JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Faze dahuluk projetu kabu submarinu, Governu sei nomeia Koordenadór PMU

Faze dahuluk projetu kabu submarinu, Governu sei nomeia Koordenadór PMU

Vise Primeiru Ministru no Ministru ba Planu no Ordenamentu, José Maria dos Reis, hateten, Governu sei nomeia uluk Koordenadór ba Unidade Jestaun Projetu ou Project Management Unit (PMU) atu bele akompaña tékniku ba iha operasionalizasaun kabu submarinu ou fibra ótika iha futuru.

“Kabu submarinu fó ona pasu ba oin no ko’alia ona ba iha modelu kontratu nian no ami la kleur tan sei nomeia Koordenadór ida ba iha PMU para atu bele asegura projetu ne’e la’o ba oin, ha’u hanoin atu tama iha prosesu aprovizionamentu para atu bele dudu prosesu ne’e, hodi la’o la-lais”, Vise Primeiru Ministru no Ministru ba Planu no Ordenamentu ne’e hafoin halo enkontru regular ho Primeiru Ministru (PM), Taur Matan Ruak, iha Palásiu Governu, Segunda (11/01/2021).

Governante ne’e mós esplika, dau-daun ne’e seidauk iha desizaun klaru kona-bá prosesu nomeasaun ne’e rasik, tanba tenke liu husi servisu interministeriál hanesan Ministériu Finansa, Ministériu Transporte no Komunikasaun, inklui Ministériu ba Planu no Ordenamentu nian.

Enkuantu hodi halo akizisaun ba ekipamentu informátika kabu submarinu nian, Governu rasik mós prevé oan orsamentu USD tokon 41,588, iha verba fundu infraestutura iha orsamentu fiskál ba tinan 2021.

“Ida ne’e depende sei liu husi prosesu tenderizasaun, prosesu aprovizionamentu sei la’o hela para atu bele halo, tanba ita hatene katak projetu ida ne’e projetu foun, ida ne’e Komisaun Nasionál aprovizionamentu sei halo hela preparasaun ba kestaun ida ne’e”, hakotu nia. ida

Lee hotu :   Xanana: Povu maka sosa asaun 30% husi ConocoPhillips ■Neineik GS sei to’o TL

Add to Comments Here!!!!

error: Content is protected.
Secured By miniOrange
You might also like:
PLP preokupa tempu udan komunidade Covalima sempre afeta inundasaun

Reprezentante povu iha uma fukun Parlamentu...

CNRT: Governu hapara distribuisaun sesta bázika

Reprezentante povu iha uma fukun Parlamentu...

SEFOPE sei responsabiliza lori mate-isin Tomas Pereira mai TL

Governu liu husi Sekretaria Estadu Polítika...

Close