JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ângela Freitas la hasoru malu ho Alkatiri, RNDJK sei lori Xanana sai PR

Ângela Freitas la hasoru malu ho Alkatiri, RNDJK sei lori Xanana sai PR

Porta voz Rezisténsia Nasional Defende Justisa no Konstituisaun (RNDJK), Ângela  Freitas, hatete, nia nunka hasoru malu hodi ko’alia ho Sekretáriu Jerál partidu FRETILIN, Mari Alkatiri. Maibé nia hatete, RNDJK oras ne’e dau-daun preparadu loos atu ho povu tomak lori hikas líder karismátiku Kay Rala Xanana Gusmão asume fali kargu nu’udár Prezidente Repúblika (PR) iha eleisaun mai ne’e, hodi haloos hikas fali lala’ok Estadu Direitu Demokrátiku ne’ebé oras ne’e dau-dauk la’o laloos iha rai-laran.

Ângela informa, apoiante rihun atus tolu resin sei apoia maun boot Xanana Gusmão ba Prezidente Repúblika. Tanba hela de’it tinan ida resin ona povu Timor-Leste atu hakat fali eleisaun Prezidensiál.

Tanba ne’e, RNDJK harii ona ekipa tolu atu organiza povu iha munisípiu 12, inklui RAEOA hodi apoia líder karismátiku, Xanana Gusmão ba Prezidente Repúblika.

Porta voz RNDJK subliña, desizaun hodi hapara provizóriu atividade movimentu refere hetan konkordansia husi estrutura sira, tanba iha inísiu to’o agora estrutura ne’e sólidu nafatin.

“Ami atu forma steering comitte atu fó apoiu máximu ba ita-nia komandante em Xefe FALINTIL, Kay Rala Xanana Gusmão, hanesan kandidatu Prezidente Repúblika. Ami kontinua nafatin, servisu nafatin no rekolla nafatin asinatura, tanba ida ne’e segundu faze rekollamentu asinatura. To’o agora ami rekolla 300 i tal mil, ami hakarak atinji 500 mill. Ami kontinua, ami sólidu nafatin”, deklara Ângela Freitas.

Bainhira GMN husu informasaun ne’ebe hateten, Ângela Freitas hasoru malu ona ho Sekretáriu Jerál FRETILIN, Marí Alkatiri iha semana hirak liu ba, maibé Ângela Freitas Rejeita informasaun ne’e.

“Lae! Ha’u hanoin ida ne’e ida-idak nia direitu para ko’alia, RNDJK nian mak defende Estadu Direitu Demokrátiku no defende konstituisaun”, dehan Ângela  Freitas ba GMN, Kinta (15/10/2020), iha ninia rezidénsia Bairro dos Grilhos, Díli.

Enkuantu durante semana ida ona porta voz movimentu ne’e deside hodi taka provizóriu sede atu fó tempu ba estrutura no membru sira ba partisipa loron finadu iha ida-idak nia munisípiu.

Sede movimentu ne’e sei ativa fali iha loron 5, fulan Novembru, hodi hala’o nafatin sira-nia atividade.

Kona-bá RNDJK hakarak loos atu kandidata fali Xanana ba PR, GMN seidauk konfirma ho eis komandante em Xefe FALINTIL ne’e disponibel ka lae. aba

Lee hotu :   AMP rejeita hadau poder husi VII Governu

Add to Comments Here!!!!

error: Content is protected.
Secured By miniOrange
You might also like:
Ema ta’a negosiante ida iha terminal Taibesse

Negosiante ida ho naran Jhon de...

Redus ki’ak no má nutrisaun iha TL, Horta: Governu tenke ezekuta OJE ho di’ak

Eis Prezidente Repúblika, José Manuel Ramos...

Durante fulan rua, F-FDTL sei okupadu ho ezersísiu

Durante fulan Outubru no Novembru, tinan...

Close