JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN: La nesesáriu PSIK ka’er kilat

PN: La nesesáriu PSIK ka’er kilat

Parlamentu Nasioinál (PN) liu husi deputadu Komisaun B ne’ebé trata asuntu defeza, seguransa no negósiu estranjeiru, David Dias Ximenes “Mandati”, konsidera, la nesesáriu atu fó tan Polísia Sientífika Investigasaun Kriminal (PSIK) ka’er kilat, tanba Timor-Leste independénsia ona no laiha tan inimigu ne’ebé mak fó ameasa ba nasaun ida ne’e.

Tuir membru PN ne’e, F-FDTL ho PNTL de’it mak iha direitu atu ka’er kilat, tanba ne’e, nia parte sujere ba Primeiru Ministru (PM), Taur Matan Ruak, atu labele fó tan parte seluk kaer kilat, tanba iha risku bainhira lakon kontrolu.

“Uluk kedas hau dehan katak, ita tenke kuidadu mak ida armas sira ne’e, mezmu ita nia Konstituisaun laran mós dehan katak so Polísia ho F-FDTL mak kaer kilat, maibé ida ne’e de’it dalaruma ita deskontrola ona, hanesan foin dau-daun iha plenária deputadu sira balun ko’alia katak, ema ba halo kasa, envez kasa animal fuik  lae, ba kasa fali ema nia animal haki’ak ne’e, mezmu animal fuik mós ita labele kasa arbiru, tanba animal protesaun, dalaruma ema balun hetan tiru, maibé la hatene identifika tiru husi se? Tanba ne’e ha’u hanoin, ita tenke estuda di-di’ak lai, ha’u hatene katak PSIK ne’e ha’u la ataka sira, sira lori formatu Portugál nian, ha’u la hatene tan fatin seluk iha ne’ebé mak iha? maibé PSIK ho SIK ne’e     Servisu Investigasaun Kriminal ne’e iha ospitál nia okos, PSIK ne’e katak Polísia Sientífika Investigasaun Kriminal, ita tenke halo definisaun di-di’ak, karik bele PSIK ne’e tenke iha, tanba saída mak la mobiliza Polísia nian mak ba iha ne’ebá para depois ita hatene katak sira ne’e atu ka’er duni kilat hanesan ne’e tuir duni ita nia Konstituisaun hateten? maibé prontu, keta halo dekretu lei Governu nian ka lei ruma mak halo ida ne’e, maibé kebetulan lei ne’e seidauk liu husi PN ida ne’e”, Deputadu komisaun B ne’e iha PN, Kinta (22/10/2020).

Alénde ne’e, lejisladór ne’e afirma tan, Konstituisaun RDTL la fó dalan ba instituisaun seluk, eseptu PNTL ho F-FDTL mak bele ka’er kilat.

“Haree ita-nia rai ne’e ki’ik, ita labele atu ema barak-barak ka’er kilat ba, tanba ita boot sira hatene katak, loloos ne’e ema kualker ida iha direitu ka’er kilat, dezde que lisensa no dezde kontroladu bele ka’er kilat, sera que nesesáriu ne’e mak ka’er kilat? Ha’u lalika ba dook ida, ha’u lakohi dehan maluk sira funu iha ai-laran mak tun mai, ha’u iha villa laran uluk ema buka ha’u. Jornalista balun koñese ha’u, prinsipalmente jornalista mak dalaruma aviza ha’u katak ema buka ha’u maka’as, ohin loron ha’u la lori eskolta, ha’u di’ak hela, ha’u la kompriende, tanba saída mak ohin loron ita ukun-an ona, maibé kilat bar-barak fali iha ita-nia rain, ha’u mós la konkorda buat ida eskolta tun-sa’e, la’o hotu la di’ak, ha’u la konkorda, sé ita hanoin katak povu ne’e eskolla duni ita, signifika povu nia amor ne’e mai ita, halo fali eskolta atu halo saída tan. pior liu kilat iha tan, ne’e de’it hau kontra ona tanba hatodan despeza, Sekretáriu Estadu, Ministru, kareta no kombustivel, ne’e despeza, hanesan mós buat ida ka’er kilat ne’e, sera que buat balun laloos ona mak hotu-hotu hakarak ka’er kilat? hanoin ita tenke hanoin hamutuk lai. Inimigu fila tiha ona, ita mak atu aranja fali inimigu iha ne’e? Husu PM lalika aumenta ema ka’er kilat tan, Polísia ho F-FDTL iha ona, ha’u la kontra sira, maibé karik instituisaun Estadu nian ona, prontu pasiénsia, maibé ha’u la kontra desizaun PM ho governante, maibé hau nia hanoin labele fó tan ema barak atu ka’er kilat”, afirma Mandati.

Bazeia ba desizaun Governu iha dekretu Ministériu Justisa númeru 33/2017 ne’ebé fó direitu ba PSIK atu ka’er kilat, antes ne’e, Major Jeneral F-FDTL Lere Anan Timur mós kestiona kona-bá desizaun refere.

Maske nune’e, antes ne’e mós Ministru Defeza, Filomeno Paixão, deklara ona katak, PSIK iha direitu uza arma hirak ne’e bainhira iha nesesidade no hetan autorizasaun husi instituisaun rasik. Say

Lee hotu :   AMP ezije ajenda urjenti mosaun sensura ba plenária ■Aniceto Guterres: Sei deside tempu

Add to Comments Here!!!!

error: Content is protected.
Secured By miniOrange
You might also like:
Sosiedade Sivíl: Prabowo komete krime tolu iha Timor-Leste

Sosiedade Sivíl Timor-Leste (TL) konsidera atuál...

Maske laiha transmisaun lokal COVID-19, Xanana Gusmão kontinua alerta ba povu tomak atu kuidadu-an

Eis Prezidente Repúblika, Kay Rala Xanana...

Prezensa padroeira iha IEC atu eduka estudante sira

Prezidente Ezekutivu Fundasaun Cristal, Agostinho dos...

Close