JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS-Austrália prepara fatin ba teste COVID-19

MS-Austrália prepara fatin ba teste COVID-19

Governu liu husi Ministériu Saúde (MS) hamutuk ho Governu Australia liu husi Embaixador Austrália iha Timor-Leste (TL), halo ona lansamentu primeira pedra ba laboratóriu hodi halo teste ba Corona Vírus Disease 2019 (COVID-19) iha Timor-Leste.

Ministra Saúde Interina, Elia dos Reis Amaral hateten, ekipamentu no tékniku sira ne’e hetan apoiu husi governu Australia inklui hadia laboratorium no espesialista australiano nain rua, apoiu ne’e Governu Australia ofrese liu husi Organizasaun Menzies School of Health Reserach hodi halo rasik teste ba COVID-19 iha Timor-Leste.

“Ohin ami realiza ba laboratóriu nasional hare’e liu ba hari’i konstrusaun patologi, mikrobiologi ne’ebé mak hetan apoiu maximu husi governu Australia no hetan apoiu para oinsa halo extensaun ba PCR para ita bele servisu, karik no kazu labele ona mak outbreak ruma entaun Laboratóriu Nasional Saúde hare’e ba fatin kiikoan presiza halo bo’ot ho nune’e pesoal ne’ebé servisu bele halo servisu ho maximu no teste komesa agora bele halo iha ne’e no liu 5 ou 6 sei haruka ba Australia,” dehan, Elia dos Reis iha Laboratórium Nasional Saúde, Kuarta (25/03/2020).

Iha fatin hanesan, Embaixador Australia iha Timor-Leste, Peter Roberts esplika, laboratórium ne’e importante hodi ajuda kontrola COVID-19 no promete sei kontinua servisu ho Ministériu Saúde no parseiru sira seluk hodi ajuda Timor-Leste.

“Hau kontente tebes tanbá Australia servisu hamutuk ho governu TL, MS no MG research no flaming, WHO atu suporta kapasidade atu halo teste COVID-19 iha Timor-Leste, kapasidade ida ne’e importante duni tanbá bele teste bele servisu atu kontrola,” dehan Peter Robert.

Nune’e mos, espesialista moras infeksioza pediatria, Joshua Francis fiar katak laboratórium ida ne’e bele ona halo teste, mesmu ho prosesu ne’ebé naruk tebes maibé bele realiza liu husi tulun husi Organizasaun Mundial Saúde no governu Australia.

Lee hotu :   Papel joventude importante ba dezenvolvimentu

Joshua esplika, maske bele halo teste maibé tenke halo konfirmasaun iha Australia para hatete katak teste ne’e bele fiar duni, nia mos promete sei kontinua servisu liu husi apoiu Menzies School of Health Reserach Australia no mos Óspital Royal Australia.

Espesialista nain 2 ne’ebé mai husi ONG Menzies School of Health Reserach Darwin Australia mós fó apoiu kapasitasaun no treinamentu ba pessoal laboratóriu atu bele halo teste ba COVID-19.

Total orasamentu ne’ebé governu Australia apoiu liu husi kooperasaun ho Organizasaun sira ba prosesu konstrusaun Laboratóriu ne’e rihun USD 350 ne’ebe sei konstroi husi kompañia RMS Engineering and Construction no tuir estimasuan sei remata iha fulan Jullu tinan ne’e.Ida

Add to Comments Here!!!!

error: Content is protected.
Secured By miniOrange
You might also like:
Prevene COVID-19, Negosiante foti insiativa taka sira-nia Loja

Prevene Corona Virus Disease 2019 (COVID-19),...

Prevene COVID-19, PTR prolonga servisu judisiál durante loron 30

Hafoin reuniaun Konsellu Superiór Majistradu Judisiál...

Ohin PN debate pedidu Estadu Emerjénsia

Prezidente Parlamentu Nasionál (PN), Arão Noe,...

Close