JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Konsidera la perfeitu, Xanana Gusmão defende reforma iha ONU

Konsidera la perfeitu, Xanana Gusmão defende reforma iha ONU

Pessoa Eminente g7+, Kay Rala Xanana Gusmão, hatete, tenke halo reforma estruturál sira iha Organizasaun Nasoens Unidas (ONU) hodi garante konstrusaun ba mundu ida di’ak liu no mundu ida ne’ebé pasífiku.

Líder Nasionál Timor-Leste ne’e, hatete, buat sira ne’ebé mak bele hafahe mundu mak dezigualdade, konflitu no mate, nune’e ema hotu tenke hili paz.

Eis Prezidente Repúblika ne’e, salienta, mundu presiza iha idealizmu ida loos, ho korajen, dedikasaun no lideransa. Tanba ne’e, presiza halo reforma estruturál, nune’e bele hamosu prinsípiu ida de’it, hodi ema hotu moris iha paz nia-laran.

“Ha’u repete. ONU la’ós perfeita. Presiza halo reforma estruturál sira. No mós prinsípiu sira, dalaruma krize boot ne’ebé ita enfrenta agora-krize ba prinsípiu no valór sira iha ne’ebá. Iha momentu difísil sira husik ita lori ita-nia kompromisu ho solidariedade umana atu garante konstrusaun ba mundu ida di’ak liu, mundu ida ne’ebé pasífiku. Timor-Leste antes ne’e haree ona solidariedade ida ne’e, bainhira ami-nia nasaun moris. Ita hotu hatene katak ida ne’e tenke halo. Ami mós haree katak solidariedade ida ne’e ezije mós iha relasaun entre Japaun no Timor-Leste”, Pessoa Eminente g7+ ne’e bainhira reprezenta g7+ hato’o mensajen ba aniversáriu Nasaoes Unidas nian ba dala-75 ne’ebé organiza husi Komisaun Parlamentár Japaun, iha Tokyo, semana ne’e.

Alénde ne’e eis Primeiru Ministru ne’e mós husu atu muda forma hanoin no asaun hodi aseita diferensa no diversidade, ho ida ne’e mak mundu bele kombate moras pandemia sira, alterasaun klimátika, kiak, extremizmu, terorizmu no  violénsia.

“Japaun no Timor-Leste iha relasaun forte no profunda entre nia emar sira. Ida ne’e bele haree liu husi Organizasaun Naun Governamentál Japoneza ne’ebé servisu iha Timor-Leste atu hadi’a ami-nia povu nia moris. Bele mós haree liu husi programa interkámbiu joven sira ne’ebé permite Timor-Oan halo viajen mai Japaun no aprende ho povu Japonéz. Ida ne’e mós bele haree liu husi ita-nia afinidade kulturál sira no Timor-Oan sira ne’ebé estuda iha instituisaun Ensinu Japaun nian. Japaun mós apoia ami halo konstrusaun ba ami-nia infraestrutura bázika sira no provisaun ba servisu báziku sira hanesan edukasaun, saúde, bee no saneamentu”, tenik Xanana Gusmão.

Xanana mós lori Timor-Leste nia naran presta omenajen ba povu Japonéz, partikularmente Komisaun Parlamentár Japonéz, Governu Japaun, sosiedade sivíl no instituisaun akadémika no ONG Japonéz nian ba solidariedade no kontribuisaun hodi luta libertasaun nasionál no prosesu  dezenvolvimentu Timor-Leste. oct

Lee hotu :   Ramos Horta: Maun Bo’ot Xanana mak halo negosiasaun ho ONU ba referendu 1999

Add to Comments Here!!!!

error: Content is protected.
Secured By miniOrange
You might also like:
Hakarak proteje povu, PR Lú Olo dekreta EE

Chefe Casa Militar, Coronél António da...

MS deklara Timor-Leste livre husi kazu malária

Ministra Saúde, Odete Maria Freitas Belo,...

Arsénio: Iha estratéjia rasik lori Ró Haksolok mai Timor-Leste

Prezidente Autoridade Rejiaun Administrativa Espesiál Oe-Cusse...

Close