MEJD ezame nasionál muda ba fulan Novembru

Ministru Edukasaun Joventude no Desportu (MEJD), Armindo Maia, hatete, tinan ida ne’e Ministériu Edukasaun deside eskola pre-sekundariu no mos sekundariu iha teritoriu nasional orariu ba ezame nasionál, muda tanba surtu Corona Virus Disease 2019 (COVID-19).

“Despaixu husi ministérial sai ona kona-ba data ba ezame trimestral no ezame nasionál fo sai ona, ezame nasionál muda ba Novembru, i balun simu ona no balun seida’uk maibe, eu sento que normalmente fó sai ona”, hatete, Armindo Maia.

Armindo esplika, ministériu sei buka dala hodi rezolve preokupasaun estudante sira nian, liu-liu kona-ba orariu aprendizajen nian, nune’e labele difikulta sira bainhira iha ezame nia laran.

“Preparasaun iha estadu emerjénsia ida agora dadaun ne’e, ita hotu hatene atividade la’o normal, eskola la’o normal maske iha foho ne’eba ha’u foin mai husi Viqueque horbain rua husi Maliana, labarik sira dehan, balun dehan eskola semana ida dala ida deit, ha’u la hatene tanba distansia sosial, professor baruk ka halo nusa maibe ita sei haree buat ne’e”,hatete, Armindo Maia.

Iha tinan kotuk, Ministeriu Edukasaun Joventude no Desportu deside orariu ba ezame nasionál monu iha loron sanulu 14, fulan Outubru no tuir informasaun husi Ministru Edukasaun Joventude no Desportu, oras ne’e dadaun eskola porsentu 100  mak  reativa ona. Jen