JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Isu virus corona tama TL, Élia : Povu labele pániku, tanba seidauk eziste iha Timor

Isu virus corona tama TL, Élia : Povu labele pániku, tanba seidauk eziste iha Timor

Vise Ministra Saúde interina, Élia dos Reis Amaral, husu ba povu atu labele pániku ho informasaun ne’ebé espalla iha Média Sosiál (MedSos) katak, Timoroan ida iha Fatuhada-Díli kona ona virus Corona, ne’e laloos, tanba virus refere seidauk tama ou eziste iha Timor-Leste (TL).

“Imi hetan informasaun husi ne’ebé, sé mak ko’alia ida ne’e, informasaun ne’e laloos, lalika terlalu, tanba ita iha Timor virus corona ne’e seidauk tama, tanba ne’e komunidade sira labele pániku ba informasaun ne’ebé espalla iha públiku”, Vise MS interina ne’e ba jornalista sira iha Palaçio das Cinzas, Caicoli-Díli, Segunda (27-01-2020).

Governante ne’e informa, dau-daun ne’e MS mós monta ona ekipamentu ho pesoál saúde sira iha pontu entrada sira, atu bele halo triajen ba pasajeiru sira ne’ebé tama sai TL pontu de entrada sira hanesan Batugade-Bobonaro, aeroportu internasionál Nicolao Lobato, no mós portu Díli.

“Ita nia pesoál saúde sira halo ona screening ba ita-nia pasajeiru sira iha aeroportu, no mós monta ona mákina Termo focus, hodi bele haree pasajeiru sira ne’ebé mak tama sai TL, tanba husi ekipamentu ne’ebé monta ona, bele halo triajen ba sira”, tenik Élia.

Iha fatin hanesan, Diretora Jeral Prestasaun Saúde, Odete Viegas, husu ba komunidade sira labele pániku, tanba sintoma ne’e bai-bain, maibé karik hela fatin besik ho ema sira ne’ebé hala’o viajen husi nasaun Xina Wuhan no nasaun sira seluk, ema ruma ho sintoma hanesan ne’e labele besik.

“Sintoma husi moras ne’e mak isin-manas, me’ar, susar dada ís, ulun-moras, kakorok sente to’os, liman-ain kolen no mamar, maibé atu prevene virus refere MS sei hala’o enkontru ho entidade hotu-hotu atu bele haree asuntu ida ne’e”, katak Odete.

Lee hotu :   Estadu estende tan EE implika vendedór ambulante nia sasán la folin

Entretantu dau-daun ne’e MS orienta ona tékniku sira, liu-liu iha aeroportu, portu no liña fronteira Mota-Ain Bobonaro, para bele haree turista sira ne’ebé tama sai TL, liu-liu sidadaun Xina sira. eni

Add to Comments Here!!!!

error: Content is protected.
Secured By miniOrange
You might also like:
Antisipa virus corona tama TL, MS distribui mákina Termo Focus iha pontu Entrada sira

Atu antisipa virus corona da’et mai...

PN preokupa komunidade sempre sofre ba inundasaun

Reprezentante povu iha uma fukun Parlamentu...

Labele asesu ba ai-han, bolseiru Timor-oan iha Wuhan-Xina ameasadu

Vírus corona ne’ebé ataka sidade Huben...

Close