JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Bankada CNRT:Vasina AstraZeneca la seguru ba saúde

Bankada CNRT:Vasina AstraZeneca la seguru ba saúde

Deputadu bankada parlamentar no funsionáriu tomak iha Parlamentu Nasionál (PN) simu ona vasina AstraZeneca ne’ebé Governu sosa, maibe deputadu sira hosi bankada CNRT la simu vasina refere, tanba la seguru ba saúde, liu-liu ba joven no feto sira. Tanba ne’e, bankada CNRT rekomenda ba Governu atu sosa fali vasina ne’ebé kualidade di’ak maske folin karun hanesan Pfizer’s.

Maske nune’e, desizaun depende ba deputadu ida-idak nian, bankada CNRT la obriga ka bandu.

“Bankada CNRT buka benefísiu no risku hosi vasina AstraZeneca ne’e, no ikus mai detekta katak, iha nasaun barak mak suspende tiha vasina AstraZeneca refere. Ho razaun prinsipal mak, reguladór Europeia no Inglterra konfirma katak, iha posibilidade ligasaun entre vasina AstraZeneca ho hamosu ran kafuak iha isin loloon. To’o iha loron fulan Abril ne’e, ajénsia Europeia ba medikamentu simu ona relatóriu kona-bá kazu koagula ka ran kafuak iha isin ou pembekuan darah hamutuk 169 kazu, no kazu ne’e maioria akontese ba feto ho idade menus hosi tinan 60. Nasaun Europeia barak mak suspende vasina AstraZeneca ka limita aplikasaun vasina AstraZeneca, ba de’it ema ne’ebé nia idade liu ona 55 ka 60. Iha Iglatera rasik, Governu rekomenda atu labele uza vasina AstraZeneca ba nia sidadaun sira ho otas ka tinan 30 mai kraik. Nasaun viziñu Austrália rasik, iha loron 8 fulan Abril ne’e rekomenda ba sidadaun sira ne’ebé iha tinan 50 mai kraik atu uza de’it vasina Pfizer, la’os uza vasina AstraZeneca”,afirma deputada CNRT, Virgínia Ana Belo liuhosi konferénsia ba imprensa, Segunda (19/04/2021), iha Parlamentu Nasionál.

“Nasaun sira hanesan Austrália, Inglaterra, Cânada, Estonia, Fransa, Finlandia, Georgia, Alemaña, Irlanda, Italia, Olanda, Corea do Sul no España suspende uza vasina AstraZeneca ba nia sidadaun sira ne’ebé ho nia otas 50 mai kraik. Nansaun sira ne’ebé hapara total atu uza vasina AstraZeneca mak hanesan Kameroon, Dinamarka no Noruwegia. Ho faktu sira ne’e hotu, hatudu katak, vasina AstraZeneca la’os 100% seguru atu aplika inklui ba TL ne’ebé nia sidadaun maioria joven. Tanba tuir dadus hosi sensus 2015 hosi total populasaun 1 milloens e tal, sidadaun ne’ebé ho idade de’it 96 mil liu, karik oras ne’e ita bele dehan 120 mil resin”,tenik Virgínia.

Lee hotu :   FRETILIN apresia Xanana rezigna-an husi kargu REGNFM

Nune’e Bankada CNRT preokupa liutan, bainhira Organizasaun Saúde Mundiál (OMS), deklara, atu nasaun ida bele hetan imunidade hasoru COVID-19, maka kada nasaun tenke aplika vasina 70% hosi nia sidadaun tomak.

“Problema ne’ebé bankada CNRT haree katak, bazeia ba sensus 2015, hatudu katak populasaun ho idade liu 60 ne’ebé elizível atu simu vasina mak iha de’it 8% hosi total populasaun. Se nune’e vasina AstraZeneca mak solusaun ba TL atu livre hosi COVID-19? bankada CNRT lamenta ho desizaun ne’ebé Governu ida ne’e foti ona hodi aplika vasina AstraZeneca ba Timor-oan sira, Governu la halo estudu ruma no ansi liu foti desizaun, ikus mai Timor-oan balun ne’ebé nia idade seidauk to’o 50 mós simu hotu vasina ida ne’e. Governu ne’e halo Timor-oan hanesan kelinci percobaan, ka teste ba vasina AstraZeneca, enkuantu nasaun Austrália ne’ebé fó doasaun vasina ne’e rasik la aplika ona vasina AstraZeneca ba nia sidadaun sira ne’ebé nia otas menus hosi 50”.dehan.

