JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT konsidera PR Lú Olo inkonsisténsia estende mandatu PTR

CNRT konsidera PR Lú Olo inkonsisténsia estende mandatu PTR

Deputada CNRT, Carmelita Caetano Moniz, konsidera, Prezidente Repúblika (PR), Francisco Guterres Lú Olo la konsisténsia ho nia polítika, iha prosesu nomeasaun péritu sira ba kargu estAdu nian, liu-liu estende mandatu Prezidente Tribunal Rekursu (PTR), Deolindo dos Santos.

Tanba tuir deputada opozisaun ne’e,  atual Prezidente Tribunal rekursu, Deolindo dos Santos ne’ebé assume tan mandatu ba dala rua ne’e, iha mós prosesu judisiál ne’ebé hanesan ho eis prezidente CNE, Faustino Cardoso.

“PR hahú hosi 2017, kuandu halo nomeasaun ba membru governu sira hosi sétimu governu, Sr. PR la halo screening , ema sira ne’ebé iha hela prosesu instituisaun judisiáriu sira mós fó tomada de posse hotu. Kuandu tama iha oitavu governu, primeiru VIII Governu iha 2018, PR muda polítika hodi halo screening, ida ne’ebé mak rezulta, membru nain 7 hosi CNRT  ho membru nain 2 hosi P.Khunto la hetan tomada de posse, durante VIII Governu ne’ebé sei hamutuk ho CNRT. To’o ikus haree situasaun sira ne’e naruk, no fó impaktu tebes ba dezenvolvimentu nasioná, Partidu CNRT deklara ses-an hosi aliansa maioria parlamentár ne’ebé mai hosi aliansa mudansa ba progresu. Maibe mai fali iha 2021, VIII Governu ne’ebé hetan apoiu hosi P.Fretilin, halo nomeasaun ba membru governu, i iha ida, Dr.Faustino Cardojo ne’ebé hetan konfiansa lahatene hosi partidu ne’ebé, hetan konfiansa atu túr nu’udar Ministru Statal, i iha momentu ne’ebá PR (Lú Olo) halo screening mós, ba Sr.Faustino, husu ba Tribunal, Tribunal hasai nia sertifikasaun ida, katak Dr.Faustino laiha prosesu ruma iha Tribunal, i Sr.PGR sesante ne’ebé haksoit sai tiha hosi buat ida prinsípiu  da konfidensialidade segredu justisa nia ba PR, to’o ikus rezulta dr.Faustino la hetan tomada de posse nu’udar ministru estatal, mesmu ke sai tiha ona iha públiku”,dehan Carmelita Moniz.

Lee hotu :   MNEK koordena CNE STAE loke sentru votasaun iha estranjeiru

“Mai fali 2021 ha’u hakfodak oituan, kuandu PR estende ka nomeia nafatin Deolindo dos Santos, nu’udar PTR, ha’u la kestiona kompeténsia eskluviza PR nian ba nomeasaun ne’e, ha’u kestiona mak inkonsisténsia polítika ba desizaun polítika hirak ne’e, tanba Dr.Deolindo uluk hetan nomeasaun ne’e hosi ei PR Taur Matan Ruak, maibe mai fali PR Lú Olo hili fali Dr. Deolindo ne’ebé ke nia prosesu hanesan mós ho Dr.Faustino, iha hotu prosesu investigasaun kriminal nian laran, ba kazu CNE. Sr. PR (Lú Olo) halo screening ba ema babain de’it, ba instituisaun da justisa sira, ne’e Sr. PR parese kaer metin ba buat ida prezolusaun de inosensia ne’e!, maibe bae ma seluk la ka’er prinsípiu ida ne’e, ida ne’e mak hau kestiona. Ha’u kestiona tebes tratamentu ne’ebé la hanesan ba nomeasuan polítika hotu, hosi PR rasik.”kestiona deputada komisaun A ne’e.

Alénde ne’e, vise xefe bankada Fretilin, Antonino Bianco, hateten, bainhira desizaun xefe estadu ne’e hanesan inkonsisténsia, deputadu bankada governu ne’e, dezafia CNRT atu halo keixa hasoru desizaun refere.

“Ha’u-nia kolega ida ne’e sempre temi mak PR ho Fretilin, ha’u akompaña bebeik ona, kestiona PR, no kesar bebeik, maibe nunka manan, ne’e ema barak akompaña. Ita bo’ot sira (CNRT) se sente inkonsisténsia karik, kesar ba, kesar tan dala ida tan, ne’e mak ita dehan labele ko’alia de’it iha ne’e, kesar tan bá, se uluk nian ne’e seidauk puas, bele kesar tan ba. Faustino hateten saida ba ita bo’ot (deputada Carmelita) mak ita bo’ot mai hateten hanesan ne’e, ema hatene, maibe labele uza Fretilin nia ema atu halo polítika fali iha ne’e. Temi Fretilin ba asuntu seluk, sekuandu ladun gosta karik kesar Fretilin iha fatin ne’ebé de’it, ne’e mak polítika, maibe dala barak ba Tribunal la liu mós ita kestiona Tribunal. PR halo nia kompeténsia mós ita kestiona, hakarak sai PR tenke kandidata an. PR nunka dehan imi labele kesar, maibe kesar de’it ba Tribunal, ba se se de’it, maibe se la liu ne’e laliu ona, labele kestiona, Fretilin nunka bo’ok ita bo’ot sira. Fretilin tenke asegura Estadu ida ne’e, Estadu tenke ba oin, uluk Fretilin hatudu, agora Fretilin hatudu, ladi’ak ne’e iha ne’ebé? di’akliu ita hanoin pozitivu, doque negativu”,responde deputadu Fretilin ne’e.

Lee hotu :   G7+ hetan akreditasaun sai observadór internasionál

Iha Mandatu dahuluk, Deolindo dos Santos nomeia hosi eis Prezidente Repúblika, Taur Matan Ruak, iha tinan 2017 to’o tinan 2021, iha fulan Abril ne’e, atúal Prezidente Repúblika, Francisco Guterres Lú Olo estende hikas mandatu refere ba tinan lima tan.Say

 

Add to Comments Here!!!!

error: Content is protected.
Secured By miniOrange
You might also like:
Xanana oferese bee-moos ba komunidade Tasi-Tolu

Líder karismátiku Kay Rala Xanana Gusmão,...

Membru PNTL tiru kanek joven na’in tolu iha Caicoli

Membru Polísia Nasionál Timor-Leste (PNTL) tiru...

TL rejista tan kazu óbitu COVID-19 na’in ida

Timor-Leste (TL) rejista tan,  kazu óbitu...

Close