JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PAM: Populasaun TL pursentu 36 sei enfrenta problema inseguransa alimentár

PAM: Populasaun TL pursentu 36 sei enfrenta problema inseguransa alimentár

Reprezentante Programa Alimentar Mundiál (PAM) iha Timor-Leste, Dageng Liu, hatete, tuir relatóriu estudu ne’ebé halo husi IPC (Integrated Food Security Phase Classification), hatete, husi problema inseguransa alimentar ne’e, iha pursentu 15 konsidera grave no pursentu 21 moderadu.

“Hanesan ema sira ne’ebe enfrenta inseguransa alimentar ne’e hamutuk 36%, husi estudu ne’ebé halo husi IPC kona-ba inseguransa ai-han ni-nian. Ida ne’e por volta ema atus haat resin. Husi 36% ne’e, 15% mak ita konsidera grave no 21% moderadu” informa Dageng Liu ba JN-Diário iha edifísiu PAM (12/10/2020), liu husi konferénsia ba imprensa ne’ebé realiza iha edifísiu Programa Alimentar Mundiál (PAM) iha Obrigado Barracks, Kaikoli, Díli.

Reprezentante ajénsia ONU iha Timor-Leste ne’e afirma, problema ne’e akontese impaktu husi pandemia koronavírus.

“Ida ne’e hanesan situasaun króniku ba ai-han nian. Inseguransa ai-han ne’e sei afeta mos ba sira ne’ebé hela iha urbanu, tanba lakon servisu no oportunidade tanba pandemia koronavírus. Ne’ebé hanesan kona-ba mudansa klimátika no kona-ba dezastre sira ne’e, globalmente WFP fo han ona ema tokon sia-nulu, depois de COVID-19 no asisténsia ai-han ne’ebé WFP fornese hamutuk tokon ida atus walu resin ba ema ne’ebé nesesita. Liu-liu ba sira ne’ebe afetadu, tanba lakon sira nia oportunidade, lakon sira nia servisu no liu-liu ba sira ne’ebé la’os moris de’it iha área rurais, maibé ba mos iha área urbana.

Tuir relatóriu husi IPC (Integrated Food Security Phase Classification) ho títulu; Timor Leste: Chronic Food Insecurity Situation 2018-2023 ne’ebé realiza iha abril 2018 hatudu katak, ema besik 430.000 husi populasaun neebe analizada, iha pursentu 36 mak sofre ba inseguransa alimentar krónika iha munisípiu 12 no iha Rejiaun Administrativa Espesiál Oe-Cusse Ambeno. Husi total ne’e, ema 176.00 (pursentu 15) sofre ba inseguransa alimentar krónika grave (IPC nível 4) no ema 254.000 (pursentu 21) sofre ba inseguransa alimentar krónika moderada (IPC nível 3). Aleinde ne’e ema 461.000 (pursentu 39) sofre ba inseguransa alimentar moderada (IPC nível 2). Só iha deit pursentu 25 husi populasaun analizada, mak konsidera iha seguransa ba alimentar (IPC nível 1).

Munisípiu sira ne’ebé sai preokupasaun boot mak hanesan Ermera, Manufahi no Rejiaun Administrativa Espesial Oé-Cusse Ambeno (RAEOA), tanba iha grave inseguransa alimentar krónika IPC nível 4.

Munisípiu sira ne’ebé iha proporsaun boot populasaun nian ba inseguransa alimentar krónika mak hanesan Ainaro, Covalima, Manatuto no Lautem.

Fatór prinsípal ne’ebé kontribui ba kondisaun inseguransa alimentar krónika no moderada iha Timor-Leste mak hanesan menus produtividade agríkola, menus konsumu kualidade no kuantidade alimentu, estratéjia subsiténsia valor ki’ik kombinada ho alta dependénsia ba ba estratéjia subsiténsia únika, hodi rezulta pobreza elevada pursentu 42 no desnutrisaun krónika. Aleinde nee instalasaun infrastrutura bázika no saneamentu ne’ebé ladun diak, bee-moos, estrada, irigasaun, eskola no saúde agrava situasaun ne’e.

Fatór seluk ne’ebe kontribui ba inseguransa alimentar krónika inklui kapital finaseiru sira, rekursu umanu la adekaudu no impaktu negativu husi risku no mudansa klimátika.

Planu ba futuru, Programa Alimentar Mundial (sigla iha inglés WFP) sei servisu hamutuk ho parseiru dezenvolvimentu sira, hanesan sosiedade sivíl no setór privadu, hodi responde ba nesesidade ne’ebé mak povu presiza no sei servisu hamutuk hodi fó asisténsia ba moris. fns

Lee hotu :   Investe iha estrada Kasa-Betano, PM haruka kompañia KC-Tinolina koalia ho MOP

Add to Comments Here!!!!

error: Content is protected.
Secured By miniOrange
You might also like:
Governu sei submete OJE 2021 billiaun USD1.895 ba PN iha semana ne’e

Sekretaria meza Parlamentu Nasionál (PN), Lídia...

Governu sei uza medida haat ba rekuperasaun ekonómika

Ministru Koordenadór Asuntu Ekonómiku (MCAE_sigla portugés)...

PLP lamenta FRETILIN domina to’o administradór munisípiu

Deputadu bankada PLP, Noé da Silva...

Close