JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT: Xanana defende lian laek nia halerik la’ós tanba lakon podér

CNRT: Xanana defende lian laek nia halerik la’ós tanba lakon podér

Xefe bankada CNRT, Duarte Nunes, afirma, asaun solidariedade ne’ebé líder nasionál, Kay Rala Xanana Gusmão halo hodi defende mate-isin Armindo Borges ba família, nune’e bele halo’ot ho dignu, la’ós tanba lakon podér hanesan líder balu koalia.   

Duarte Nunes, hatete, Kay Rala Xanana Gusmã, observa katak, Governu haloot mate-isin Francisca Gama iha Metinaro la ho dignu, no Governu tenke halo servisu ho honestu atu povu bele fiar.

Tanba ne’e, deputadu CNRT ne’e rejeita ho deklarasaun Prezidente Parlamentu Nasionál, ne’ebé krítika asaun Xanana katak, atitude Xanana la hanesan líder no tanba lakon podér.

“Se ita haree ba razaun maun Xanana nia asaun ka hamri’ik ba, ne’e tanba durante tempu ne’ebé nia envolve-an, ba iha komunidade, la’os agora maibe antes ne’e nia la’o ona, ate infraestrutura kuarentena ne’eba no izolamentu sira ne’e. Se ita jujur, ita rekoñese ema ne’e halo ona buat ruma, mas saida mak lori nia ba halo intervensaun ne’e, ita tenke halo reflesaun ba situasaun ne’e, ita ukun ne’e mak saida? ita ukun ema ka animal, ida ne’e mak problema bo’ot ne’ebé mak ita hasoru ne’e. Ita kuandu ukun, ita hola desizaun polítika ida, ita tenke tenta konvense esplika ba povu ne’e, para nia hodi simu, nia tenke simu ka, tanba ita halo desizaun ruma ba sira nia di’ak, sira (povu) tenke intende saida mak ita deside iha ne’e, ba sira nia di’ak, sira tenke kumpriende. Entaun saida mak durante ne’e ami haree, informasaun ne’ebé hasai hosi SIJK ka ne’e, desizaun uza forsa de’it, uza forsa de’it halo ema la simu, situasaun ne’e mak halo ema tenke halai ba ema ruma ne’ebé ke bele defende sira, fó apoiu ba sira para sira bele hetan esplikasaun ruma, para sira kompriende, ida ne’e akontese ba ita-nia maluk ida mate ne’e”.dehan Duarte Nunes.

Lee hotu :   Failansu tekniku subsídiu USD 100,00 seidauk bele realiza

“Ida uluk ne’e ema ladun ko’alia, mais iha família nia laran, belum tentu sira satisfeitu ho buat ne’ebé sira (SIJK) halo, sira lori tiha ema (Mate isin covid) ne’e ba iha ne’ebá, maibe iha ema nia rain ne’e, ema hakoi didi’ak, maibe ita nia ho mákina mak foti tau ba iha ne’ebá ne’e ema la simu ne’e. Agora ho ida ne’e tan, ne’ebé laiha esplikasaun didi’ak, halo ema tenke halo reasaun ruma, i sira populasaun baibain ne’e atu ba se? sira tenke halai ba maun Xanana, tanba sira fi’ar katak nia sei bele ko’alia, se nia la ko’alia, se mak atu ko’alia. Se ita ukun  ba defende povu ka ukun para hanehan povu, ida ne’e mak sai problema ne’e. Maun Xanana ba atu responde ema nia halerik ne’e, liuhosi asaun ida ne’e, tanba populasaun la satisfeitu ho hahalok sira hanesan ne’e. Ita la fó sala ba Doutór sira, mas komunikasaun ba kraik ne’e mak laiha, la informa didi’ak, entaun ita atu halo nusa, ita obriga de’it ema hanesan ne’e? ida mak ita ukun povu?”kestiona Xefe bankada CNRT ne’e ba jornalista iha sala bankada, Tersa (13/04/2021).

