JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN ezije Governu ezonera Ilídio Ximenes

FRETILIN ezije Governu ezonera Ilídio Ximenes

Xefe bankada FRETILIN, Francisco Miranda Branco, liu husi konferénsia ba imprensa, Kinta (19/11/2020), ezije ba Governu da-ualu, atu halo ezonerasaun ba Embaixadór Timor-Leste ba Japaun, Ilídio Ximenes, tanba konsidera halís liu ba grupu ka partidu nia interese, duke interese Estadu Timor-Leste nian.

Ezijénsia FRETILIN ne’e relasiona ho Embaixadór Timor-Leste ba Japaun ne’ebé fahe informasaun kona-bá Xanana nia mensajen G7+ iha Parlamentu Nasionál Tokyo, iha aniversáriu ONU ba dala-75, iha loron 18, fulan ne’e.

“Bankada FRETILIN kondena maka’as atitude Embaixadór Timor-Leste ba Japaun, tanba nia hatudu aktu ne’ebé la reprezenta Estadu, maibé reprezenta fali grupu partidu ida nian. Tanba ida ne’e, ami ezije ezonerasaun imediata ba embaixadór Timor-Leste ba Japaun, hodi troka diplomata seluk ne’ebé bele reprezenta Estadu Timor-Leste iha rai-liur, reprezenta Estadu, tenke ko’alia asuntu Estadu nian, maibé sistematikamente, ami la haree ida ne’e husi nia (Ilídio Ximenes)”, deklara deputadu bankada FRETILIN ne’e ba jornalista sira iha Parlamentu Nasionál (PN).

Francisco dehan, esperiénsia ne’ebé CNRT rai hela, hanesan uluk akontese ba konsuladu Timor-Leste iha Indonézia.

“Presedente ida akontese tiha ona, vizita autoridade RAEOA Oe-Cusse nian ba Kupang, hetan kedas ezonerasaun ba konsuladu husi MNEK. maibé sistemátikamente ami akompaña nia atividade ne’e orientadu liu ba interese grupu nian, la’ós Timor-Leste nia interese”, afirma Xefe bankada FRETILIN ne’e.

Relasiona ho notísia ne’e, GMN tenta konfirma ho Xefe bankada CNRT, maibé la konsege, tanba okupadu.

Entretantu Ilídio Ximenes simu pose husi Xefe Estadu, Francisco Guterres “Lú Olo”, hodi  asume kargu nu’udár Embaixadór Timor-Leste ba Japaun, iha loron 28, fulan Janeiru, tinan 2020. say

Lee hotu :   OR la pasa tamba la priense rekezitus konstitusionais ''PM konsidera opozisaun la halo rejeisaun ba OR''

Add to Comments Here!!!!

error: Content is protected.
Secured By miniOrange
You might also like:
Diálogu ho PR, Autoridade Munisípiu Ermera preokupa ho folin kafé

Prezidente Repúblika (PR), Francisco Guterres “Lú...

Deskonfia selingkuh, laen ta’a nia fen-kaben

Polísia Nasionál Timor-Leste (PNTL) Eskuadra Cristo-Rei,...

CNRT: Membru Governu balun la kompriende ninia orsamentu

Deputada bankada CNRT, Maria Fernanda Lay,...

Close