Lere: Ita labele kritika malu tun-sa’e

Xefe Estadu Maiór  Jenerál  F-FDTL Tenente Jenerál Lere Anan Timur, husu ba komunidade sira atu labele kritika malu tun-sa’e iha situasaun kalamidade públika ida ne’e.

“Ami katuas sira ne’e hanesan katuas Xanana, katuas Lú Olo ka maun Marí Alkatiri, sira buka oin ne’e atu ba ne’ebé  sira halo funu ona, agora hadomi o nia povu, funu ba o nia povu, funu ba o nia nasaun, agora funu oinsá ita nia povu labele mate hamlaha, labele mate ba moras, la’os buka oin, la’os polítik balun koalia arbiru de’it ne’e,  ita nia governu mós hanesan ne’e. Ha’u husu ema ida labele kritika Governu ba situasaun ida ne’e, ne’e la’os Governu obriga, kritika ajuda, Governu halo oinsá atu rezolve problema ida ne’e. Ita labele kritika  malu tuun sae, Governu inkonstituisionál, Governu inkapasitadu. Ne’e mak ita buka ajuda malu”,esplika Xefe Estadu Maiór  Jenerál  F-FDTL Tenente Jenerál Lere Anan Timur, ba jornalista sira Kuarta (07/04/2021), hafoin fó ajudu sasán nesesidade bázika ba vítima inundasaun iha Ministériu Finansa, Aitarak-Laran.

Lere husu ba komunidade atu nafatin fó esperansa ba Governu ida ne’e hodi rezolve  inundasaun  ne’ebé mak akontese iha teritóriu Timor-Leste.avi