JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS: Italianu iha TL sei suspeitu hela ba COVID-19 ■Timor-oan iha Korea do Sul la kona COVID-19

MS: Italianu iha TL sei suspeitu hela ba COVID-19  ■Timor-oan iha Korea do Sul la kona COVID-19

Diretora Jerál Prestasaun Saúde, Ministériu Saúde (MS), Odete da Silva Viegas, hateten, sidadaun Italia ida ne’ebé públiku Timor-Leste (TL) dún infetadu COVID-19, ne’e sei suspeitu hela no seidauk pozitivu infetadu COVID-19.

“Ita buka solusaun ba moras ida iha ne’e, tanba sidadaun Italianu ne’e nia sei suspeitu, seidauk konfirma katak, nia pozitivu ba coronavirus. Sidadaun Italianu ne’e nia amóstra, haruka ona ba Darwin-Austrália, hodi halo teste, kuandu rezultadu to’o ona iha TL, MS sei hato’o rezultadu ba públiku. Wainhira ninia rezultadu pozitivu ba coronavirus tenke foti ona medidas ba pasiente ne’e no ba tau ona iha fatin karantina ne’ebé Governu prepara ona no dau-daun ne’e pasiente ne’e iha hela klínika Stamford hodi hein, oinsá mekanizmu traballu ou nia bele ba Tibar ou bele halo evakuasaun ba rai liur, tanba ema ne’e estranjeiru no depois Stamford mós bele halo evakuasaun, ida ne’e tanba sira-nia servisu ba halo evakuasaun”, Diretora Jerál Prestasaun Saúde MS ne’e ba GMN iha ninia kna’ar fatin Palaçio das Cinzas, Caicoli-Díli, Segunda (09-03-2020).

Ho nune’e, Odete, husu ba komunidade no responsábel sira hotu atu kontribui ba servisu ne’ebé dau-daun ne’e komisaun ne’ebé estabelese hala’o hela servisu, hodi evita COVID-19 tama TL.

“Ita tenke buka duni fatin ne’ebé apropriadu, tanba bainhira ita hetan ema ne’ebé infektadu ba coronavirus fatin ba sira ne’e iha kedas, ne’e duni komunidade ho líder komunitáriu sira mak tenke kontribui ho Governu para bele haree ba asuntu ne’e”, tenik nia.

Diretora Jerál Prestasaun Saúde MS ne’e, subliña, tenke evita COVID-19 iha TL, tanba vírus refere ninia sirkulasaun ne’e la-lais tebes no tanba númeru populasaun iha TL uitoan de’it.

Lee hotu :   PM Taur: Halakon rezolusaun, aplika lei ba GAM

“Di’ak liu kazu ida ne’e buka atu evita, tanba komunidade iha nasaun ne’e uitoan no komunidade ho estadu nutrisaun ida ne’ebé menus no moras bar-barak iha ita-nia le’et, entaun ida ne’e afeita liu ou moras ne’e transmite la-lais”, afirma Odete.

Tuir dadus atuál ne’ebé divúlga, husi ajénsia Lusa katak, númeru infetadu husi COVID-19 iha nível mundiál hamutuk 105.836 no númeru mortal 3.595, COVID-19 maioria rejista iha Xina hamutuk 80.695, fora husi Xina rejista kazu infesaun besik rihun 25 no TL seidauk rejista kazu husi COVID-19, maske rumoris COVID-19 iha nasaun ne’e sai virál iha média sosiál katak, iha ona suspeitu.

Timor-oan iha Korea do Sul la kona COVID-19

Diretór Jerál Sekretaria Estadu Formasaun Profisional no Empregu (SEFOPE), Paulo Alves, hatete, traballadór Timor-oan ne’ebé servisu iha Korea do Sul, kondisaun diak no la infetadu ba COVID-19, maske COVID-19 iha Korea do Sul sai hanesan Nasaun daruak, ne’ebé infetadu ba COVID-19 hamutuk rihun 7 resin no ema ne’ebé mate hamutuk 48.

“Meius ne’ebé SEFOPE halo mak, sempre komunika ho Adidu iha Korea do Sul, hodi fó atensaun masimu ba traballadór Timoroan sira, atu servisu kuidadu an no tenke uza maskra tuir intrusaun hosi WHO”,deklara Diretór SEFOPE, Paulo Alves, ba JN-Diário, Segunda (09/03/2020) iha nia knaar fatin Kaikoli, Díli.

Nia hateten, Korea do Sul hanesan Nasaun ida ne’ebé Timor-oan barak servisu iha ne’eba, tanba ne’e SEFOPE sempre halo komunikasaun lor-loron liu hosi mídia sosiál no via telephone ho Adidu iha Korea, hodi hato’o diariamente konaba virus COVID-19 iha Korea do Sul no kondisaun traballadór sira nian.

Lee hotu :   UE kontinua hametin kooperasaun ho TL

“Seidauk iha traballadór Timor-oan iha Korea do Sul, ne’ebé afeta ba COVID-19. Ita espera COVID-19 labele afeta ba Timor-oan sira, tanba sira ba servisu atu ajuda nia ekonómia uma laran, tanba ne’e ita nia Adidu hamutuk ho Embaixada iha Korea do Sul, esforsu hela hodi tau atensaun masimu ba Timor-oan sira iha Nasaun Korea do Sul”informa Paulo Alves.

Nia afirma, COVID-19 hanesan virus ida perigozu tebes no nia vasina kontra virus ne’e seidauk iha, tanba ne’e ami sempre halo apelu no enkoraja traballadór Timor-oan sira, atu moris ho saudavel no tenke uza maskra bainhira ba servisu hodi evita virus refere.

“Iha traballadór Timor-oan ida ou rua mak fila ona mai Timor, la’os tanba tauk virus COVID-19, maibé tanba sira nia kontratu mak remata no balun  pasa hela ferias iha Timor tanba empreza mak fó hela ferias ba sira.To’o agora ha’u seidauk mensajen ruma hosi traballadór sira iha Korea do Sul katak, sira tauk ho COVID-19”,

Traballadór ne’ebé servisu iha Korea barak tebes, tanba kuaze terri-toriu Korea laran emprezáriu 80 % fó servisu ba Timor-oan sira, ne’ebé servisu iha área peska, fábrika no agrikultura.

 “Traballadór Timor-oan ne’ebé SEFOPE haruka ba Korea do Sul, hamutuk 3 mil ital. maibé ida ne’ebé eziste oras ne’e hamutuk 2 mil 812, ne’ebé oras ne’e sei servisu iha Korea do Sul. Ami nafatin esforsu hamutuk ho Adidu no Embaixada iha Korea do Sul, hodi tulun traballadór hodi hadook-an hosi virus COVID-19,”haklean nia. Eni/Fel

Add to Comments Here!!!!

error: Content is protected.
Secured By miniOrange
You might also like:
WHO-UN husu PR Lú Olo servisu hamutuk trava COVID-19 tama TL

Reprezentante Rezidénsia Nasaun Unida (United States/UN)...

Governu hili Tibar sai fatin izolamentu ba COVID-19 ■Komunidade protesta desizaun Governu

Fatin Isolamentu ba COVID-19, Tibar Governu...

PUDD: Koligasaun foun sei hakotu impase polítiku

Liu husi konferénsia estraordenáriu Partidu Unidade...

Close