Veteranu no GAM Liquiça sei apoia Xanana ba PR

Veteranus Grupo Artemarsiais no Arteritual Munisípiu Liquiça deklara sei fó apoia ba Kay Rala Xanana Gusmão ba Prezidente Repúblika Periodu 2022 to’o 2027 hodi halo mudansa ba situasaun politíka, social no ekónomia iha nasaun ne’e.

Koordenador partidu FRETILIN, munisípiu Likisa Calistro da Silva Oliveira,  banhira halo abertura ba seremónia konsolidasaun ba Klibur Tane Aas Obra Maun Boot Kay Rala Xanana Gusmão iha Munisípiu Liquiça, Domingu (28/02).

 “Situasaun Timor-Leste agora la’o ladun di’ak, tanba povu barak mak sofre hela ba situasaun polítika social no ekonomika ho razaun ne’e mak ami estrutura no ve­teranus munisípiu Liquiça deside atu apoia Lider Karismátiku Kay Rala Xanana Gusmão ba Prezidente Repúblika iha period tuir mai  liu husi Klibur tane Aas Obra Maun Boot Kayrala Xanana Gusmão nune’e bele hadia situasaun rai laran dadaun ne’e estrutura iha Munisipiu Liquiça sei la naksobu, tanba ami nia prinsipiu ida deit lori maun Xanana ba Presidente Republika ba periodu 2022 to’o 2027”, hateten Calistro da Silva Oliveira, ”KADALAK”ba GMN iha Likisa.

Koordenador  Klibur Tane Aas Obra Maun Boot Kayrala Xanana Gusmão munisípiu Liquiça Calistro da Silva Oliveira mos imforma situasaun agora ne’e presisa Xanana nia intervensaun.

“Ita hotu akompaña situasaun iha ita nia rai ne’e hahu husi tinan 2017 to’o agora ladun diak hodi fó impaktu ba povu no nasaun nia vida moris, tanba ne’e so úniku maun Xanana mak bele halo mudansa  situasaun iha rai laran ne’e seluk seidauk bele,” katak Calistro Oliveira.

Iha fatin hanesan reprezentante Abilio Misquita Mausoko “DALAS” mós deklara sira sei apoia hotu Líder Karismátiku Kay Rala Xanana Gusmão ba Presidente  Republika.

 “Razaun apoiu Maun Boot Xanana ne’e oinsa mak maun Xanana bele hadia situasaun ne’e hodi rekopera fali, tanba situasaun rai laran dadaun ne’e krizi hela,” hatete Jeca do Santos.

Klibur Tane Aas Obra Maun Boot Kay Rala Xanana Gusmão ne’e hari’i iha tinan 2017 hanesan mahon ida ba sidadaun hotu ne’ebe mak hakarak apoia lider karismátiku Kay Rala Xanana Gusão ba eleisaun Prezidente Repúblika periodu 2022 to’o periodu 2027 no organizasaun ne’e rasik hamrik hanesan independente.aba