilidade morál ba povu

RNDJK: PR Lú Olo laiha responsabilidade morál ba povu

Grupu Rezisténsia Nasionál Defende Justisa no Konstituisaun (RNDJK) RDTL, konsidera Prezidente Repúblika (PR), Francisco Guterres Lú Olo,  laiha responsabilidade moral ba ninia povu, liu-liu la esplika kona-ba violasaun konstituisaun ne’ebé PR rasik halo hodi hamoe Estadu direitu demokrátiku hanesan Timor-Leste iha mundu internasionál.

Porta voz RNDJK, Ângela Freitas, husu ba PR atu esklarese situasaun polítika atuál ne’ebé ohin loron seidauk rezolve, ne’ebé nia rasik mak kria.

Razaun Ângela husu ba  Xefe Estadu  RDTL atu esplika loloos, tanba saída mak to’o ohin loron  impase polítiku iha rai-laran labele rezolve, ne’e atu povu  bele hatene.

Porta voz RNDJK ne’e lia tun tan katak, PR ka na’i-ulun sira viola tiha ona konstituisaun RDTL, hodi halo ema internasionál sira lakon konfiansa ba nasaun Timor-Leste.

“Na’i-ulun sira viola tiha ona konstituisaun no situasaun rai-laran sei grave, tanba ita haree husi orsamentu ne’ebé sira sei aprezenta iha Parlamentu sei prejudika mós atu asesu ba orsamentu rasik. Tanba ita haree katak violasaun konstituisaun ne’ebé akontese iha Parlamentu hatudu katak la fó garantia ba internasionalmente atu bele fó konfiansa ba ita-nia Estadu ne’e atu jere orsamentu povu nian. Ita haree husi PR iha Parlamentu Nasionál hatudu momoos katak, PR laiha vontade, laiha  responsabilidade  moral nem um hasoru povu ida ne’e. Tanba  ne’e duni  RNDJK  lamenta tebes. Husi parte ida ita  haree PR viola tiha ona konstituisaun dezde inísiu no to’o ohin loron  ita haree ita-nia Governu ne’e la’o, maibé ilegalmente, inkonstitusionál. Tanba  ne’e duni sira la fó garantia ba Banco Federal América atu fó konfiánsa jere povu nia osan. Ida ne’e ita labele kondena fali ema seluk ba ita-nia aktus ne’ebé kontra konstituisaun durante ne’e. Timor-Oan hotu tenke alerta hodi akompaña situasaun ne’e ho kle’an atu hatene diak liu tan oinsá mak atu priense rekezitu oinsá mak bele asesu ba osan ne’e rasik”, Porta voz RNDJK ne’e ba jornalista sira, Kuarta (16/09/20), iha edifísiu RNDJK Bairu-Formoza, Díli.

Lee hotu :   Governu presiza análiza sistema pagamentu subsídiu USD100

Ângela Freitas haktuir, “Dezde inísiu RNDJK hateten, konstituisaun nu’udár baze legál ne’ebé proteje direitu sidadaun, polítika, ekonomia, sosiál no mós kulturál. Se ita-nia Xefe Estadu mak viola tiha ona konstituisaun, ita rasik duni mak fó dalan ba internasionalmente la fó konfiansa ba Estadu ida ne’e”.

Ângela Freitas, akresenta, durante ne’e  nia koalia iha públiku hodi defende Estadu direitu demokrátiku, laiha ema ruma mak fó apoiu.

Nune’e mós durante Grupu RNDJK RDTL uza Komandante em Xefe FALINTIL, Kay Rala Xanana Gusmão nia foto taka iha ninia rezidénsia RNDJK Formoza-Díli, ne’e tanba Xanana Gusmão nu’udar simbólu unidade nasionál ba povu Timor-Leste tomak.

“Iha ne’e ami tau figura ita-nia Komandante Em Xefe FALINTIL, Kay Rala Xanana Gusmão, ne’e nia hanesan simbólu unidade nasionál. Ida ne’e não tem a ver katak nia apoiu ami. Tanba durante ne’e ema barak fó komentáriu oi-oin loos, maibé ami iha prinsípiu no ami tane aas konstituisaun”, dehan Ângela.

Porta Voz RNDJK ne’e promete iha tempu besik mós grupu refere sei hala’o manifestasaun kontra Estadu kona-bá formasaun Oitavu Governu ne’ebé mak lidera husi Taur Matan Ruak no Grupu RNJDK RDTL sei hato’o petisaun ba PR. avi

Add to Comments Here!!!!

error: Content is protected.
Secured By miniOrange
You might also like:
Governu sei reativa voo komersiál fasilita Timor-oan sira fila

Ministra Negósiu Estranjeiru no Kooperasaun (MNEK),...

Governu kontinua apoia empreza no traballadór

Governu liu husi Konsellu Ministru (KM),...

PPN baixa ona proposta OJE 2020 ba komisaun C

Prezidente Parlamentu Nasionál (PPN), Aniceto Guterres,...

Close