JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN kestiona programa sesta bázika ne’ebé Governu atu implementa

PN kestiona programa sesta bázika ne’ebé Governu atu implementa

Parlamentu Nasionál (PN) kestiona programa sesta bázika ne’ebé VIII Governu lideradu husi Primeiru Ministru (PM), Taur Matan Ruak atu implementa, tanba implementasaun programa ne’e ba Timor-Oan de’it ka ba sidadaun estranjeiru sira ne’ebé dau-daun ne’e estadia iha Timor-Leste.

“Programa no planu sesta bázika ne’e atu implementa de’it ba Timor-Oan sira ka ba sidadaun estranjeiru sira ne’ebé iha Timor. Sesta bázika ita boot sira hatete sei uza liu produtu lokál, ha’u-nia pergunta mak ne’e diferénsia ema estranjeiru no naun estranjeiru ne’e ou la’e”, Deputada Bankada CNRT, Maria Fernanda Lay liu husi ninia intervensaun iha plenária iha PN, Tersa (20-10-2020).

Alénde ne’e, Xefe bankada PD, António da Conceicão “Kalohan”, hateten, planu sesta bázika ne’e laiha diferénsia ho polítika pakote referéndum ho projetu USD 3 ne’ebé Governu anterior sira implementa ona.

“Ha’u la haree diferénsia iha segundu ne’e apoiu família produtu lokál sesta bázika iha diferénsia ruma ho pakote referéndum ho projetu USD 3, ho atividade ne’ebé Governu anterior halo saída mak garantia ba sustentabilidade presiza halo esplikasaun de’it”, sekunda Kalohan.

Entretantu despeza ba programa sesta bázika hamutuk tokon USD 113,4 hodi finánsia ba atividade sira hotu ne’ebé liu hosi fundu COVID-19, husi númeru orsamentu ne’e atribui ba programa sesta bázika tokon USD 71 liu, ne’ebé sei implementa iha fulan Novembru to’o Dezembru, tinan ne’e.

KHUNTO: Sesta bázika ne’e la’ós rekuperasaun ekonómiku

Deputadu bankada KHUNTO, Luis Roberto, konsidera, Governu distribui ai-han ho osan ba populasaun sira, ne’e la’ós parte husi rekuperasaun ekonómiku, maibé ida ne’e atendimentu emerjénsia atu prevene COVID-19.

“Ha’u hakarak ko’alia dehan rekuperasaun ekonómiku iha Timor-Leste dezde inísiu to’o ohin loron, ita seidauk iha planu ne’ebé di’ak no fiksu atu hatur ekonómiku loloos, ne’ebé hahú husi Governu anterior to’o ohin loron, ita atu rekupera mak ida ne’ebe? ita haree durante implementasaun Estadu Emerjénsia (EE), ita distribui ai-han no osan ba ita-nia komunidade ne’e la’ós parte rekuperasun ekonómiku, maibé ida ne’e atende emerjénsia atu prevene moras, tanba ita evita sira-nia movimentu“, Deputada bankada KHUNTO ne’e liu husi ninia intervensaun wainhira governu aprezenta planu no programa  rekuperasaun ekonómiku iha PN, Tersa (20-10-2020).

Luis subliña, planu distribui ai-han no osan liu husi programa sesta bázika ne’e, ho intensaun atu limita sirkulasaun populasaun.

“Governu distribui ai-han no osan, tanba limitasaun sirkulasaun populasaun Governu iha responsabilidade morál, atu halo rekuperasaun ekonómiku ba futuru ne’e mak saída, atu hadi’a no setor ida ne’ebé prinsipál, tanba Timor-Leste agora seidauk iha fárbika hodi produz buat ruma. Ita hatene ita-nia ekonomia tun ba 6%, bele tun ba 0%, bele akontese bainhira ita la hadi’a di-di’ak ba futuru, ita presiza kria kondisaun ne’ebé  di’ak kria fábriku hodi produz buat ruma, hodi fo semangat ba ita-nia povu agrikultór sira”, tenik deputadu bankada KHUNTO ne’e.

Ministru Koordenadór Asuntu Ekonómiku (MKAE), Joaquim Amaral, esplika, Governu foti komponente faze emerjénsia ne’ebé PN aprova liu husi fundu COVID-19.

“Iha kualker krize ita presiza periódu tranzisaun ida atu fila ba normalidade, tanba ne’e medida ne’ebé Governu foti atu bele halo ita-nia ekonomia fila ba normalidade. Tanba ne’e mak medida faze emerjénsia nian liu ona, balun nia ezekusaun sei la’o hela on going, ita tama iha segunda faze koñesidu ho planu rekuperasaun ekonomia nia orsamentu mai husi orsamentu 2020 ne’ebé foin aprova ona”, klarifik governante

Entretantu responde ba surtu COVID-19 Governu gasta osan hamutuk tokon USD 91,7, hodi  implementa medida rekuperasaun ekonómiku hamutuk 19. ety

Lee hotu :   Governu kumpre kalendáriu diskusaun OJE 2020 iha PN

Add to Comments Here!!!!

error: Content is protected.
Secured By miniOrange
You might also like:
PN ezije Governu halo pagamentu subsídiu ba família reklamante

Reprezentante povu iha uma fukun Parlamentu...

Câmara de Contas sei halo auditoria ba instituisaun Estadu balun

Prezidente Tribunal Rekursu (TR), Deolindo dos...

Xanana: FALINTIL la duni inimigu ho kilat

Eis komandante em Xefe FALINTIL, Kay...

Close