Nune’e mós vise xefe bankada CNRT, Patrocínio Fernandes, reforsa katak, Xanana la lakon podér, maske la ukun, maibe Xanana nafatin metin liutan iha povu nia fuan, tanba asaun ne’ebé Xanana halo, hodi defende lian laek sira.

“Nasaun ida ne’e, nasaun demokrátiku, povu mak harii, la’ós grupu ida agora ukun ne’e mak harii, depois povu ba adere, para atu sai sidadaun. Tanba ne’e, Estadu ne’e trata povu ne’e la ho dignu, nasaun nia dignidade laiha, talvez sr.PPN nia hanoin ne’e katak, atu hatudu lideransa ne’e mak hanesan akontese iha fulan Maiu tinan kotuk ne’e karik,  halo jogu TK nian iha PN, hodi hadau podér no sama tiha KRDTL. Maibe atitude maun Xanana nian, nia luta tinan barak nia laran atu defende povu nia dignidade, mak ohin loron nia lakohi haree grupu ida atu ukun, mas labele sama povu ne’e nia dignidade ba rai, ida ne’e mak maun Xanana hatudu, hodi nafatin sai defensor ba povu,  tanba nia hatene katak nasaun ne’e povu mak harii no nia rasik mak autór prinsipal dezeña Estadu RDTL, para ohin loron sira bele goja. Ami respeita teb-tebes tékniku sira nia servisu, polítikamente ami apoia 100% ba maun Xanana nia asaun hodi defende povu kbi’it la’ek nian”,dehan Patrocínio.

Lee hotu :   Timor-oan ida mate iha UK tanba COVID-19, Dionísio: Presiza dokumentu komprovativu

“Maun Xanana sai tiha ona autór prinsipal para harii nasaun, nia la senti lakon podér sira ne’ebé maka hala’o asaltu poder, kontra tiha KRDTL, hanesan líder balun hateten dehan katak di’akliu korta dalan de’it, para depois bele hetan podér, ne’e mak dalaruma sente lakon podér, iha situasaun sira hanesna ne’e, maun Xanana la lakon ninia autoridade, povu hotu hamri’ik iha nia sorin, mezmu lori forsa no buat hotu ba iha ne’ebá, atu hatudu katak maun Xanana nia autoridade hanesan líder ba nasaun ne’e metin hela iha povu nia fuan, ne’e duni laiha buat ida ba podér. A não ser sira seluk ne’e mak sente katak tauk lakon, tanba poder ne’e mai hosi povu, ne’ebé sira movimentu ida ne’e, sira sente preokupadu, keta poder ida sira hadau ne’e atu lakon fali ona karik, liafuan lakon poder ne’e fila fali ba sira.”subliña deputadu CNRT ne’e.

Iha Segunda (12/4/2021), hafoin asesa video kona-bá líder karismátiku, Kay Rala Xanana Gusmão ne’ebé hein iha izolamentu vera kruz, hosi dader tuku 8 to’o fali Tersa lorokraik ne’e, hodi hein atu foti mate isin Armindo Gama ne’ebé detekta pozitivu COVID-19, Prezidente Parlamentu Nasionál, Aniceto Guterres hateten, Xanana la kontirbui ba desizaun Governu.Say

Add to Comments Here!!!!

error: Content is protected.
Secured By miniOrange
You might also like:
Lere hasoru Xanana ho matan-been, Xanana: Tiru mate tiha ha’u mak foti mate-isin

Xefe Estadu Maiór Jenerál FALINTIL Forsa...

MS mantein desizaun atu haloot mate-isin AB tuir protokolu OMS

Ministra Saúde, Odete Freitas Belo, deklara,...

Sérgio Lobo: Mate-isin COVID-19 bele hakoi iha kualker fatin

Eis Ministru Saúde, Doutor Sergio Lobo,...

Close