JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Timor-oan iha rai-liur nia vistu mate, PN husu Governu rezolve

Timor-oan iha rai-liur nia vistu mate, PN husu Governu rezolve

Deputadu PLP, Abel Pires, husu Governu Timor-Leste atu tau atensaun sériu ba estudante Timor-oan iha estranjeiru, tanba balun nia vistu mate, difikulta atu renova, tanba iha ámbitu COVID-19.

“Ha’u preokupa teb-tebes estudante sira iha rai-liur, ezemplu iha Indonézia, sira ne’ebé mak nia visa ka vistu mate, maibé labele halo naruk tanba passaporte atu mate ona loron ida ne’e, kuandu sira over stay multa ne’e juta ida rupiah, ne’e karun teb-tebes. Agora se sira fila mai Timor atu trata, halo sira-nia passaporte foun, viajen ne’e risku teb-tebes, karun tan, depois to’o iha Atambua ne’e susar, tanba ita-nia oráriu atu loke fronteira ne’e la serteza. Iha situasaun ne’ebé difisíl hanesan ne’e, Governu tenke hamosu solusaun ne’ebé mak estraórdináriu, liu hosi servisu hamutuk ho embaixada no adidu edukasaun sira atu halo lista ba estudante sira, sira bele hatama aplikasaun ne’e hosi e-mail de’it mai iha ne’e. Ho pedidu ne’e, Ministériu Justisa bele hasai passaporte foun, tanba kondisaun ne’e estraordináriu, bele halo tinan ida ou rua de’it, la’ós ona hanesan prosesu normal, situasaun difísil ne’e presiza solusaun ne’ebé kriativu.”tenik deputadu PLP ne’e, iha plenária, Segunda (22/02/2021).

 Alénde ne’e, xefe bankada PD, deputadu António da Conceção Kalohan, mós reforsa katak, estudante hirak ne’e hasoru difikuldade oi-oin, liu-liu kona-bá passaporte ho vistu ne’e rasik.

“Situasaun ida ne’e afeita estudante maioria ne’ebé mak iha hela rai-liur, tanba situasaun ida ne’e liu ona tinan ida, la’ós tanba sira nia kulpa mak passaporte ho vistu ne’e mate. Tanba ne’e Governu tenke hola medidas ida, Ministériu Edukasaun ho Ministériu Justisa no  MNEK tenke buka medidas alternativa ida, tanba agora dadaun ne’e lockdown, ita mós prevene atu labele iha entradas, oinsa mak ita tenke fó solusaun ba estudante sira ne’e hotu. ”afirma eis Ministru Edukasaun ne’e.

Lee hotu :   RAEOA presiza lei ne'ebé klaru no konsistente

Dadaun ne’e, Estudante Timor-oan ne’ebé estuda iha estranjeiru, kompostu hosi bolseiru no non-bolseiru hamutuk kuaze 5000 liu.Say

 

Add to Comments Here!!!!

error: Content is protected.
Secured By miniOrange
You might also like:
Traballadór ida mate tanba monu husi andar-leten

Traballadór  Timor-oan ida  naran Raimundo monu...

Akuza Alkatiri halo korrupsaun, PN seidauk foti imunidade ba Deputadu 21 husi CNRT

Parlamentu Nasionál (PN) seidauk desidi plenária...

Xanana partisipa julgamentu ba eis padre Dasbach iha TDO

Tribunál Distritál Oecusse (TDO), Segunda (22/02),...

Close