JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Munisípiu rua ho RAEOA mai Díli, obrigatóriu tama kuarentena

Munisípiu rua ho RAEOA mai Díli, obrigatóriu tama kuarentena

Prezidente Komisaun B iha Parlamentu Nasionál (PN), José Agostinho Sequeira ‘Somotxo’, deklara, komunidade husi munisípiu rua hanesan Covalima, Bobonaro ho Rejiaun Administrativa Espesiál Oe-Cusse Ambeno (RAEOA) mai Díli, obrigatóriu submete ba kuarentena.

Objetivu refere atu sidadaun hirak ne’e bainhira tama-sai ba munisípiu seluk, liu-liu mai Díli, labele transmite moras no lori risku ba komunidade seluk.

Prezidente Komisaun Negósiu Estranjeiru, Defeza no Seguransa ne’e, apela mós ba komunidade hosi munisípiu rua iha fronteira hanesan Covalima, Bobonaro no RAEOA, presiza iha konsiensia atu labele tama-sai munisípiu seluk, hodi kontribui prevene transmisaun COVID-19.

“Agora medida sira Governu hasai ne’e mak la’o, sé hanesan ne’e tenke tama kuarentena duni, tanba medida mak ida ne’e, atu hatene atu o la lori moras ne’e ba ema iha Díli, konserteza nia tenke tama iha kuarentena, ne’e obrigatóriu”, Prezidente Komisaun A PN ne’e ba jornalista iha PN, Kinta (18/02/2021).

Deputadu bankada FRETILIN ne’e, alerta ba komunidade iha munisípiu rua ho RAEOA, atu kumpre medida prevenensaun ne’ebé Governu deside, hodi mantein lockdown.

“Prevensaun ne’e la’ós responsbailidade Polísia ho F-FDTL nian de’it, maibé responsabilidade komunidade nian mós, tanba ne’e mak komunidade sira iha fronteira, tenke sente iha responsabilidade, tenke sente mós iha devér obrigasaun atu kumpre, hanesan trava moras ne’e labele da’et. Tanba dalaruma tan de’it supermi kaixa ida mak ba mai, lori moras mai ba famiília ne’e, ita nia morál laiha ne’e, ba ita-nia família primeiru, depois ba komunidade no nasaun tomak”, dehan eis Ministru Defeza ne’e.

Alénde ne’e, deputadu CNRT, Patrocínio Fernandes, reforsa katak, komunidade hosi fronteira presiza duni submete ba kuarentena, bainhira mai Díli, nune’e labele lori risku ba populasaun tomak.

“Ha’u hanoin kuandu bainhira akontese ona transmisaun lokál iha munisípiu sira ne’e, pesoál ha’u nia hanoin, komunidade sira iha fatin refere, hanesan Covalima, Bobonaro ka RAEOA, tenke halo kuarentena, oinsa bele garante katak sira livre duni hosi buat ida ne’e, nune’e bele prevene da’et ba ema seluk”, subliña Vise Xefe bankada CNRT ne’e.

Liu hosi reuniaun Konsellu Ministru (KM) semana ne’e, Governu deside bandu ema tama-sai iha munisípiu rua hanesan Covalima ho Bobonaro, inklui RAOEA, hahú hosi Tersa, loron 16, fulan Fevereiru to’o loron  3, fulan Marsu, tinan ne’e. Tanba deskonfia iha transmisaun lokál COVID-19, liu hosi ema tama-sai ilegál. say

Lee hotu :   PN-VPM diskute projetu laiha kontratu

Add to Comments Here!!!!

error: Content is protected.
Secured By miniOrange
You might also like:
Sosiedade Sivíl husu Governu identifika problema sesta bázika

Ekipa Sosiedade Sivíl halo diskusaun ho...

COVID-19: Kazu foun ida, 18 rekuperadu

Koordenadór Pilár VII COVID-19, Nilton do...

Komunidade Golgota haruka fila pakote sesta bázika

Komunidade aldeia Golgota, suku Comoro haruka...

Close