JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT: Membru Governu balun la kompriende ninia orsamentu

CNRT: Membru Governu balun la kompriende ninia orsamentu

Deputada bankada CNRT, Maria Fernanda Lay, nota momoos katak, membru VIII Governu balun la kompriende sira-nia Orsamentu Jerál Estadu (OJE) tinan 2021 rasik.

“Ministru sira la kompriende sira-nia orsamentu, tanba iha audiénsia, bainhira ita ba iha medida estratéjika no ita tama fali ba planu livru 2 kada ministeriál la han malu ona, tanba planu prinsipál ho medida prinsipál ne’e tenke figura iha planu ministériu ida-idak ninian, ne’e bele hala’o, ne’e tuir ha’u nia intendimentu no koñesimentu, maibé ministru sira la hatan”, afirma deputada bankada CNRT neé iha Parlamentu Nasionál (PN), Kinta (19/11/2020).

Nia dehan, membru Governu balu dehan boa governasaun, maibé saída mak boa governasaun, sé la tau buat sira ne’e, ezemplu konkretu mak hanesan Ministériu Transporte no Komunikasuan (MTK) nian, bainhira deputada Leonia levanta kona-bá akontesimentu tentativa halo violasaun seksuál iha ró sukses laran, MTK nia medida saída mak iha atu prevene.

“Maibé governante hatán fali ‘pasajeiru sira labele toba arbiru para provoka ema hodi halo violasaun seksuál’, ida ne’e halo ami  hotu hakfodak,  entaun ita boot nia programa iha 3 i 25 ko’alia saída iha ne’ebá, nia dehan la hatene ida ne’e mak komplikadu, ida ne’e mak halo ami ulun fatuk moras. Foin dau-dauk RAEOA nian ne’e ha’u haree sira tau USD 29 milhões dehan tau iha tinan 2020, maibé ha’u ba buka iha livru laiha, livru sira mak haruka no sira mak elabora, tinan 2021 tau tan USD 14 milhões, maibé tama iha sira-nia planu ne’e loos, tanba sira sei husu atravez sira-nia saldo, maibé ita la hatene sira uza hira, tanba relatóriu ezekusaun mós sira la fó”, preokupa Fernanda Lay.

Alénde ne’e, Xefe bankada FRETILIN, deputadu Francisco Miranda Branco, argumenta, polítiku sira avalia malu de’it persentajen husi ezekusaun OJE, maibé nunka haree bazeia ba rezultadu.

“Ita haree bainhira debate orsamentu, hotu-hotu husu ba ministériu no instituisaun Estadu nian, to’o fim do ano fiscal ezekuta ona persentajen hira, la husu dehan osan ne’e nia ho nia persentajen hanesan ne’e progama atinji ka la’e, hanesan bee-moos, atinji osan 100%, iha realidade uma-kain no eskola hira mak hetan asesu ona, ne’e ita nunka husu ida. Ita avalia malu de’it husi ne’e, ita la ezije osan hirak gasta ne’e, nia atinji duni objetivu orsamentu ne’ebé aloka ne’e ka la’e”, afirma deputadu Branco.

Entretantu, ba tinan 2021 Oitavu Governu Konstitusionál ne’ebé viabiliza husi FRETILIN propoin billiaun USD 1.895, kompostu husi kategoria saláriu vensimentu, bens no servisu, transferénsia, kapital menor no kapitál dezenvolvimentu. say

Lee hotu :   Limita liberdade sirkulasaun komunidade, PM Taur: Presiza iha Estadu Emerjénsia

Add to Comments Here!!!!

error: Content is protected.
Secured By miniOrange
You might also like:
Konsidera la perfeitu, Xanana Gusmão defende reforma iha ONU

Pessoa Eminente g7+, Kay Rala Xanana...

Hakarak proteje povu, PR Lú Olo dekreta EE

Chefe Casa Militar, Coronél António da...

MS deklara Timor-Leste livre husi kazu malária

Ministra Saúde, Odete Maria Freitas Belo,...

Close