JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ilídio Ximenes: Polítikamente reasaun deputadu FRETILIN nian normal

Ilídio Ximenes: Polítikamente reasaun deputadu FRETILIN nian normal

Embaixadór Timor-Leste ba Japaun, Ilídio Ximenes, hateten, reasaun husi deputadu bankada FRETILIN nian kona-bá ninia kna’ar nu’udár Embaixadór Timor-Leste ba Japaun, hodi akuza katak defende fali grupu balun, polítikamente normal.

“Reasaun husi deputadu sira (FRETILIN nian) kona-bá ha’u polítikamente normál. Maibé presiza mós hatúr loloos buat ne’ebé mak loos tenke ko’alia loos, sala dehan sala. Ha’u nu’udár Embaixadór, reprezenta Estadu no Governu atu halo negosiasaun, tambem promosaun kona-bá susesu saída mak ita iha no oinsá ita-nia relasaun diplomátika ne’e bele la’o ba oin. Iha ha’u-nia postingan iha ne’ebá (Facebook) ne’e, primeiru atu ema hatene, liu husi média sosiál ita-nia na’i-ulun, maun Xanana hetan konvite husi Tokyo Parliamentary Peace Forum ne’ebé komemora loron aniversáriu 75 Organizasaun Nasoens Unidas (ONU) nian, i sira konvida maun Xanana atu mai ko’alia, primeiru atu mai iha Outubru, maibé la konsege, tanba COVID. Entaun muda fali atu ba iha zoom, ne’e mós la konsege. Ikus mai foti desizaun husi señor Hasegawa hamutuk ho komisaun organizadora, sira deside halo de’it gravasaun vídeo mak mai. Mensajen ne’e atu hatudu ba mundu i tambem ba parlamentu Japaun”, Ilídio Ximenes ba GMN via Zoom husi Japaun, Sesta (20/11/2020), bainhira husu kona-bá deputadu FRETILIN sira “tur la metin” ho nia postingan informasaun sira iha média sosiál Facebook kona-bá líder nasionál, Kay Rala Xanana Gusmão nia mensajen ba aniversáriu ONU ba 75.

Tuir Embaixadór Timor-Leste ba Japaun ne’e, maske Timor-Leste nasaun ki’ik, maibé hetan ona koñesimentu husi mundu internasionál iha parte konstrui páz, konstrui nasaun no mós kona-bá Fronteira Marítima (FM).

“Rezultadu depois de Konferénsia Tokyo ne’e, ha’u mós hetan telefone husi Embaixada Kosovo no manda kedas nota verbál ida liu husi email, tanba sira husu mós Xanana Gusmão, atu ba ko’alia kona-bá Timor-Leste nia esperiénsia, iha sira nia fatin. Iha karta ne’e mós Embaixada Kosovo husu atu kria zoom konferénsia ida entre MNEK Timor-Leste no MNEK Kosovo nian. Tanba sira mós enfrenta situasaun tranzisionál hanesan ho Timor-Leste nian. Sira hakarak gaña esperiénsia hanesan Timor-Leste. Ha’u mós hetan mensajen husi Koreia du Sul, ne’ebé hatete mai ha’u dehan, bele ka la’e ita halo meiu ida atu konvida mós Xanana Gusmão mai Koreia du Sul”, tenik Ilídio.

Iha Kinta (19/11/2020), bankada FRETILIN husu ba Governu atu halo ezonerasaun imediata ba Embaixadór Timor-Leste ba japaun, Ilídio Ximenes.

Ilídio Ximenes simu pose husi Prezidente Repúblika (PR), hodi asume kargu nu’udár embaixadór Timor-Leste ba Japaun iha loron 28, fulan Janeiru, tinan 2020. GMN

Lee hotu :   AMP promete hakotu problema veteranus no hadia uma lisan

Add to Comments Here!!!!

error: Content is protected.
Secured By miniOrange
You might also like:
PN sei debate OJE 2021 iha fim Novembru

Sekretária meza Parlamentu Nasionál (PN), Lídia...

Tinan 28 kapturasaun komandante em chefe das FALINTIL Xanana Gusmão

Loron 20, fulan Novembru, tinan 2020...

OJE 2021 GPM prevé tokon USD 10.4

Xefe Gabinete Primeiru Ministru (GPM), Azevedo...

Close