Pesoál Saúde na’in rua foti subar aimoruk husi HNGV sei hatán iha Tribunal

Pesoál Saúde na’in rua, ne’ebé deskonfia foti subar aimoruk  husi Hospital Nasionál Guido Valadares (HNGV) ba interese privada ninian, submete ona ba Ministériu Públiku (MP).

“Prosesu investigasaun konaba pesoal saúde nain 2 ne’ebé mak lori sai aimoruk husi HNGV iha ona indikasaun, sira rekoñese duni katak, sira komete duni, tamba ne’e mak prosesu ne’e hein loron rua tán bele submete ona ba tribunál. Tuir informsaun katak, deskonfia Vise Ministra Saúde mak haruka ne’e ministru saúde interinu konsidera ne’e hanesan rumoris ne’ebé sirkula ,tanba membru Governu seidauk haruka pesoal saúde lori aimoruk sai husi Instituisaun ida. Sim na realidade  maka komete duni krime  iregularidade ministériu saúde sei fó sansaun forte hasoru pesoal saúde nain 2 ne’e” Vise Ministru Saúde ba Dezenvolvimentu Estratéjiku Saúde, Atual Ministru Saúde Interinu, Bonifácio Maucoli dos Reis, hato’o kestaun ne’e, hafoin enkontru ho Primeiru Ministru Taur Matan Ruak, iha Palásiu Governu, Kuarta (04/12).

Rezultadu, investigasaun ne’ebé, Hospital Nacional Guido Valadares, hala’o ba pesoál saúde nain rua, ne’ebé deskonfia lori sai aimoruk husi Hospital Nasionál, hatudu katak, iha duni indikasaun, iregularidade ne’ebé pesoal saúde nain rua ne’e komete.

Tanba ne’e Hospital Nasionál Guido Valadares, submete ona kazu ne’e ba Ministériu Públiku hodi prosesa tuir dalan legál.

Bonifácio Maucoli dos Reis, promete, Ministériu saúde, sei foti sansaun hasoru pesoál saúde rua ne’e, hafoin prosesu justisa sira la’o.

Konabá informasaun ne’ebé sirkula iha públiku katak, deskonfia pesoal saúde rua ne’e,hetan orientasaun husi, Vise Ministra Saúde ,Ministru Saúde interinu Bonifácio Maucoli, rejeita no konsidera hanesan informasaun falsa.Tos