JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana Gusmão: Estadu tenke tau atensaun ba ferik-katuas sira

Xanana Gusmão: Estadu tenke tau atensaun ba ferik-katuas sira

Eis Prezidente Repúblika, Kay Rala Xanana Gusmão, husu ba Estadu atu tau atensaun máximu ba ferik ho katuas sira ne’ebé idade avansadu ona.

Husi vizita ne’ebé Xanana Gusmão hala’o ba Postu Administrativu Luro, Munusípiu Lautem iha Sesta (16/10/2020), populasaun simu líder karismátiku ne’e ho entusiazmu liu husi dansa kultura no poezia.

Líder nasionál ne’e hateten, nia parte agradese ba COVID-19, tanba bele halo nia hasoru malu ho jerasaun sira ne’ebé uluk hasoru situasaun difísil, terus iha tempu luta ba ukun rasik-an.

Objetivu husi Xanana nia vizita ne’e hakarak haree no hatene kondisaun ferik ho katuas sira ne’ebé idade avansadu ona hodi hatudu ba Estadu Timor-Leste atu toma responsabilidade no tau atensaun máximu ba sira.

Iha Postu Administrativu ne’e, Xanana espresa nia sentimentu triste no hamonu matan-been bainhira haree ferik no katuas sira-nia kondisaun moris ne’ebé laiha ona forsa, maibé hakarak hasoru nafatin nia.

“Ami organiza hela ekipa ida atu aprezenta ba Estadu, hodi husu ba Estadu hanoin to’ok, Estadu iha obrigasaun boot teb-tebes atu fó asistensia ne’ebé di’ak uitoan ba ferik ho katuas sira”, dehan líder máximu rezisténsia ne’e.

Pároku Igreja Luro, Agosto Assunção Delfim de Sá, hanesan mós komisaun organizadora konsidera, prezensa Xanana nian ne’e halo populasaun tomak sente kontente, tanba bele hasoru fali sira-nia aman no maun ne’ebé tinan barak la hasoru malu.

“Husi avo Xanana nia lideransa mak la’o ba oin, tanba ida ne’e mak ami agradese ne’ebé vizita ami iha ne’e, tanba ami hakarak rona buat ruma ne’ebé importante husi ita-nia aman, avo Xanana”, hatete Pároku Igreja Luro ne’e.

Hafoin vizita tiha Luro, Xanana ho komitiva vizita mós ba suku Vairoque, postu Luro, hodi fahe mós informasaun kona-bá COVID-19 no mós toma nota kona-bá dadus ferik-katuas sira, hodi bele hetan tulun ruma husi Estadu.

Alende ne’e, Xanana mós hala’o vizita ba Laivai, postu Lautem, munisípiu Lautem, ho misaun esplika kona-bá perigu husi COVID-19 no mós prosesu luta ba Timor-Leste nia ukun rasik-an no hala’o mós asaun karidade ba populasaun sira ne’ebé hela iha suku Eukisi no Ililai área Laivai nian. Oly

Lee hotu :   Governu sei tula hotu estudante iha rai-liur mai TL

Add to Comments Here!!!!

error: Content is protected.
Secured By miniOrange
You might also like:
ME aplika polítika pensaun ba profesór área remota hamosu diskriminasaun

Diretór Eskola Bázika Sentrál 4 de Setembro...

Loke jogu ilegál, PSIK detein sidadaun Xinés ida

Polísia Sientífika Investigasaun Kriminál (PCIC-Sigla Português)...

Amu Ilídio Correia hakotu iis iha HNGV

Diretór Komunidade Post-Novisiadu, Salezianu Comoro, nu’udár...

Close