PTR: Sei haree tempu oportunu fó sai pedidu CNRT ba legalidade OJE 2021

Prezidente Tribunal Rekursu (PTR), Deolindo dos Santos, hatete, Tribunal sei haree tempu oportunu hodi deside pedidu fiskalizasaun abstrata ba legalidade OJE tinan 2021 hosi bankada CNRT.
Asuntu ne’e deklara hosi Prezidente Tribunal Rekursu (PTR), Deolindo dos Santos, hafoin audiénsia ho komisaun A iha Parlamentu Nasionál, Kinta (4/3/2021) iha Parlamentu Nasionál.
Deolindo afirma, maske seidauk deside tempu loloos, maibe promete atu la ultrapasa tempu tuir lei haruka.
“Tribunal Rekursu sei deside iha tempu ne’ebé oportunu, ita bo’ot sira hein baihira mak desizaun ne’e sai. Mas Tribunal sei la ultrapasa prazu legál ne’ebé lei rasik estabelese, desizaun sei fó sai iha tempu badak”,dehan.
Antes ne’e, Vise Xefe Bankada CNRT, Patrocínio Fernandes, argumenta, pedidu fiskalizasaun abstrata ne’e, bankada CNRT submete ba Tribunal atu haree legalidade hosi Orsamentu Jerál Estadu ba tinan 2021 ne’e, tanba konsidera Orsamentu Jerál Estadu tinan 2021 ne’e iha violasaun ba regra konstitusionál no lei orsamentu jestaun finanseira.
Notifikasaun ba pedidu ne’e Prezidente Parlamentu Nasionál, Aniceto Guterres responde ona iha loron 12, fulan Fevereiru, tinan ne’e.say
Add to Comments Here!!!!