JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Diálogu ho PR, Autoridade Munisípiu Ermera preokupa ho folin kafé

Diálogu ho PR, Autoridade Munisípiu Ermera preokupa ho folin kafé

Prezidente Repúblika (PR), Francisco Guterres “Lú Olo” halo diálogu aberta ba dahuluk ho populasaun Munisípiu Ermera. Iha diálogu refere Autoridade Munisípiu Ermera lori povu tomak nia naran hato’o preokupasaun ba Xefe Estadu, tanba durante tinan 18 ona Timor-Leste ukun-an sira kontinua enfrenta problema boot kona-bá infraestrutura bázika no mós podutu potensiál hanesan kafé folin tun ba bei-beik.

Iha atividade diálogu ho populasaun sira, ho tema “Ho Diálogu sei hetan solusaun ba problema ne’ebé de’it” povu Ermera ezije liu ba nai-ulun sira responde la-lais sira-nia preokupasaun durante Timor-Leste ukun-an, maioria povu Ermera seidauk asesa ba infraestrutura bázika hanesan eletrisidade, bee-moos no estrada.

Iha diálogu refere, PR Lú Olo mós halo esplikasaun kona-bá situasaun polítika no polémika polítika ne’ebé durante ne’e akontese iha nível Governu no Parlamentu Nasionál (PN).

Prezidente Autoridade Munisípiu Ermera, José Martinho dos Santos, lori povu Ermera nia naran agradese no hato’o Bemvindo ba PR ho komitiva tomak ne’ebé mak mai hamutuk ho komunidade hodi halo diálogu.

“Iha Munisípiu Ermera suku hamutuk 52 no aldeia 296 no ho nia totál populasaun hamutuk rihun atus ida haat nulu, ohin loron produsaun kafé menus, tanba ne’e mak hakarak aproveita oportunidade ne’e, hato’o katak komunidade Ermera iha preokupasaun boot ba produsaun kafé, ne’ebé hanesan kualidade iha mundu, tuir péritu husi Amérika hatete, kafé Ermera kualidade número um iha Mundu”, Prezidente Autoridade Munisípiu Ermera ne’e ba jornalista sira, Kinta (19/10/2020), iha Munisípiu Ermera.

Autoridade másimu Munisípiu Ermera ne’e afirma, ho vizita PR nian ne’e bele hato’o sira-nia preokupasaun kona-bá kafé nia folin kilograma USD 1.35 centavos ne’e ba Governu.

Iha biban ne’e mós, PR Lú Olo, sente hakfodak ho inisiativa povu Ermera halo prosesu kona-bá kuda kulat, ne’ebé hatama kilograma rihun 70 ba loja. Inisiativa povu Ermera nian ne’e di’ak tebes, tanba ne’e presiza hakbi’it sira-nia kapasidade, ida seluk mak hakiak ikan kapas tebes, depois hatama ba merkadu.

“Ministériu Agrikultura tenke haree oinsa mak atu salva kafé Ermera nian, la’ós dehan ha’u fó resposta, atu nune’e ha’u mós bele lori influénsia PR nian ba PN para Governu ne’e implementa, ha’u nafatin ba ita boot sira no ba povu tomak, Timor-Leste presiza ema hotu nia vontade no hanoin di’ak hodi hadi’a no ajuda ita-nia Governu no instituisaun Estadu hodi hadi’a povu no nasaun nia moris, liu-liu haree ba ai-sametuku nia tahan mak fó buras ba kafé, maibé ladún iha ona, hodi oho kafé, tanba ne’e Governu hamutuk ho povu Ermera atu kuida di’ak ai-sametuku nee”, tenik Xefe Estadu ne’e. Oly

Lee hotu :   MOP husu motorista labele liu husi mota Kasnafar iha tempu udan

Add to Comments Here!!!!

error: Content is protected.
Secured By miniOrange
You might also like:
Deskonfia selingkuh, laen ta’a nia fen-kaben

Polísia Nasionál Timor-Leste (PNTL) Eskuadra Cristo-Rei,...

CNRT: Membru Governu balun la kompriende ninia orsamentu

Deputada bankada CNRT, Maria Fernanda Lay,...

Konsidera la perfeitu, Xanana Gusmão defende reforma iha ONU

Pessoa Eminente g7+, Kay Rala Xanana...

Close