JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MTK sei elabora dekretu lei regula rede internet externais iha TL

MTK sei elabora dekretu lei regula rede internet externais iha TL

Ministru Transporte no Komunikasaun (MTK), José Agostinho da Silva, hateten, iha tempu badak nia parte sei ajenda dekretu lei iha reuniaun Konsellu Ministru (KM) hodi diskute, nune’e bele regula rede telekomunikasaun internet externál iha Timor-Leste.

José Agostinho responde lia hirak ne’e, relasiona  ho kompañia sira ne’ebé hetan koneksaun rede internet ilegál hosi nasaun seluk, fornese ba instituisaun Estadu  balun.

“Dezde Oitavu Governu Konstituisionál eziste, kompañia fornesedór liña internet ba instituisaun Estadu sira eziste tinan barak ona. Kompañia sira mós seidauk hetan lisensa husi Autoridade Nasionál Komunikasoins (ANC-sigla Português)”, MTK ne’e ba jornalista sira hafoin akompaña debate iha Parlamentu Nasionál (PN), Tersa (12/01/2021).

Governante ne’e dehan, kuandu kompañia sira mai Timor-Leste (TL) tenke iha lisensa ruma husi liur hanesan organizasaun Asia Pacific, sé sira iha lisénsa, bainhira sira tama  tenkie iha lisensa husi SERVE TL.

Nia dehan tan, liga ba Internet Service Provider (ISP), entaun nia tenke iha lisensiamentu sektorál iha kontestu ida ne’e ANC mak sei atribui ba sira, maibé to’o ohin loron sira-nia lisénsa seidauk iha.

“Agora razaun saída ita seidauk iha instrumentu legais ruma regula. Situasaun hanesan ne’e saída mak ministériu sei halo, aktu mak ne’e aselera prosesu elaborasaun dekretu lei regulamentasaun rede telekomunikasaun externál, ha’u espera iha tempu badak sei iha ajendamentu KM, para nune’e bele hetan apresiasaun no aprovasaun, kuandu to’o ona faze sira ne’e, ikus mai ita hakat ba fase publikasaun, kuandu públika ona iha Jornal da República, entaun tama ona ba faze vigór, entaun  foin ita regula kompañia sira, oinsá mak formaliza sira ninia operasaun iha ita-nia rai-laran, oferese internet nu’udar ISP”, esplika José Agostinho.

Antes ne’e, Polísia Servisu Investigasaun Kriminál (PSIK) ezekuta mandadu Tribunál Distrital Díli (TDD), hodi hala’o buska no aprensaun, inklui detensaun  ba na’in kompañia fornesedór liña internet ba instituisaun Estadu.

Autoridade sira halo atuasaun ne’e, tanba konsidera kompañia sira halo koneksaun internet ho ilegál husi nasaun seluk, hafoin fornese ba instituisaun Estadu. avi

Lee hotu :   CNRT la aseita Arsenio prevé tan osan lori fila Ró Haksolok

Add to Comments Here!!!!

error: Content is protected.
Secured By miniOrange
You might also like:
FRETILIN konsidera kritika CNRT iha balun loos

Vise Xefe bankada FRETILIN, Antoninho Bianco,...

José Reis esplika Governu la politiza kazu COVID-19 iha Timor-Leste

Vise Primeiru Ministru (PM), José Reis,...

Governu garante konstrusaun Portu Tibar sei finaliza iha 2022

Vise Primeiru Ministru no Ministru ba...

Close