JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SAMES: Fasilidade ho medikamentu TL la sufisiente kombate COVID-19

SAMES: Fasilidade ho medikamentu TL la sufisiente kombate COVID-19

Diretór Ezekutivu Servisu Autónomu Medikamentu no Ekipamentu Saúde (SAMES), Santana Martins, subliña, medikamentu no fasilidade protesaun ba pesoál servisu saúde atu atende pasiente coronavirus (COVID-19) limitadu.

Tanba ne’e, SAMES husu ba públiku tenke prevene-an husi COVID-19, liu husi régra ne’ebé dekreta ona.

“Haree ba análiza stock ne’ebé SAMES iha, liga ba item konsumaveis sira hanesan luvas, maskara, ekipamentu protesaun pessoal ka PPI, hanesan roupa, okúlu, xapeu no botas no item sira seluk ne’ebé liga ho prevensaun COVID-19 ni’an mak oras ne’e dau-dauk SAMES iha loos limitasaun ba stock ne’ebé menus ba bei-beik, tanba nesesidade ne’ebé sempre hato’o pedidu mai husi fasilidade sira no oras ne’e ita seidauk iha stock seluk ne’ebé bele sustenta kontinuidade asisténsia saúde direita ba pasiente no haree ba risku ne’ebé profisionál saúde sira hasoru, kompara ho programa prevensaun ni’an mak hodi hein kompras ne’ebé Governu hala’o hela, nune’e SAMES hakarak fó sai ba públiku katak, SAMES sei atende de’it pedidu ne’ebé hato’o mai husi fasilidade esensial sira ne’ebé fó asisténsia saúde iha servisu nasionál saúde hanesan Hospital Nacional Guido Valadares (HNGV), ospital referais sira no mós servisu munisipál saúde no sentru izolamentu no quarentena ba COVID-19 no servisu laboratóriu nasionál de saúde”, Diretór Ezekutivu SAMES ne’e ba jornalista liuhusi konferénsia imprensa ne’ebé hala’o iha salaun enkontru SAMES, Kampung Alor-Díli, Tersa (31-03-2020).

Santana informa, item medikamentu ne’ebé rejistu iha baze dadus SAMES ni’an hamutuk 364, husi númeru ne’e, item ne’e disponivel iha armajen mak 330 item ka porsentu 91 no stock out iha armajen 34 item ka porsentu 09.

Lee hotu :   Deskonfia fahe tutan ema nia video privada, PCIC detein ona joven ida

“Kategória item konsumaveis ita iha 397 item mak rejista iha sistema eletrónika SAMES, husi totál ne’e agora dau-dauk ita iha disponivel item 272 ho porsentu 69 ka iha stock out 125 mais ou menus porsentu 31. Laboratóriu item sira iha 478 item mak rejista iha sistema, husi totál ne’e, ita iha 286 item disponivel ka porsentu 60 no stock out iha porsentu 40. Maibé stock medikamentu ba atendimentu regular sira iha porsentu 91, hodi atende moras malaria, dengue no selu-seluk tan mós la sufisiente”, afirma Diretór Ezekutivu SAMES ne’e.

Medikamentu no fasilidade atendimentu ba COVID-19 ne’ebé dau-daun iha ne’e, hetan ajuda husi Governu Austrália no Organizasaun Mundiál Saúde (OMS), maibé Governu rasik foin aprezenta dotasaun orsamentu ba atende pandémia COVID-19 totál milloens USD100.

Tuir dadus mundiál ba loron 31, fulan Marsu ne’e, rejista kazu pandémia COVID-19 hamutuk 799,677 no hamate ona ema 38,720 no ema ne’ebé rekopera ona husi pandemia COVID-19 hamutuk 169,974, maibé iha Timor-Leste foin konfirmadu sidadaun estranjeiru ida mak infetadu COVID-19. san

Add to Comments Here!!!!

error: Content is protected.
Secured By miniOrange
You might also like:
Fó subsídiu ba komunidade durante EE, PD: Ne’e hanesan projesaun polítika

Xefe bankada Partido Democrático (PD), António...

Deskonfia Timor-oan balu hetan sintoma COVID-19 transfere ona ba HNGV

Diretora Jerál Prestasaun Saúde, Odete Viegas,...

Governu sei fó subsídiu ba traballadór no empreza privada

Governu hahú ona diskute subsídiu ba...

Close