JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT alerta ba FRETILIN sira kritika Xanana tenke sukat ibun

CNRT alerta ba FRETILIN sira kritika Xanana tenke sukat ibun

Deputada bankada CNRT, Maria Câmara Bisoi, nu’udár mós eis FALINTIL ida deklara hodi alerta ba deputadu FRETILIN sira atu ko’alia sukat ibun bainhira kritika eis komandante em xefe FALINTIL, Kay Rala Xanana Gusmão, nia asaun sira durante ne’e ba povu tomak. Tanba Xanana nia asaun solidária no umanizmu sira durante ne’e nia halo, la’ós foin mak halo, maibé dezde luta iha ai-laran hodi komanda funu ne’e, nia halo tiha ona ba povu ne’e to’o agora.

Bisoi ko’alia ida ne’e bainhira haree intervensaun deputada bankada FRETILIN, Nelia Menezes, ne’ebé ho idade foinsa’e halo kritika sira la serve no la merese hasoru Kay Rala Xanana Gusmão ne’ebé durante ne’e nia jestu orijinál hanesan ne’e ona, katak sempre empatia ka sempre moris hamutuk ho povu iha luta kontra okupasaun ilegál to’o hetan independénsia nasionál ne’e.

Deputada bankada CNRT ne’e hatutan tan, sé deputadu ho deputada FRETILIN sira ko’alia “beik fali”, CNRT nia deputadu ho deputada sira mós sei ko’alia “beik liu”. Maibé CNRT iha sentidu Estadu ne’ebé maka’as hakarak salva Estadu ida ne’e husi asaltu poder sira, respeita Estadu Direitu Demokrátiku, ne’ebé hotu-hotu iha lei nia okos.

“Sé ita hanorin malu beik fali, CNRT mós beik hela mak ne’e. Ami mak hakarak tarata fila-fali (imi nia líder sira ne’e) mós nasaun ne’e atu ba loos iha ne’ebé? Deputada Nelia Menezes, foin sa’e ida la merese atu kestiona asaun karitativa ne’ebé líder karismátiku, Kay Rala Xanana Gusmão halo ba povu, tanba asaun ne’e rasik la uza osan Estadu no la’ós primeira-vez”, dehan veterana ne’e.

Deputada Bisoi mós sujere ba líder FRETILIN sira iha Parlamentu Nasionál (PN), atu eduka nia deputada foinsa’e oan ne’e atu halo intervensaun ruma tenke respeita líder sira, tanba líder sira ne’e mak ohin loron hetan ukun rasik-an no joven sira bele goja livre.

 “Xanana nia obra mak agora ita hotu tur ne’e no ita boot sai deputada ne’e, ne’e duni sukat ho ita boot nia idade, sukat ho ita boot nia luta, sukat ho ita boot nia linguajen ka palavra ne’ebé atu diriji ba nia (Xanana). Tanba ami partidu CNRT nia deputadu ne’ebé agora tur iha PN ne’e, ami mós nunka trata FRETILIN nia líder, liu-liu ha’u, seidauk temi kona Alkatiri nia naran, tanba ne’e ita boot (deputada Nelia) mós presiza respeita, ita boot (deputada Nelia) la luta ba FRETILIN, ita boot ne’e so para túr de’it, ida luta ba FRETILIN ne’e mak ema sira idade ona ne’e. Hanesan karitativa nia (Xanana) hateten, “ferik-katuas sira ne’ebé idade hanesan ha’u, ita mak funu, ita mak luta no ita mak manan, no ita mak vota no povu tomak” la dehan katak Nelia mak vota hodi manan independénsia ne’e, ne’ebé haree respeita netik nia (Xanana), tanba ami mós respeita lideransa FRETILIN nian. Deputada Nelia ukun tinan rua ne’e labele halo buat ida, sé tinan 10 mak la halo tiha ona, tinan rua ne’e ita boot bele halo ka? tanba sá, uluk ita-nia rai ne’e ahi laiha, estrada laiha, bee dook kuru iha mota, maibé ohin povu balun la halo hanesan ne’e ona, maske balun laiha, tanba seidauk atinji duni to’o iha ne’ebá, tanba ne’e ita boot sira (FRETILIN) ohin hamutuk ho Oitavu Governu bele halo took ba”, hateten Deputada Bisoi iha plenária, Segunda (26/10/2020).

Hatán ba asuntu ne’e, deputada FRETILIN, Nelia Menezes, rejeita insulta asaun ne’ebé Xanana halo.

“Ha’u-nia intervensaun la temi avo Nana nia naran, sé mak kontinua temi ne’e, deputada CNRT mak ko’alia  duni, Nelia la temi avo Nana nia naran, maibé Nelia dehan de’it ukun tinan sanulu, sé mak besik ba povu hanesan ne’e karik, hatene situasaun di-di’ak povu nian karik hanesan agora, ita bele responde. Ha’u ko’alia tanba ita-nia papel fiskalizasaun, ita haree ho matan, estudante sira balun sei tur iha rai, infraestrutura eskola sei aat, bee-moos ba ita-nia povu ida ne’e mak ha’u ko’alia iha semana kotuk”, afirma deputada FRETILIN ne’e.

Maske nune’e, liu husi plenária Segunda semana kotuk (19/10), deputada FRETILIN ne’e deklara, CNRT ukun tinan sanulu, maibé foin mak hakfodak tanis no rei povu tun-sa’e.

“Ukun tinan sanulu, ohin foin hakfodak vizita inan-aman sira, haree kondisaun povu nian, hare bee-moos laiha, eskola aat, tanis, hako’ak rei tun-rei sa’e, ita hakfodak, ita hanoin buat bai-bain”, dehan Nelia.

Entretantu, asaun karitativa ne’ebé líder Karismátiku, Kay Rala Xanana Gusmão halo, hanesan jestu solidariedade ida, atu tulun povu ne’ebé afetadu husi pandémia COVID-19. Say

Lee hotu :   Arão Noe : Dezenvolvimentu infraestrutura bázika Oé-Cusse iha progresu

Add to Comments Here!!!!

error: Content is protected.
Secured By miniOrange
You might also like:
PN preokupa Governu adia pagamentu subsídiu ba reklamante

Reprezentante povu iha uma fukun Parlamentu...

Kareta soke mate ema ida iha Metinaro no na’in tolu kanek todan

Asidente tráfegu iha Metinaro, rezulta kareta...

TL rejista hikas kazu COVID-19 ativu foun ida

Koordenadora Jerál Corona Virus Disease 2019...

Close