JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS elojia HNGV tanba konsege reduz mortalidade inan

MS elojia HNGV tanba konsege reduz mortalidade inan

Diretór Nasionál Polítika Kooperasaun, Ministériu Saúde (MS), Narcísio Fernandes, elojia Hospital Nacional Guido Valadares (HNGV) nia servisu, tanba konsege reduz ona mortalidade inan isin-rua nini’an.

“Bazeia ba relatóriu MS ne’ebé simu husi parseiru São João de Deus hatudu katak, kuaze redusaun maka’as, liu-liu prestasaun kuidadu saúde inan iha HNGV. Progresu barak mak profesionál saúde sira hala’o ne’e hatudu saída, nei-neik ba nei-neik, etapa tuir etapa, por etapa hatudu katak, servisu másimu mak ita halo, maibé servisu la to’o ida ne’e presiza apresia di’ak liu tan, presiza dedika di’ak liu tan, presiza hatudu servisu profesionál di’ak liu tan, servisu importante mak servisu ekipa”, Diretór Nasionál Polítika Kooperasaun MS ne’e ba jornalista sira hafoin partisipa HNGV halo aprezentasaun no diseminasaun polítika no padraun prosedimentu operasionál ho objetivu atu atinji kualidade servisu ne’ebé mak di’ak, iha salaun Madre Carmelita, Maubara Liquiça, Sesta (28-08-2020).

Narcísio afirma, MS nafatin tau prioridade no apoiu liu husi fó orientasaun polítika, nune’e bele lori servisu prestasaun, tantu husi kuidadu saúde primária no sekundária, atu bele atinji ninia objetivu husi presta kualidade ba povu.

Iha fatin hanesan, Diretor Ezekutivu HNGV, Aniceto Barreto, informa, progresu sira ne’e la’ós HNGV ni’an mesak de’it, maibé servisu hamutuk ho ambulánsia nasionál, sentru saúde sira iha Díli laran no mós intervensaun sira husi entidade hotu ne’ebé adekuadu.

“MS ajuda hodi halo tratamentu konsulta isin-rua portantu durante inan isin-rua ba kontrola iha sentru saúde sira, atu nune’e ospitál ne’e bele fó tratamentu ne’ebé di’ak, sé wainhira inan sira mai ho kazu todan, sei ita la identifika durante perióde ante natal care (konsulta isin rua-red), sira balun isin rua hela mai gravidade todan mai ho moras komplikasaun sira seluk, maibé ida ne’e ita reduz duni programa ante natal care la’o iha sentru saúde sira funsiona, nune’e ospitál nia mortalidade menus ona”, tenik Aniceto. eni

Lee hotu :   Cidalia Mouzinho Guterres: Husu pesoal saúde HNGV servisu maka’as

Add to Comments Here!!!!

error: Content is protected.
Secured By miniOrange
You might also like:
PD la orienta militante sira halo manifestasaun

Prezidente Partido Democrático (PD), Mariano Assanami...

Xanana apela Governu fó subsídiu ba estudante iha rai-liur

Eis Prezidente Repúblika, Kay Rala Xanana...

PATIFOR ezije Governu tau matan ba povu nia terus

Prezidente Partidu Timor Forte (PATIFOR), Gregório...

Close