Bazeia ba estudu sientífiku hosi nasaun avansadu sira iha Europeia kona-bá vasina AstraZeneca, tanba ne’e mak bankada CNRT rekomenda ba Governu, atu hili fali vasina seluk ne’ebé adekuadu no aplikavel ba populasaun tomak iha TL ho otas joven.

Bankada CNRT mós kondena desizaun Governu ne’ebé aplika vasina AstraZeneca ba populasaun hotu-hotu ne’ebé idade menus hosi 60, maske iha ona estudu ne’ebé hatudu katak vasina ne’e fó perigu ba ema ho kategoria menus hosi 60.

Alende ne’e, bankada CNRT afirma, iha loron 17 Abríl 2021, mídia Channel News Asia (CNA) relata katak ajente saúde na’in 40 iha Malázia teste pozitivu ba COVID-19 maske sira simu tiha ona vasina AstraZeneca. Ajente saúde na’in 9 hetan pozitivu Covid-19 liu semana rua hafoin simu tiha vasina, enkuantu na’in 31 seluk hetan pozitivu menus husi semana rua hafoin simu vasina. Faktu ida ne’e hatudu katak vasina mós la’ós garantia ida katak ema ne’ebé simu ona vasina sei livre husi virus Covid-19. Mezmu nune’e Governu ezije ema hotu atu simu vasina AstraZeneca, enkuantu Governu rasik laiha kapasidade atu halo estudu ruma antes foti desizaun kona-ba ema nia vida ka ema nia moris.

Lee hotu :   MAKLN: Governu nia polítika redus buka restu mortal sira

Nune’e Bankada CNRT rekomenda ba Governu atu hasai osan hodi sosa vasina Pfizer’s ne’ebé bele aplika ba sidadaun ho kategoria idade hotu-hotu. Vasina Pfizer’s nia folin maka $20 enkuantu AstraZeneca nia folin maka $4 de’it, maibé la seguru ba sidadaun Timor ne’ebé maioria joven. Bankada CNRT husu ba Governu de Faktu atu aloka osan hodi sosa vasina Pfizer’s ba porsentu 70 husi total sidadaun Timor-Leste, atu nune’e Timor-Leste mós bele livre husi COVID-19.

Bankada CNRT hatete, laiha razaun ba Governu atu dehan laiha osan tanba povu Timor-Leste tomak hatene katak Parlamentu Nasionál aprova ona osan Biliaun USD 1.895 ba Orsamentu Jerál Estadu 2021.

Antes oferese vasina ba deputadu no funsionáriu sira, responsavel vasina sentru Parlamentu, Dulce Pinto Tilman, esplika, maske sei hetan reasaun hafoin simu vasina primeira doze, maibe sei la implika liu ba saúde tomak.

“Depois de vasina, iha loron ida ka rua sei mosu reasaun isin manas, ulun moras oituan, kolen oituan no atu bedoko, ne’e reasaun ida ne’ebé mak normalmente, vasina ba labarik sira mós sempre hanesan ne’e. Ne’e hatudu ita-nia imunidade ida natural ne’e, simu ona imunidade ne’ebé halo, sira nain rua kontra malu oinsa para adapta bele simu malu iha ita nia selula, tanba ne’e mak mosu reasaun, depois reasaun ne’e ita bele hemu parasetamol, hemu bee barak no han aifuan barak, reasaun sira ne’e sei lakon rasik. Maibe reasaun ne’e mós la’os ema hotu-hotu atu hetan, depende ema ida-idak nian imunidade, maibe sona fatin de’it mak sente moras.”esplika diretora sentru saúde formoza II ne’e.

Lee hotu :   CNRT: Governu lockdown munisípiu rua la suspende prosesu aprendizajen

Maske hosi vasina primeira doze ne’ebé ema 8000 resin mak simu ona vasina refere, maibe hosi parte saúde nafatin apela ba públiku, atu kontinua uza máskara no fase liman.Say

Add to Comments Here!!!!

error: Content is protected.
Secured By miniOrange
You might also like:
Xanana-Lere observa prosesu supa sai bee iha Lagoa Tasi-Tolu

Xefe Estadu Maior Jenerál F-FDTL Tenente...

Sosiedade Sivíl kondena membru PNTL no F-FDTL halo agresaun fizika ba kuarentenáriu sira

Sosiedade Sivíl (SS) kondena membru Polísia...

SEPS koopera ho família vítima inundasaun buka tuir mate-isin

Sekretaria Estadu Protesaun Sívil (SEPS), kontinua...

Close